Sungiusarfik Aaqa psykoterapeut-imik pissarsiorpoq
Sungiusarfik Aaqa tassaavoq nuna tamakkerlugu ulloq unnuarlu najugaqarfik. tallimanik immikkoortortaqarpoq, immikkoortortaqarfiit sisamat 30-inik inissalit, ornittagarlu 15-inik atuisulik, Najugaqartut tamarmik skizofrenimik nappaatilittut suussusersineqarnikuupput 18-niniit qummut ukioqartuullutik. 80 missanik sulisoqarluni. Aaqa suliffeqarfiuvoq ineriartortoq. Periarfissaqartitsilluni supervision-ernissamik, ineriartornissamik tunngavilimmik oqaloqatiginninnermik, pikkorissartarnerillu naleqqussakkat.
Sungiusarfik Aaqami psykoterapeut-imik pissarsiorpoq, ineqartunik sulisunillu ataasiakkaani imaluunniit eqimattani oqaloqateqartartussamik
Ineqartut oqaloqateqarnissaminnik pisariaqartitsisut Aaqami immikkoortortani sulisut kiisalu peqqinnissamut ikiorti (sundhedsassistent) isumaginninnermillu ilinniarsimasut (Socialrådgiver) suleqatigalugit nalilersuineq ingerlanneqartassaaq.
Neqeroorutigaarput suliffik unamminarlunilu pissaganartoq. Suleqatigissavatit sulisut nukittuut assigiinngitsunik ilisimasallit, sullitaminnut assigiinngiiaartuunerannut akuersaartut, ataatsimoorussamik aaliagikkanik ataqqinnilutillu akisussaaffillit.
Psykoterapeut-ip forstanderi qullersaraa.
Makku naatsorsuutigaavut:
- Psykoterapeut-itut ilinniarsimasuunissat
- Ataasiakkaat katsorsarnissaanik misilittagalik
- Eqimattanik katsorsaanermik misilittagalik
- Tarnikkut nappaatilinnik sullissinermik misilittagaqarneq
- Tatiginartuunissat aamma suleqatiginnikkusuttuuniissat
- Tarnikkut nukittunissat, qajannaatsuunissat aamma nammineerlutit sulisinnaasuseqarnissat
- Suleqatinnut ineqartunullu akuersaartuunissat
- Tusarnaallaqqittuuneq sulisunut ineqartunullu
- Alapernaatsuusutit namminerlu pisinnaasannik ineriartortitserusuttutit
- Paasissutissanik missueqqissaarinernillu misilittagaqartutit
- Unammillernartunik nutaanik kajumissuseqartutit
- Suliassanik agguaallaqqissuunissat tamakkerlugillu isiginnissinnaassuseqarnissat
- Anguniakkanut qanittunut ungasissunullu suliaqarsinnaanissat
- Ataqatigiimmik aaqqissuussaasumik suleqartinnaasutit
- Qarasaasiamik atuilluarsinnaaneq
- Marluinnik oqaaseqartutit (kisianni piumasaqaataanngilaq)
Sulissat ilaatigut makkuussapput:
- Ineqartunik ataasiakkaanik katsorsaaneq
- Sulisunik ataasiakkaanik eqimattanillu katsorsaaneq
- Sulisunut pikkorissaarit saqqummiinerillu
- Immikkoortortani aqutsisut Team 1-lu peqatigalugit pilersaarusiorneq
- Najugaqartut angalaneranni peqataasinnaaneq
- Ataatsimiinnernut peqataaneq
Sapaatip akunneranut suliffik: akunnerit 40-it.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job