Tarnip pissusiinik immikkut ilisimasalimmik, Allorfimmi qaammatit marlunni taartaasussamik
Allorfik aammaarluta tarnip pissusiinik ilisimasalimmik innuttaasunik katsorsaanermik misilittagalimmik sulisussarsioqqippoq. Imigassamik, ikiaroornartumik aningaasanoorajunnermillu pinngitsuuisinnaajunnaarsimasunik sullissisussamik atorfik inuttassarsiorpaa. Aggustip 22.-niik oktobarip 21.-ta tungaanut (22/08-2024-21/10-2024)- aallartissinnaasumik atorfinitsitserusuppugut.
Katsorsaasjut peqatigalugit Allorfinni katsorsaaviusuni katsorsaanerit katsorsaanernullu neqeroorutitta pitsaassumik ingerlanneqarisa pitsaasuunissaannik qulakkeerinneqataassaatit. Allorfimmi Pinngitsuuisinnaajunnaarnermik Paasisimasaqarfimmi Nuummiittumi sulliveqassaatit.
Pinngitsuuisinnaajunnaarnermik Paasisimasaqarfik tassaavoq nuna tamakkerlugu meeqqat inersimasullu aanngajaarniutik anigaasanoornermillu pinngitsuuisinnaajunnaarnerinut suliniuteqarfiulluni qitiusoq. Illoqarfinni Allorfeqarfiusuni kiisalu katsorsaasartut namminersortut suleqatigalugit. Kommunini tamani Qaqortumi, Nuummi, Sisimiuni, Aasianni Ilulissanilu Allorfeqarpoq. Taakkununnga Pinngitsuuisinnaajunnaarnermik Paasisimasaqarfik allaffeqarfiuvoq.
Suliffik pillugu
Allorfik katsorsaariaatsinut arlalinnut neqerooruteqarpoq, Katsorsaariaatsit, tamarmik aanngajaarniutinik pinngitsuuisinnaajunnaarnermik aallaaveqarlutik, soorlu qanigisaasunik oqaloqaternerit, inuusuttunik katsorsaanerit kiisalu neqeroorutissat nutaat, ilaatigut angajoqqaanik eqimattakkaanik oqaloqateqarnerit Allorfiullu sullissineri pioreersut.
Ilisimatuussutsikkut ilisimasat aallaavigalugit inersimasunut katsorsaariaaseq aamma inuusuttuaqqanut atorneqassaaq. Katsorsartinnissamik neqeroorut Allorfeqarfiusunut ulluinnarlugu ornigunnikkut ingerlanneqartassaaq, paasinnittaaserlu aqqutigalugu ilaqutariinnut katsorsaaneq pillugu periutsit atorlugit katsorsaariaaseq ingerlanneqartarpoq. Ikaarsaariarnermut aqqutissiuussisoq kiisalu maanna inuunermut akuersaarneq tunngavigalugu katsorsaariaaseq (mindfulness) atorlugu eqqisseqqinnaarsinnaaneq, ajornartorsiutillu aallaavianik tunngaveqarluni oqaloqatiginnissinnaaneq.
Sulinerit sullissinermik pitsaassutsimik qulakkeerinnillunilu ineriartorfiussaaq tamannalu ilinniartitsinermik, sulianik sullissisut ineriartorteqqinnissaannut kiisalu periutsit atorneqartut atuutsinneqarnissaannut katsorsaasunut ilitsersuunneqarnissaat. Katsorsaariaatsip pitsaanerpaaffimmiinnissaa qulakkeerinneqataaffigissavat. Taamaattumik illoqarfinnut Allorfeqarfiusunut angalasarnissat naatsorsuutigissavat. Neriuutigaarput marluinnik oqaaseqartuusutit kalaallisut qallunaatullu, katsorsaanissami periutsit qallunaatoormata katsorsaasullu kalaaliullutik.
Naatsorsuutigaarput:
- tarnip pissusaanik immikkut ilasaimasalittut ilinniarsimasuunissat ilisimasaqarluartuullutillu
- sulianut assigiinngitsunut ilinniarsimasunik suleqatiginninnermik misilittagaqarnissat
- innuttaasup killiffianik paasinnilluarlutit sumiiffigisartagaanillu ilisimasaqartuunissat
- nammineerluarsinnaasoq kiisalu akissussaaffimmik tigusisinnaasoq
- sulianiit sulianut nikerarsinaanerit kiisalu sulianik arlalinnik suliaqarsinnaanissat
- atuakkat teoriillu inulerinermi piviusunngortinnissaannut piumassuseqarlutit
- attaveqarluarsinnaallutit
- inissaqartitsillutit, inuttullu nuannersuunissat
- pisariaqartitsineq aallaavigalugu Allorfeqarfinnut angalasarsinnaanerit naatsorsuutigissuat
Neqeroorutigaarput:
- atorfik ineriartorfissatut periarfissagissaartoq
- pissanganartunik assigiinngitsunillu suliassaqarfiusoq
- aanngajaarniutinut katsorsaanernut tunngatillugu ilinniaqqiffiusoq
- suliffik avatangiiserissaarluartoq
- suliat sunniuteqaqataaffiginissaannut periarfissalik
- nammineerluni sullissisinnaasoq kisianni siunnersueqatigiissinnaasoq
- suleqatit pikkorissut suleqatiginissaannut
- suleqatitsialaat
Ulloq qinnuteqarfissaq kingulleq Aggustip arferngani 2024
Atorfik pillugu apeqqutissaqaruit attavigisinnaavatit, Allorfimmi ingerlatsisoq Efa Olsen oqarasuaat 34 64 14, mail efol@nanoq.gl imaluunniit Keun Hwang, keun@allorfik.gl oqarasuaat 34 66 87.
Allorfimmut tunngatillugu paasissutissat uani takusinnaavatit: www.allorfik.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job