TUNISISARTUNUT AKIITSULINNULLU NAATSORSUUSERIVIMMI SULEQATIGIIT AQUTSISUSSARSIORNEQ
Pikkorissumik tunniusimasumillu, qiimalluni Royal Greenlandip qullersaqarfiani Nuummiittumi piaartumik suleqataalerusuttumik suleqatigiinnut aqutsisussarsiorpugut.
Tunisisartunut akiitsulinnullu naatsorsuuserivik assigiinngitsunik ataani atuarsinnaasannik suliaqarfiusarpoq. Suleqatigiit aqutsisuata saniatigut marlunnik sulisoqarlunilu marlunnik ilinniartoqartarpoq.
Suleqatigiit aqutsisuattut ulluinnarni ingerlatsinermi suliassat pingaarnerit ataqatigiissarlugillu pitsaassutsimik qulakkeerinnittassaatit. Tamakkiisumik isiginnillutit sulisassallutillu suleqatigiit suliassanik suliarinninnerannut akisussaasuussaatit. Taamatuttaaq ullut killigititat eqquutsinnissaat suliassallu isumaqatigiissutaasut ataavartumik periusitsinni allassimasut naapertorlugit suliarineqarnissaat akisussaaffigissavat.
Aningaasaqarnermut atortoq SAP atorlugu naatsorsuuserinermi suliassat ataani allassimasut ulluinnarni suliarineqartarput:
- Akiitsulinniit ataavartumik akilersuinerit naatsorsuusiornissaat
- Aningaaserivimmiittuutinik karsimiittuutinillu naleqquttunngorsaaneq
- Akiitsullit akiliutaannik akiitsunillu naafferartumik akilersuinerit malittareqqiiviginissaat
- Akiliussigallarnernik akiligassiissusiornerit naleqquttunngorsaanerillu
- Paasissutissanik pingaarutilinnik, matumani akit pillugit isumaqatigiissutinik allanngutsaaliuineq
- Akiitsunik akilersuinermut tunngatillugu ataatsimiinnerni peqataaneq
- Akileraarutinik akiliisitsiniarnernillu naatsorsuineq, matumani oqartussanut attaveqarneq paasissutissanillu suliaqarneq
- Ukiup ilaani ukiumoortumillu naatsorsuusiornermut atatillugu naatsorsuusiorneq naleqquttunngorsaanerlu.
Ilinniakkatigut pisinnaasatit:
- Aningaasaqarnermi isumalluutinillu aqutsinermi AU-tut ilinniarsimallutillu naatsorsuuserivimmi sulinermik misilittagaqarluassaatit
- Suleqatigiit aqutsisuattut anguniagaqarlutillu ataqatigiissaarisuussaatit.
- Suleqatigiit ataatsimiikkaangata aqutsisinnaasoq/ataatsimeeqateqarsinnaasoq)
- Sulisunik siuarsaasinnaasoq ilinniartitsisinnaasorlu, kiisalu ilisimasanik siammarterinermik qulakkeerinnissinnaasoq.
- Suliassanik aqutsillunilu ataqatigiissaarisinnaasoq kiisalu pingaarnersiuillunilu pilersaarusiorsinnaasoq
- MS Officemik atuisinnaasoq MS Excelimillu qaffasissumik misilittagalik
- Aningaasaqarnermut atortunik ilisimasalik – Aningaasaqarnermut atortoq SAP pillugu sukumiisumik ilinniartinneqarumaarputit.
- Tuluttut oqaatsinik atuilluarsinnaaguit iluaqutaassaaq, piumasaqaataanngilarli.
Inuttut pisinnaasatit:
- Namminersorsinnaasoq ulapaarfinnilu tamakkiisumik isiginnissinnaasoq.
- Torersoq peqqissaartorlu.
- Angusat pitsaasut tamatigut tunniunniarlugit peqqissaartumik aaqqissuussamillu sulisartoq.
- Suleqatiminut sullisserusussuseqartoq.
- Suliassat naammassilluarniaraanni attaveqatigiinneq pingaaruteqartoq ilisimavat.
- Suliffeqarfimmi inissisimaffinnik suliatigullu angusannik maluginnittumi akisussaaffeqarnissamut kajumissusinittarputit.
- Suliannut tunniusimallutillu kajumissuseqarputit, taamatuttaarlu suleqateqallaqqissuullutit.
Naatsorsuuserivik tunisassiorfitsinnut 37-nut attaveqartarmat qinnuteqartoq kalaallisut danskisullu allannermi oqalunnermilu piginnaasaqarluassasoq pingaaruteqarpoq.
Neqeroorutigaagut:
- Suliffeqarfissuarmi sullivimmi avatangiisit pissanganartut uummaarissullu
- Piginnaasat naapertorlugit aningaasarsiaqarneq kiisalu inuttut suliatigullu ineriartornissamut periarfissat
Atorfimmut atatillugu inimik attartortitsisoqarsinnaanngilaq.
Atorfik pillugu paasisaqarnerorusukkuit aningaasaqarnermut ingerlatsisoq Lars Wittendorff mailimut: lawa@royalgreenland.com allallutit oqarasuaammulluunniit +299 361354-imut sianerlutit saaffigisinnaavat.
Soqutiginnikkuuit piaartumik kingusinnerpaamillu 21.07.24 qinnuteqaatit, CV oqaaseqaatillu ataani tuugassaq toorlugu nassiutikkit. Oqaloqatiginninnerit ataavartumik ingerlanneqassapput.