paasissutissat
Atorfiup suussusaa: Suliniuteqarneq Ineriartortitsinermilu Immikkoortortami pisortaq
Suliffeqarfik: Tusass
Qinnuteqarfissamut killigititaq: ingerlaavartumik
Attavissaq: CIO Thomas Hansen thoh@tusass.gl attavigisinnaavat.
Suliniuteqarneq Ineriartortitsinermilu Immikkoortortami pisortaq – ilinnut toraagalimmut naammassisaqarusuttumullu
Nunatta digitalinngorsagaanerata sanarfinera peqataaffigerusuppiuk?
Tusassimi inuit, nunaqarfiit, illoqarfiit, suliffeqarfiit ilaqutariillu nuna tamakkerlugu attaveqatigiissippagut, ungasissutsillu kilometeriinnaanngillat – qaqqaqarmat, kangerloqarmat, silaqarmat, imaqarmat teknologeqarlunilu. Piviusumi atorsinnaassusilinnik aaqqiissutissanik nassaarsiornissamut inuit sapiitsut, alapernaatsut pikkorissullu pisariaqartinneqarput.
Suliniuteqarneq Ineriartortitsinermilu Immikkoortortami pisortassarsiorpugut, Pilersaarusiornermik Sanarfinermillu ataqatigiissitsillunilu aqutsilluarsinnaasumik. Pisortamik, periusissiornermi pisariaqartinneqartunik piviusunngortitsisinnaasumik, isumassarsianik timitaliisinnaasumik kiisalu digitalimi anguniakkanik angujuminaassinnaasunik toraagaqarnikkut, aaqqissuussisinnaanikkut nukissaqarnikkullu piviusunngortitsisinnaasumik.
Atorfik pillugu
Immikkoortortami pisortatut Tusass-imi digitamik ineriartortitsinermi pingaaruteqarlutit ingerlatsisuussaatit. Akisussaaffigilissavatit Pilersaarusiornermi & Sanarfinermi atuuffimmi nukittuumi pilersaarusiornerup, pingaarnersiuinerup sulianillu aqutsinerup ataqatigiissarnissai – qulakkeerniarlugu suliniutit pisariaqartinneqartut, eqqortut pitsaassusilimmik, aalajangigaasumik naammassillugillu suliarineqartarnissaat.
Periusissiornerup, IT-p, attaveqaatit, niuernerup, sullitat attaveqaatillu inuiaqatigiinnut pingaarutillit katersuuffigissavaatsit. Tassani ataqatigiissaarisuussaatit, pilersaarusiornerup, sanaartornerup pilersuinerullu akornanni – tapiffigalugit ungasinnerusoq isigalugu pisinnaasassat, toqqagassani teknologimut tunngasuni, aqutsinermi kiisalu pitsaasumik naammassinnittarnermi.
Suliassatit pingaarnerit
Suliassatit nalunaarsuinermut tunngasuinnaanngillat. Periarfissaraat atuuffinni ataatsimoortumik nutarterinissat, taamaaliornikkut pilersaarusiornermi suliassanillu aqutsinermi suleqatigiinnerulersissallugit – tamatuma kinguneranik Tusass-imi eqqortumik toqqaasarneq, pingaarnersiuilluartarneq isumannaatsumillu pilersuineq nukittorsarniarlugit.
Pilersaarutit & Sanarfinerup atuuffii ataatsimoortumik toraagaqalersissallugit, pilersaarusiorneq, pingaarnersiuineq sulianillu aqutsineq akisussaaffigalugit.
Pisariaqartitsineq, pisinnaasanik pilersaarusiorneq, toqqakkat teknologiusut, niueqatigiinnermut tunngasut kiisalu suliassanik naammassinnittarneq ataqatigiinnerulersissallugit.
Ungasinnerusoq isigalugu pilersaarutinik suliniutit digitaliusut iluanni, attaveqaatini, aningaasaliissutini suliassanilu ineriartortitsitsinissaq.
Suliani naammassisassanilu siornatigut pilersaarutaasimasunit naammassillugit tunniussinermi, iluanaarutinik piviusunngortitsinermi ilikkagassanilu pitsaasumik aqutsinissaq.
Pilersaarusiornermik sulianullu pikkorissusilinnik suleqatigiinnik aqutsisuuneq, kajumissaarineq ineriartortitsinerlu, suliamut pikkoriffeqarneq, akisussaassuseqarneq nuannarisaqarnerlu sammisaralugit.
Suliffeqarfik akimorlugu suleqatigiinnermik ataatsimoorussamillu piginnittuussuseqartutut misigisimanermik pilersitsisinnaaneq.
Paasissutissanik qarasaasiakkut suliarineqarsimasunik aalajangiinernik ikorfartuineq, KPI-t, nalunaarusiat pisortallu paasissutissiissutaannik pitsanngorsaanermik tunngaveqartunik.
Nukittuumik aqutseriaaseqarnissamut, uppernarsaasiornissamut, attassinissamut aqutsinermilu allannguinissamut peqataanissaq.
Piginnaasatit
Aqutsisuuvutit tatiginartoq, siunnerfilik maligassarlu. Akissutissat tamaasa pigereertariaqanngilatit – inunnuilli pikkoriffillit katersuuffigissavaatsit, erseqqissunik aalajangiisinnaassusilik sulisitsinnaasorlu.
Teknologip, niueqatigiinnerup inuillu pisariaqartitaasa naapinneri suliarissallugit nuannarisaraatit. Piuminaatsuni qanoq sulinissat nalornisiginngilat aammali piuminarsaanissamut, pingaarnersiuinissamut ingerlaqqiffissanilu erseqqissuliornissamut sapiissuseqartuuvutit
Iluaqutaassaaq:
Pilersaarusiorneq, sulianik ineriartortitsitassanillu aqutsineq misilittagaqarfigigukku – soorlu suliffeqarfinni teknikkimik pisariusumik suliaqarfiusumit.
Periusissiorluni pilersaarusiorneq, suliassanik piareersaaneq, sulianik aqutsineq naammassisaqartarnermillu ataqatigiissaarineq
Suleriaatsit soorlu PRINCE2,-mi Agile-mi Scrum-milu assigisaaniluunniit misilittagaqarfigaatit.
Pilersaarutit tigussaasut, aalajangiiffigisassanik suliaqarneq iliuuseqarnissarlu periusissiornermit piviusunngortissinnaavatit.
Attaveqaqatigiinnermi danskisut tuluttullu pitsaasumik ingerlassinnaavatit.
Teknologi, inuit allannguutillu alapernaaffigalugillu inerisaaffigerusuppatit.
Illit
Suliassanik annertuunik aqutsineq misilittagaqarfigisimasinnaavat. Immaqalu suleqatigiissitsineq. Immaqa allanngortitsiniarnermut peqataasarsimavutit, siumut pilersaarusiorfigineqareersimasunut. Pingaarnerpaavoq piumassuseqarnerit, suliassat suunerinik nalorninngilatit aqutsisinnaallutillu nikisitsisinnaalluartoq.
Neqeroorutigaagut
Tusass -imi teknologimut tunngasut taakkuinnaanngillat suliffiusut, aaqqissuussaanerit ingerlatallu. Inuit akornanni attaveqatigiinneq pineqarpoq. Nuna tamakkerlugu suliffeqarfimmik ingerlatsinissat periarfissaraat. Attaveqaqatigiinneq toqqissisimanartuuvoq – aamma atugassarititaasut ajornukusoortillugit.
Suliffeqarfik suliassanut tunniusimasoq, inuiaqatigiinnut pingaarutilerujussuaq suleqatillu iluatsilluarnissamik pingaartitsisut akuuffigilissavatit. Mani isumassarsinermit pivisunngortitsinissaq qanittuararsuusarpoq, suliassallu piuminaatsuusinnaapput aaqqiissuteqarluarnissamulli periarfissaqarluartarpoq.
Uagutsinni akisussaaffeqarneq, sunniuteqarneq aqutsisutullu sulinippit naleqartitaanera malugissavatit – suliffeqarfimmiinnaanngitsumi aammali inuiaqatigiinni, Tusass-ip akuuffigisaani. Sullivimmik ilusilersuinissap peqataaffiginissaa periarfissaraat, tassanilu angorusutat, peqqissaartuuneq, suleqatigiiinneq alapernaatsuunerlu ataqatigiipput.
Soqutiginnippit?
Atorfimmut onlinekkut qinnuteqarit, qinnuteqaatit, CV-t, uppernarsaatillu allat attuumassuteqarsinnaasut nassiullugit.
Tusassimi qinnuteqaatit takkuttut ataavartumik suliarisarpagut taavalu qinnuteqarnissamut killigititaasoq suli qaangiutinngikkaluartoq qinnuteqartunik oqaloqatigerusutatsinnik aggersaasinnaalluta.
Atorfik pillugu sukumiinerusumik paasisaqarusukkuit, CIO Thomas Hansen thoh@tusass.gl attavigisinnaavat.
