TNI ilinniartitsisoq

Greenland Business School-imut ilinniakkanut inuussutissarsiutinut ilinniartitsisoq

Kalaallit Nunatsinni siunissami allaffimmiussanik- pisiniarfimmiussanillu ilinniartitsinissamut ilaarusuppit?

Niuernermik Ilinniarfimmi / Greenland Business School (GBS) TNI Flex, TNI Basis, TNI-mullu ilinniartitsisumik ujaasivoq. 

TNI-mi ilinniakkat inuussutissarsiorneq tunaartaralugu sanaajupput, anguniagaraarpullu, pikkorissuseq, atuagarissaarneq, naammassinninnerlu. Ilinniartitsisutuut eqimattammut ilinniartunut qanimut attaveqartunut ilaalissaatit, sinaakkutissanillu ersarissunik pilersitsiniarnermi, kajuminnartumillu ilinniartitsinissamut suleqataallutit. 

Makkua atuartitsissutigisinnaavatit: 

• Engelsk 
• Dansk 
• Samfundsfag 
• Erhvervsøkonomi 
• Afsætning 
• Matematik 

Taakkununga apeqqutaavoq illit profil-it. Assingajaanik aamma ilinniartitsisinnaanguit soorunami aamma tikilluaqqusaavutit qinnuteqarnissannut. 

Illit pillutit: 

Pineqartumut atorfissarsiuutamut attuumassuteqartumik ilinniagaqassasutit – assersuutigalugu ilinniartitsisutut ilinniarsimaneq(professionbachelor), inerlaqqiffiusumik ilinniagaq fag-ini pineqartunut piginnaasalik 

Inuusuttunik ilinniartitsinissannut kajumissuseqassaatit, ineriartornerannullu ikiuuteqataallutit. Ilinniartitsinermik misilittagaqarnissaq, imaluunniit perorsaanermik misilittakkat iluaqutaasinnaapput, kisiannili piumasaqaataanani.

Kalaallisut, qallunaatullu ilinniartitisinnaaguit iluaqutaassaqaaq, klasse-mi amerlasuunik assigiinngitsunik oqaatsinik atuiffimmi sulisinnaavutit, ilinniartitsinissallu aaqqissuullugu, taamaattumik oqaatsit tungaasigut aporfeqannginnissaq atuartut ilinniarnerannut anguniarlugu.

Assigiingisitaartumik atuartitsineq, ilinniartunillu assigiingitsunik piginnaasalinnit, inuttullu piumasaqaatilinnik suliaqarsimaneq iluaqutaassaaq. 

Ilinniartitsinerni ilusilersuisinnaavutit, ersarissunillu sinaakkusersuisinnaallutit, ilinniartut peqatigeqqissaarlugit. Ilinniarnermi ataatsimoorfissat nukittuut pilersissinnaavatit, atuartut assigiingitsunik piginnaasallit sullissinnaallugit, taamaasillutit ilinniartitsineq atoruminartoq soqutiginartorlu pilersissinnaallugit. Suliffimmi suleqatigiinneq, assigiingiiaartunillu suliaqarsinnaaneq, ataatsimullu akisussaaqataaneq pingaartinneqarpoq. 

Suliassat: 

Suliassaraatit atuartitsineq, pilersaarusiorneq, nalilersuineq, suleqatit, ilinniarnermi aqqutissiuussisut, ilinniartut ilinniakkaminnik naammassinninnissaat atugarissaarnissaallu suleqatigiissutigalugit. 

Atuarfiup ilinniartitsisuinut ilaassaatit, atuarfiullu perorsaanikkut ineriartortinneqarneranut ilaallutit. 

Ilinniartitsisutut ilinniarnermi aqutsisunut attaveqaateqassaatit, ulluinnarnilu TNI-mi ilinniakkani suleqatigiinnermi ilanngutissaatit. 

Neqeroorutigaarput: 

Suliffik pissanganertoq, ilinniartoqarfimmit ineriartortumi, tassani pingaarnertut atuartut sullitaralugit. Eqimattammi tunniusimasuni, piginnaasatigullu perorsaanikkullu ineriartorfissalimmi ilaalissaatit. 

Sulinerup sivisussusaa nal.ak. 40 tiimit sap.ak.-nut. 

Atorfiullu inuttalerneqarnissaa kissaatigineqarpoq ulloq 01.08.2026 imaluunniit isumaqatigiissuteqarnikkut. 

Paasissutissat allat 

attavissaq ilinniarnermi aqutsisoq, Ruth Jakobsen +299 342587, ruja@gbs.gl 

Imal. Ilinniarnermi pisortaq, Annasofie Wædeled-Møller +299 342554, anwm@gbs.gl 

Greenland Business School pillugu paasiniaasinnaavutit nittartakkamut uunga iserlutit: www.gbs.gl

Qinnuteqaat 

Qinnuteqaammut killigititaq 08. April 2026.

 Atorfimmut oqaloqateqarnerit ataavartumik ingerlanneqassapput. 

Atorfik pillugu oqaloqatigiilinnginnermi, atorfimmut piukkunneqartut suliassamik piviusumik tunineqassapput, taanna toqqammaviliissaaq atuartitsinerup, asiigiingissisitaarineq, klasse-mi arlaninnik oqaaseqarfiusumi sulinerup eqqartornissaanut. 

Qinnuteqaatit nassiuguk, CV, ilinniarsimanermut- pikkorissarsimanermut uppernarsaatit, kiisalu qinnuteqaammut soqutiginarsinnaasut ilanngullugit tooruk “qinnuteqaat nassiuguk”. Mail-ikkut qinnuteqaatit tiguneq ajorpagut. 

Tusarfiginissat qilanaaraarput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job