Tassaavit Café- aamma Ataatsimeersuaarnerni pisortaq?

Katuaq – Kalaallit Nunaanni piorsarsimassutsip Illorsua tamatigoortumik Caféqarnermut ataatsimeersuarnernillu ingerlatsinermut pisortassasiorpoq, inummik suleqatigiinnermut. pingaartitisumik, tamakkiisunik isiginnissinnaassuseqartumik taavalu nutaaliorsinnaassusilimmik ujaarlerpoq. Katuami kissaatigineqarpoq ataatsimeersuarnerit eqqumiitsuliornermut kulturimullu suliaqarnerit ataqatigiissarneqassasut siuarsarneqassasasullu. Taavalu nerisassat nereriaatsillu

kulturiannik paasissutissiinertalimmik siuarsaasoqarnissaa.

Pisortaanermut nalunaartartussaatitaallutit immikkoortortaqarfiit pingasuusut pisortaaffigilissavatit makku pingaarnertut suleqatigalugit: Iggavimmi pisortaq, ataatsimeersuarnerni aaqqissuussisoq aammalu cafémi teamleder. Katuamilu pisortat peqatigalugit Katuami aqutsineq ingerlattassallugu.

Akisussaasuuffigilissavatit Cafétuaq, iggavik aammalu  ataatsimiinnernik/ataatsimeersuarnernik ingerlatsinerit.

Qanoq ittuuit:

• Katuap naleqartitaanik sulinissamut piareersimasoq. Naleqartitat ukuullutik: Suleqatigiinneq, ataqatigiinneq, ataqqeqatigiinneq, tatigeqatigiinneq.

• Suleqatigiilluarnermik aallaavilik taavalu immikkoortortaqarfinni assigiinngitsuni suleqateqarluarsinnaasoq.

• Attaveqaqatigiinnermut piginnaasaqarluartoq. Pitsaasumik attaveqarsinnaanikkut ataqatigiinnermik pilersitsisinnaasoq.

• Oqaatsitigut piginnaasaqartuunissat oqaluttariarsornikkut allattariarsornikkut. Oqaatsinik kalaallisut, qallunaatut aamma tuluttut piginnaasaqarnissaq.

• Kalaallit /inuit kulturianut ilisimasaqarnissat paasinnissinnaanissallu.

• Nutaaliorsinnaassusilik isumassarsiullaqqittoq aaqqiiniallaqqissorlu

• Aqutsinernik misilittagaqarnissat, soorlu akunnittarfinni neriniartarfinnilu

• Ataatsimiinnernik ataatsimeersuartitsinernillu aaqqissuinernik ilisimasaqassaatit

• Aningasaqarnermut tunngasunik malussarissuussaatit missingersuusiorsinnaasuullutillu malittarinnissinnaasuussallutit, aamma suliassanut ilaapput vagtplaniliuussisarnissat akunnernillu atuinernik malittarinninnissat

• Aaqqissuussaalluartumik sulisinnaasuussaatit isaatitsissutaasinnaasunullu takorluuisinnaassuseqassallutit aammalu imminut akilersinnaasumik piujuaannartitsinerlu aallaavigalugit niuersinnaasuussallutit

• Tassa aqutsinikkut isumannaagassarissavatit sullissat pitsaasumik sullinneqarnissaat

• Tatiginartumik sulisuussaatit tunniutiinnartartuunallu

• Avataani avataanullu attaveqarluartuussaatit

• Niuillaqqissuussaatit

• SoMe aamma digitalikkut atortunik ilisimasaqarnissat.

Neqeroorutigaagut:

• Suliffik soqutiginartorpassuarnik imaqartoq ineriartupiloortuusorlu

• Suleqatit pikkorissut imminnullu ikioqatigiilluartuusut

• Piginnaasat tunngavigalugit aningasarsiaqarneq

Annertunerusumik paasiniaasinnaaneq:

Atorfik pillugu annertunerusunik paasisaqarusukkuit attaveqarfigissavat, pisortaq Ivaaq Kriegel: mobil +299 55 25 57 imal. Mail: ivaaq@katuaq.gl

Qinnuteqarnissaq:

Atorfimmut piukkunnartuuguit? Taava CV-t qinnuteqaatillu ingerlatikkit kingusinnerpaamik 18. september 2026, uunga nassiullugit: Aningaasaqarnermut allaffissornikkullu pisortaq Jon Nuko Fridberg jon@katuaq.gl

Katuaq pillugu

Katuaq tassaavoq inuusutissarsiortutut aningaasaateqarfik, Kalaallit Nunaanni Piorsarsimassutsip Illorsua aallaavigalugu kalaallit kulturiannik nittarsaasuusoq nunatsinni aammalu nunani allani, kulturikkut suleqatit suleqasiussallu aqqutigalugit. Katuaq immineq filmertarfeqarlunilu caféqarpoq, aammalu tassaalluni ataatsimiinnernik ataatsimeersuarnernillu tallimanik ullorialigaalluni aaqqissuisartuusoq. Katuamik aningaasalersuisuupput Kalaallit Nunaanni Namminersorlutik Oqartussat aamma Kommuneqarfik Sermersooq. Taaneqartullu saniatigut Katuaq allanik aamma aningaasaliisartoqarpoq, nunarput tamakkerlugu piorsarsimassuseq tunngavigalugu aaqqissuussarpassuarnik tapersersuisartunik.