Teknikeri sakkortusaavilerisoq
Kalaallit Nunaanni atortulersuutinik aserfallatsaaliuinermi, atuisutsinnullu attavinnik pitsaasunik qulakkeerinninnermi pingaarutilimmik inissisimanissat pilerigisinnaaviuk?
Taamaappat Tusasimi sullitatsinnut atorfimmut soqutiginartumut periarfissaq immikkuullarissoq aana. Tusassi Aallakaatitsinermut immikkoortortaqarfimmi Nuummi namminersorsinnaasumik, akisussaasusilimmik suliaminullu atatillugu piginnaasaqarluartumik sakkortusaavilerisumik teknikerissarsiorpoq.
SULIFFEQARFIK
Anguniakkatut takorluukkatta iluani ‘Nunarsuaq qaninnerulersipparput – immitsinnullu qaninnerulersilluta’ suliffeqarfiup sulisui 350 missaaniittut Nunarput tamakkerlugu nutaaliaasumik attaveqaqatigiinnikkut attaveqaasersuutit nutaaliaasut pilersinniarlugit sullipput. Teknologiip nutaanerpaap atorneratigut nunaqarfiit minnerpaat ilanngullugit internetikkut oqarasuaatitigullu avammut attaveqaateqartinneqarput. Atorfik Nuummi qullersaqarfimmi inissisimavoq.Tusass pillugu uani paasisaqarnerugit: www.tusass.gl/da.
SULEQATIGIIT
Aallakaatitsinermut immikkoortortaqarfik suliffeqarfiup teknikkikkut immikkoortortaata ataani ’OPERATE’-mut ilaavoq, taannalu nuna tamakkerlugu oqarasuaateqarfinni kiisalu illoqarfinni nunaqarfinnilu oqarasuaateqarnikkut teknikkikkullu atortunik pitsaaliuilluni aserfallatsaaliuinermik, iluarsaassinermik / kukkunernik aaqqiinernik akisussaasuuvoq. Aallakaatitsivik marlunnik immikkoortortaqarfeqarpoq: Teknikkikkut aallakaatitsineq Atuisunullu aallakaatitsineq. Qulinik miss. teknikereqarpoq marlunnillu Immikkoortortaqarfinni aqutsisoqarluni.
ATORFIK
Teknikeritut sakkortusaavilerisutut suliffinnut atatillugu teknikkikkut pisinnaassutsinnik ineriartortitsinissannut periarfissaqarluassaatit, tassunga ilanngullugit:
- LH-mik sakkortusaavinnilu Minilink systeminik pilersaarusiorneq aserfallatsaaliuinerlu.
- Suliniutini peqataaneq suliniutinullu minnernut aqutsisuuneq – tassani sumiiffinni sanaartornermik suliniutini sutigut tamatigut pitsaassutsimik naatsorsuutigisamik qulakkeerinninneq pingaaruteqarpoq.
- Immikkoortortaqarfiit suliamut attuumassutillit akimorlugit kukkunernik nassaarniarnermi ataqatigiissaarineq kiisalu aaqqiineq.
- Immikkoortortaqarfimmi upalungaarsimanermut aqutsinermi peqataaneq.
Angalasarnissat angalanerillu ataasiakkaat assigiinngitsunik sivisussuseqartarnissaat naatsorsuutigissavat. Qulimiguulimmik umiarsuarmilluunniit attartukkamik angalanerit ingerlanneqartassapput.ATORFINITTUSSAQElektronikfagteknikeritut, elektroteknologitut assingusumilluunniit ilinniarsimassaatit kiisalu atorfimmi assingusumi misilittagaqarnissat oqarasuaateqarnikkulluunniit teknikkimi suliassanik misilittagaqassaatit. IP-teknologilerinermi Telecom systeminik suliaqarnermi atorsinnaasannik attaveqaatilerillaqqissuuvutit.Aaqqissuussaalluartumik suleriuseqarnissat, peqataalluarnermik takutitsinissat, akisussaassuseqarluarnissat pitsaasuunissallu, kiisalu namminersorlutit angusassanillu sulinissat pingaartipparput. Taakku saniatigut ilaatigut ulapaarfiusuni suleqatitit suleqatigilluarsinnaassavatit. Qallunaat oqaasiisa saniatigut tuluit oqaasii allannermi oqalunnermilu aamma sapissanngilatit. Kalaallisoorsinnaaguit iluaqutaassaaq piumasaqaataananili.
SULIFFEQARFIUP NEQEROORUTAI
Tusass suliffimmik persuarsiorfiunngitsumik unammillernartumik atorfimmik, sulisutut inuttullu ineriartornissamut periarfissaqarluartumik neqerooruteqarpoq, tassani sulinermik nuannarinnilluartoqarpoq ataqatigiilluartoqarlunilu. Sulinerup avataatigut suleqatigiit soraarnermi kingorna immiaarartorniarlutik naapeqatigiikkumasarput, aalisariaqatigiittarput ataatsimulluunniit sammisaqatigiittarlutik.
Soqutiginartorpassuarnik suliassaqassaatit kiisalu tunniusimasunik piginnaasaqarluartunillu suliffimmilu pimoorussisunik suleqateqassaatit. Piginnaasatit tunngavigalugit pitsaasumik aningaasarsiaqarnissannut neqeroorfigineqassaatit.
QINNUTEQAAT
Tusass sinnerlugu Skandinavisk Computer Rekruttering (SCR) atorfinitsitassarsiornermik isumaginnittuuvoq. Qinnuteqaatit ingerlaavartumik nalilersorneqassapput, taamaammat sapinngisamik piaartumik qinnuteqaativit maana tigunissaanut qilanaarpugut: Radiokædetekniker, Grønland. Atorfimmut tunngasumik apeqqutissaqaruit SCR-imi siunnersuisuunerup suleqataasullu Klaus Bendixen oqarasuaammut +45 60204546 mailimulluunniit kb@scr.dk -imut attaviginissaanut tikilluaqqusaangaarputit.