Tasiilami Meeqqanut Ilaqutariinnullu Ingerlatsivik oqartussaqarfiup iluani sullissisunut teamlederi
Kommuneqarfik Sermersooq Tasiilami Meeqqanut Ilaqutariinnullu Ingerlatsivik oqartussaqarfiup iluani sullissisunut teamleder-imik pikkorissumik tunniusimasumillu pissarsiorpoq.
Tasiilami Meeqqanut Ilaqutariinnullu Ingerlatsivimmi oqartussaqarfiup iluani meeqqat ilaqutariillu tapersersorneqarnissamik pisariaqartitsisut sullinneqartarput.
Teamlederip suliassai tassaapput oqartussaqarfiup iluani sullissisunik sulianut tunngatillugu aqutsineq, taamattaarlu isumaginninnerup iluani sulianik pitsaasumik inernilinnik qulakkeerinninnissamut tunngapput.
Immikkoortortami sulisut 12 amerlassuseqarput, agguataaneri imaallutik: afdelingsleder 1, teamleder 1, meeqqanut sagsbehandlerit 10, taakkunannga ataaseq Nuummiit angalasartoq aammalu 1 meeqqanut innarluutilinnut sullissisoq.
Atorfik ulloq naallugu atorfiuvoq, qaninnerpaatut attaveqaatigaa Tasiilami Meeqqanut Ilaqutariinnullu Ingerlatsivimmi oqartussaqarfiup iluani sullissinermut afdeingsleder.
Atorfiup imarisaa:
Misilittagaqartumik oqartussaqarfiup iluani sullissisunutteamlederimik, isumaginninnerup iluani sullissinermik misilittangaqarluartumik, aqutsinikkut peqataalluarsinnaasumik ataanilu makkunannga suliaqarluarsinnaasumik pissarsiorpugut:
∙Sulisunik sullissinerup iluani aqutsineq (faglig ledelse), taassumalu iluani sullissisut suliaannut tunngatillugu sulianik isummersoqatiginninnerit.
∙Sullissisut sulianik aaliangersimasunik ingerlatsinermut pikkorissarnissaat
∙Afdelingsleder peqatigalugu sullissinerup ingerlanerani inatsisinik malitsitsineq qulakkeerinniffigissallugu
∙Suliat pisinnaatitaaffiit iluanni aammalu maleruangassat malillugit ingerlanneqarnerisa qulakkeernissaat
∙Afdelingsleder peqatigalugu immikkoortortami nukissat pitsaasumik atorneqarnissaannut aaqqissuussineq
∙Suliat ingerlatinneqarneri Meeqqat tapersersorneqarnissaannut inatsit aammalu suliffimmi suleriutsit aaliangersakkat malillugit ingerlanneqarnissaannut qulakkeerinninneq
∙Immikkoortortarmi suleriutsit pillugit ataqatigiittumik ilisimasanik katersuinermut peqataaneq
∙Afdeilngsleder peqatigalugu immikkoortortami ataatsimiinnernik aammalu sulisut ataatsimiitinneqarnerinik aaqqissuisarneq
∙Afdelingslederimut nalunaaruteqartarneq isumagissallugu
∙Meeqqat pillugit suliassanik sullissisunut agguaassineq
∙Suliat aaliangiinissamut innersuussinermut tunngasut, akuersissutit qinnuteqaatillu pillugit pitsaasumik suliarineqarsimanerinik qulakkeerinninneq
∙Tasiilami meeqqanut ilaqutariinnullu ingerlatsivimmi oqartussaqarfimmi afdelingsleder peqannginnerani taartaasartussaq
∙Tasiilami meeqqanut ilaqutariinnullu ingerlatsivimmi pinasuartumik suliassaqartillugu suleqataaneq
∙Tasiilami nunaqarfinnilu kriseberedskabimut peqataaneq
∙Ad hoc suliassat allat afdelingslederimut chefgruppemiilluunniit suliakkiissutigineqartut
Suliassat Tasiilami Meeqqanut Ilaqutariinnullu Ingerlatsivimmi sulisut allat, kiisalu suliffeqarfiit akimorlugit suleqatigisartakkat peqatigilluinnarlugit ingerlanneqartassapput.
Qinnuteqartunut naatsorsuutigisat:
∙Isumaginninnerup iluani ilinniagaqartoq (Rådgiver i socialt arbejde, socialrådgiver, rådgivningsassistent imaluunniit isumaginninnerup iluani kandidatitut ilinniarsimasoq)
∙Isumaginninnerup iluani meeqqanut sullissinermut misilittangaqarluartoq
∙Isumaginninnerup iluani inatsisinik atuuttunik ilisimasaqartoq
∙Isumaginninnerup iluani inatsisit atorlugit sulllissinermik misilittangalik
∙Suliffeqarfiit akimorlugit avataaneersunik sullissinermik misilittangalik
Pingaartipparputtaaq:
∙Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
∙Uippakajaarani arlariinnik suliaqarsinnaasoq
∙Erseqqissumik tappissumillu allattariarsorlunilu oqaluttariarsorsinnaasoq
∙Nammineerluni sulisinnaasoq, akisussaassuseqartoq sullissiumatoorlu
∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
∙Nukittooq pilersitsiniallaqqissoq inissaqartitsiuartoq piumassuseqarluartorlu
∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
∙Atituumik suleqateqarluarsinnaasoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqoroorutigaavut:
Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Gerda Fleischer, oqarasuaat +299 36 72 79 imaluunniit e-mail: gfle@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:
Qinnuteqaat qulequtserlugu Atorfiup ilisarnaataa 615-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 8.-at, 2024