Timersornermut soqutigisalimmut Timersoqatigiit Kattuffianni (GIF) suliniutinut aqutsisumik atorfimmut inuttarsarsiuivugut
Kalaallit Nunaanni Timersoqatigiit Kattuffiata takorluugarivaa, 2030-imi Kalaallit Nunaata nunarsuarmi timimik atuiffiunerpaatut inissisimalernissaa. Timersornermut suliniutigut inerisaaffiginiarlugit timersornermut aqutsinermullu soqutigisialimmut suliniutinut aqutsisussamik ujaasivugut.
Suliniutinut aqutsisutut timersornermi peqatigiiffiit kattuffiillu akornerminni suleqatigiinnerat qninnerulersissavat, nunatsinnilu peqatigiiffiit timersornermilu sinaakkutit pitsaanerpaamik ineriartortinnissaat suleqataaffingalugu.
Sullitassatit tassaapput timersoqatigiiffinni kajumissutsiminnik suliaqartut kiisalu ulluinnarni timersornerup silarsuaani suliniutinik ingerlatsisut.
Suliniutinut aqutsisutut suliassat ukuupput:
· Timersornermut peqqinnissanullu suliniutinik ingerlatsineq, aqutsineq, suliniutinik malittarinninneq piviusunngortitsinerlu
· 2030-imut anuniakkatsinnut suliniutinik attuumasunik aallartitsineq ingerlatsinerlu:
o Piginnaasatigut ineriartortitsinermi suliniutit
o Kajumissutsimik suliaqarneq
o Visionsambassadørinut suliniut
o Elite Sport Greenland suleqatingalugu suliniutinik ingerlatsineq
· Timersoqatigiiffinnik, kattuffinnik, kommuninik suleqatigisanillu allanik suliniutinik ataqatigiissaareqataaneq
Suliassamut pikkorissuseq
· Ilinniagartooq imaluunniit suliassamut tulluartumik ilinniaqqissimasoq, nunatsinni pissutsinik ilisimannittoq
· Suliniutinut aqutsisutut misilittagaqartoq, timersornermut peqatigiiffilerinermut kiisalu allaffissornermut ilisimasaqartoq
· Peqatigiiffilerinermi periarfissanik ujartuisinnaasoq aporfiusinnaasunillu qaagiiniarluni ujartuisinnaasoq, peqatigiiffilerinermi kattuffilerinermilu siulersuisoqarnikkullu ilisimasaqartoq
· Kalaallisut qallunaatullu allassinnaasoq oqalussinnaasorlu
Inuttut pikkoriffigisat
· Oqaluttariarsornermi allattariarsornermilu piginnaasaqartoq
· Sulianik ingerlatsinermi ataqatigiissaarinermilu aallartitsisinnaanermik piginnaasaqartoq
· Suleqatigiit assigiinngitsut akornanni pitsaasumik suleqatiginnissinnaasoq
· Suliniutinik ingerlatsisinnaasoq angusaqarusuttorlu
Paasissutissat
Naatsorsuutingaarput 1. august 2024 imaluunniit immikkut isumaqatigiinnikkut sulilersinnaasutit. Suliniutinik ataqatigiissaarisutut ulloq siulleq aallartinnerniit suleqatit allat arfineq pingasut qanimut suleqatigilissavatit.
Nuummi Issortarfimmut 8 st.tv.-imi allaffeqassaatit, sulianut atasumik angalasarnissat kiisalu ulluinnarni ualikkut unnukkullu piffiit ilaanni sulisarnissat naatsorsuutigisinnaavat.
Ima atorfimmut qinnuteqassaatit
Suliniutinut aqutsisutut qinnuteqaat nassiugut CV, ilinniarsimanermut paasissutissat atorfimmullu inuttassarsiunneqartumut qinnuteqaatit sooq illiussanersoq allaaseralugu uunga: stilling@gif.gl nassiussavatit.
Qinnuteqarfissaq kingulleq: 20. juni 2024, kingusinnerpaamik nal. 08:00
GIF-imit neqeroorutingaarput
· Suleqatit tunniusimasut, misilittagartuut minnerunngitsumillu suliaminnut pimoorussisut
· Atorfik suleqatit pikkorissut peqatingalugit allannguinissamut periarfissaqartitsisoq
· Suliffeqarfik suleqatigiiusunit ataatsimoorfiusoq
· Suliffeqarfik inuttut ineriartornissamut periarfissaqartitsisoq
· Suliffeqarfik takorlorluugalik angusaqarfiorusuttorlu
Aningaasarsiat atorfininnermullu tunngasut
Atorfik tamakkiisumik atorfiuvoq. Piginnaasat aallaavingalugit akissarsiaqartinneqarlutillu atorfinitsinneqassaatit.
Atorfinitsitsineq qaammatini pingasuni misiliutaaqqaassaaq. Atorfimmut tunngatillugu inissaqartitsisoqanngilaq.
Apeqqutissaqarpit?
Atorfimmut tunngatillugu apeqqutissaqaruit, pisortaq Jonas Jensen, jonas@gif.gl oqarasuaat
+299 348151 / +299 553604 attavigisinnaavat.
Timersoqatigiit Kattuffiat pillugu
Timersoqatigiit Kattuffiat 9.500-nik amerlanerusunik ilaasortaqarpoq nunatsinnilu kattuffiit annerit ilangivaat. Kattuffiit quligiluaasut peqatigiiffiillu kattuffeqanngitsut peqatingalugit nunatsinni timersornermik inerisaanissamik suliaqartuuvugut, 2030-mullu anguniagaqarpugut nunarput nunarsuarmi timimik aalatitsinerpaanngornissaanik. Ulluinnarni meeqqat, inuusuttut, inersimasut, utoqqaat kiisalu innarluutillit timersornissaannut suliaqartuuvugut.
Upperaarput timersorneq timigissarnerlu aqqutingalugit ataatsimoortitsineq, susassareqatigiinneq minnerunngutsimillu peqqinneq inuunermut ilorrisimaartitsisartoq. Itinerusumik Timersoqatigiit Kattuffiat paasisaqarfigerusukkukku nittartagarput www.gif.gl takuuk.
