Tasiilap Immikkoortortaqarfia Kuummiini Kommunip Entreprenøreqarfia Sulisunik Aqutsisumik Sulisussar
Suliffik
Kommuneqarfik Sermersooq pikkorissumik tunniusimasumillu Kuummiini Kommunip Entreprenøreqarfia ulluinnarni sulisuni Aqutsisumik (Arbejdsleder-rimik) pissarsiorpoq taassumalu ulluinnarni suliassarai sulisunik aqutsisuuneq, ulluinnarni Ingerlatsineq Avatangiiserlu aqutsisoqarfimmut Tasiilamiittumut attaveqaataaneq , ulluinnarni sulisorisat suliaannik nakkutiginninneq, suliffimmi akisussaaffimmik tigumminninnerlu Kommunep susassaqarfiisa iluanni kiffartuussinermik suliaqarneq, kiisalu illu sullivimmi ulluinnarni sulisuusumut akisussaasuune.
Piumasaqaatit
Atorfimmi piumasaqaataavoq inuttut pitsaassutsimik ilisimasaqarnissat, ilikkajasuunissat, namminersorsinnaannissat teknikkikkullu siammasissumik paasinnissinnaanissat.
Saniatigullu inuttut saaffigiuminarnissat, ammasuunissat tatiginartuullutillu. Sullitanik atuisunillu sullissinermi ammasumik paasinnissinnaanissat piumasaqaataavoq atorfiup inuttut ataqatigiinnermik piujuartumik pilersitsinissamik piginnaaneqarnissaq piumasaqaatigaa. Atorfik Ingerlatsineq Avatangiiserlu Immikkoortortaqarfimmi Aqutsimumiik Tasiilamiittumi saqqummiunneqarpoq. Atorfimmi sulilertussaq Ingerlatsineq Avatangiiserlu Immikkoortortaqarfimmi Aqutsimumi Tasiilamiittumik naalagaqassaaq.
Suliassat pingaarnerit:
∙ Kommunip Entreprenøreqarfiani Illu sullivimmilu sulisuusuni Aqutsisutut akisussaaffeqarneq
∙ Anartarfinni imaarsineq
∙ Eqqagassanik katersineq
∙ Saliineq salitanik katersineq
∙ Atortuni aserfallatsaaliuineq
∙ Aasaanerani aqqusinerni iluarsaaneq
∙ Ukiuunerani aputaajaaneq
∙ Kommunip susassaqarfiini aserfallatsaaliineq orsersuisarnerlu
Naatsorsuutigaarput:
∙ Kommunip immikkoortortaani Ingerlatsineq Avatangiiserlu sulerusunnissat
∙ Namminersorlutit ammasumik suliumassuseqarnissat akisussaassuseqarnissallu
∙ Oqaatitigut allakkatigullu attaveqarsinnaanissat
∙ Biilinik mikisunik taaneqartartuni ingerllatsisinnaanermmut allagartaqarnissaq
Neqoroorutigaavut:
Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Ingerlatsineq Avatangiisillu Tasiilaq Immikkoortortami aqutsisoq, Ulrich Gaffuri oqarasuaat +299 36 77 21 imaluunniit e-mail: ulga@sermersooq.gl
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.
Inissaq:Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 601-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 4.-at, 2024