Fakta
Atorfiup suussusaa: Tuniniaasoq Tusagassiorfimmut Sermitsiamut
Suliffeqarfik: Mediehuset Sermitsiaq
Qinnuteqarfissamut killigititaq: 13. december
Attavissaq: Lasse Christensen oqarasuaatikkut +299 553839
Tusagassiorfik Sermitsiaq
tuniniaanermik siunnersuinermillu nuannarisalimmik Nuummi allaffeqarfimmi
sulisussarsiorpoq.
Sunik neqeroorfigisinnaavatsigit?
Tusagassiorfimmi Sermitsiaq.AG-mi
tuniniaanermut siunnersortitut atorfik minnerunngitsumillu pitsaanerpaanik
suleqateqalerneq. Immikkoortortavut akimorlugit ataqatigiilluarpugut,
suliassarpassuaqarluta ikioqatigiilluta suliarisartakkatsinnik.
Tuniniaanermut siunnersortitut
saqqummersitassat nammineq akisussaaffigilissavatit, aamma suleqatitit
peqatigalugit saqqummersitat ineriartortinnissaannut periarfissaqassallutit.
Suleqatinnik avitseqateqarluartassallutit.
Piffissamut nutaamut
pissanganartumut ikaarsaarpugut. Tusagassiorfiup siunissami patajaannerusumik
inissisimalernissaa anguniarlugu digitaliserernissaa ineriartortinnissaalu
sulissutigaarput. Tusagassiorfiit sukkasuumik ineriartorput,
amigaatigaatsigillu!
Tusagassiorfik
assigiinngitsorpassuarnik suliaqartarpoq, naqitanik digitaliusunillu.
Anguniagaqarnitsinni tamatta suleqatigiinnissarput pingaaruteqarpoq.
Naapertuuttunik
aningaasarsiaqarnissat neqeroorutigaarput, aamma suliatigut pisariaqartunik
sakkussaateqarluta.
Aammattaaq timigissartarfimmut
naluttarfimmulluunniit ilaasortaanermik neqerooruteqarpugut,
tallimanngornerillu tamaasa ullaakkorsioqatigiittarluta.
Suut piumasarivagut?
Tuniniaasutut sivisuumik
misilittagaqarsimanerit piumasaqaataanngilaq. Unammilligassanilli
suliffeqarnerillu eqqarsaatigalugu ingerlariaqqinnissannik piareersimanerit
pingaaruteqarpoq.
Inuttut naapinnissat
soqutigaarput. Meeqqat atuarfianni matematikkimi qanoq angusaqarsimanerit
pinnagu, imaluunniit ukiut qulit matuma siorna aviisinik
agguaasartuusimanersutit. Qinnuteqaammik, ilinniarsimanermut uppernarsaammik
CV-milluunniit nassiussissanngilatit. Piffissaqaleruit kaffisoqatiginissat
ornigineruarput.
Atorfik piffissap ilaaniussanersoq imaluunniit
piffissaq tamakkiisussaanersoq aalajangerneqanngilaq. Uagutsinni atorfeqarninni
inuttut inuunernut tulluartuunissaa pingaartipparput.
Oqaloqatigiinnissamut siullermut tikilluarit
Atorfik periarfissallu pillugit
paasisaqarnerorusukkuit oqaloqatiginissannik aggersarpatsigit –
piffissaqaleruit.
Oqaloqateqarnerit ataavartumik
ingerlappagut, taamaammat Lassemut erngertumik lasse@sermitsiaq.gl-imut attaveqarit. Piffissamik
naapinnissatsinnik isumaqatigiissaagut.
Isumaqatigiissuteqarnikkut
atorfinittoqassaaq.
Pisinnaasat aallaavigalugit
aningaasarsiaqarneq.
Atorfik pillugu apeqqutissaqaruit
tuniniaasut pisortaat Lasse Christensen oqarasuaammut +299 553839-mut
attaveqarfigiuk.
Tusagassiorfik Sermitsiaq pillugu
Tusagassiorfik Sermitsiaq suliffeqarfiuvoq imminut pigisoq, Kalaallit Nunaanni
kiffaanngissuseqartumik tusagassiornissamik anguniagaqartoq.
Tusagassiarineqartartut nuna tamakkerlugu nutaarsiassaapput, aammalu illoqarfigisami
saqqummersitsisarluni. Aviisit naqitat AG – Atuagagdliutit aamma Sermitsiaq,
Kalaallit Nunaannilu nittartakkani atuarneqarnerpaasartoq www.Sermitsiaq.gl suliarisarlugit. Taakku
saniatigut Nuuk Ugeavis, atuagassiaq timmisartuniittoq Suluk
sulisussarsiornermilu nittarsaassivik SJOB.gl ingerlataralugit.
