Tunup avannaani silasiorfimmi Danmarkshavnimi silasiortussamik

Pilerisaarut

Nunarsuarmi sulliviit avinngarusimanerpaartaasa ilaanni ataatsimoorneq nuannersoq peqataaffigiuk. 

Silasiorfimmi Danmarkshavnimi silasiortutut peqataaffigissavatit silamik nalunaarutinik katersinerit isumannaartarnissai, Atlantikup avannaani timmisartuussinermut pingaaruteqarluinnartut. Ulluinnaat akisussaaffeqarfiusut, tamalaanik suliassaqarfiusut kiisalu suleqatit tunniusimasut tallimat qanimut suleqatigalugit ingerlasartussaapput – Tunup avannaani pinngortitarsuaq kusanartoq avatangiiseralugu.

Atorfik pillugu

Silasiorfik Danmarkshavn ilimasimasassarsiorlutik angalaqatigiinnit Danmark-ekspeditionimit uninngaartarfittut 1906–1908-mi sananeqarsimavoq. Silasiorfik ullumikkut Tusass A/S-imit ingerlanneqarpoq tassanilu suliassat pingaarnersaraat silap qanoq inneranik paasissutissanik katersisarneq ingerlatitseqqiisarnerlu, taakkulu silamik nalunaarutinut ilaasarput aamma Atlantikup avannaani timmisartuussinerup pilersaarusiorneranut atorneqartarlutik.

Silasiortutut atorfinnikkuit eqimmattatut sulisut marluk akuuffigilissavatit, taakkulu paarlakaajaallutik 50/50-imik aaqqissuussinerup iluani silasiorfimmik ingerlatsisuupput. Eqimmattat tamarmik aqutsisoqarput, igasoqarput, radiolerisoqarput marlunnillu silasiortoqarlutik aammalu maskinalerisoqarlutik – taavalu silasiorfik marlunnik aalajangersimasunik qimmeqarpoq.

Suliassatit ilaatigut makkuussapput:

• Silasiorfiup illuutaani silataanilu sullivinnik aserfallatsaaliuineq.

• Radiolerineq silasiornermilu paasissutissanik katersinermut peqataaneq.

• Sanaartortitsisup atortuinik ingerlatsineq kiisalu aputaajaaneq.

• Ataatsimoorfiusunik eqqiaaneq aamma ingerlatsinermi suliassani allanik isumaginninneq.

• Ullormut eqqagassanik isumaginninneq aamma imertarneq.

• Suliassanik allanik isumaginninnermut peqataaneq, akisussaaffiit akimorlugit ikioqatigiiffiusartuni.

Eqimakkat qanoq katitigaanissaat eqqarsaatigilluartarparput, suliassatigut piginnaasat assigiinngitsut atorluarniarlugit. Atorfimmi saqqummiunneqartumi ujartorparput suleqatissaq mekanikeritut tunuliaqutalik, ulluinnarni ingerlatsinermi suliassanut teknikkimullu piginnaanngorsarsimasoq – ilutigisaanillu ataatsimoorluni suliassanut suleqatit peqatigalugit suleqataasinnaasoq.

Ullut assigiittanngillat silasiorfimmiittulli tamarmik pisariaqartitsineq naapertorlugu ikiuuttarput. Taamaattumik ulluinnarni nalinginnaasuuvoq nikerartumik suleqatigiillunilu sulisarneq.

Illit ujarpatsigit…

Atorfiup annertuumik piumasaraa suliamut tunngatillugu inuttullu piginnaaneqarluartuunissaq. Ilaquttat ikinngutillu ungasillugit sivisuumik peqanngissinnaasariaqarputit, namminerisamik inuuneqarnissamut killeqartumi ullullu tamaasa suleqatit taakkorpiaat suleqatigisartussaallugit. Akerlianilli nuannersumik ataatsimoorfeqartut ilagilissavatit ullullu suliffiit allat misigineq ajugaat misigilitassaraatit.

Danmarkshavnimi inuuneq suliffeqarfinnut allanut amerlanerpaanut sanilliullugu allaaneruvoq. Tamaani nunarsuarmi sulliviit avinngarusimanerpaat ilaanni suleqatit taakkuusut qanimut najugaqatigalugillu suleqatigisussaavatit. Periarfissaqanngilatit sapaatip akunnerata naanerani angerlalaarnissannut imaluunniit avatangiisinnik allannguilaarnissannut, ulluinnaat ilungersunarsineranni.

Taamaattumik pingaartorujussuuvoq ikittuinnaallutik ataatsimoortut akornanniissinnaanissat, namminersorlutit sulisinnaanissat ilutigisaanillu suleqatigiinnissap eqqumaffigalugu peqataaffiginissaa. Suleqatinik ataqqinninnissaq, akuersaarnissaq isumagissaarnissarlu pingaartuupput. Pingaartittorujussuuvarput ulluinnaat ingerlalluarnissaannut tamarmillu peqataanissaat – sulinermi silasiorfimmilu inuunermi. 

Suliatigut piginnaanngorsarsimaffissat:

• Assarsorlutit sulinermik tunuliaqutaqassaatit – soorlu mekanikeritut, nunalerinermi maskinalerisutut, sanaartorfimmi maskinmekanikeritut imaluunniit biilinut usisartunut mekanikerisut.

• Iluaqutaassaaq maskinanik aserfallatsaaliuinermik maskinallu ajoqutaanik kiisalu atortut tekniskiusut passunnissaat misilittagaqarfigigukkit.

• Suliassanik aaqqissuussillaqqissuuvutit, pilersaarusiorsinnaallutit kiisalu suliassannik pingaarnersiuisinnaallutit.

• Assassullaqqissuuvutit sullisserlu nuannaralugu.

Inuttut piginnaanitit:

• Peqateqallaqqissuuvutit nuannersumillu ataatsimoornissaq peqataaffigerusullugu.

• Akisussaaffeqallaqqipputit suliassatillu naammasillugit suliarisarlugit.

• Eqaatsumik suleriaaseqarputit akisussaaffippillu avataaniikkaluartut suleqataaffiginissaitunuarsimaaffigisarnagu.

• Ataqqinnillutik attaveqateqartarputit inuillu assigiinngitsut suleqatigilluarsinnaallugit.

• Pineqaatissinneqarsimanngitsutut allagartat takutissinnaavat.

Piumasaqaatit timimut tunngasut:

• Timikkikkut tarnikkullu inuunerissaarputit, peqqipputit aamma ulluni nikerartuniingerlalluarputit.

• Peqqissuunerit kigutigissuunerillu uppernarsarsinnaavat. Tamanna pissaaq UK Oil & Gas Offhore-p peqqissuseq pillugu misissuisarfia aqqutigalugu, Tusass-ip akigaanik.

Silasiorfik timmisartumik tikinneqartarpoq ukiumut tallimat missaanni. Silasiorfimmiinnerit aallaaviatigut sapaatip akunnerinik qulingiluanik sivisussuseqartarput, ukiuuneranili ukiut allortarlugit sapaatip akunnerinik 16-inik sivisussuseqartarlutik. Silasiorfimmiinnerup nalaani aatsaat pissutsit immikkorluinnaq ittut atuutsillugit silasiorfik qimanneqarsinnaavoq.

Neqeroorutigut

Suliffik immikkuullarissoq neqeroorutissaraarput, nunarsuarmi sumiiffimmi immikkuullarissumik avatangiisilimmi nukittullutik ataatsimoortut peqataaffigilissagukkit.

Immikkut isumaqatigiissuteqarnikkut atorfinitsitaassaatit, ukioq naallugu qaammammusiaqartarlutit. Silasiorfimmiinninni akeqanngitsumik nerisaqarlutillu ineqassaatit (akileraarutigineqartussanik) Tusass-imillu silasiorfimmut silasiorfimmiillu angalanerit aamma atorfinikkiartorluni soraarlunilu angalanerit akilerneqartussaapput. 

Paasissutissat suliassamut tunngasut

Atorfiniffissaq: 01.10.2026 imaluunniit sukumiinerusumik isumaqatigiissuteqarnikkut. 

Silasiorfimmiinneq siulleq pissaaq 15-10-2026-mit 04-02-2027-mut.

Qinnuteqartitsineq

CV-t qinnuteqaatillu nassiullugit atorfimmut qinnuteqaateqassaatit attataasaq talerperlermiittoq toorlugu, kingusinnerpaamik 12-08-2026-mi.

Qinnuteqaatit e-mailikkoortut tiguneq ajorpagut.

Qinnuteqaatit takkuttut ataavartumik suliarisarpagut taamatullu oqaloqateqarnerit ataavartumik ingerlattarlutigit. Atorfinitsitsisoqassaaq qinnuteqartoq piukkunnartoq nassaarineqarpat.

Atorfik pillugu paasisaqarnerorusukkuit, Silasiorfimmi pisortaq Frederik Maki Poulsen attavigisinnaavat uunga sianerfigalugu +299 389464, e-mail: fpo@tusass.gl imaluunniit Silasiornermik Kiffartuussiviup pisortaa, Hans B. Noahsen, sianerfigalugu +299 550506-imut imaluunniit allaffigaluguhansn@tusass.gl

Tusass pillugu 

Tusass tassaavoq Kalaallit Nunaat tamakkerlugu nalunaarasuartaaseriviullunilu allakkerivik, Nuummi qitiusumik qullersaqarfeqartoq. Inuit, suliffeqarfiit inuiaqatigiillu najukkaminniittut mobilikkut attaveqaatit, internettikkut attaviup sukkasuup, internettip, allakkeriveqarnerup aaqqissuussaanerulluattaveqatigiissippaat – aamma Kalaallit Nunaanni najugaqarfiit tamaasa imaatigut kabelit, radio aamma satellit atorlugit attassuteqartippagut.

Nuna akimorlugu suleqatigiit 350-it missaanniippugut attaveqaqatigiinnermi aaqqiissutissanik suliaqartartut, ulluinnarni inuiaqatigiillu kalaallit ineriartorneranni pingaaruteqarluinnartumik.

2025-mi suliffeqarfik atuunnermini ukiunik 100-nngortorsiorpoq, ”Tusass” -ili taaguutitut aatsaat 2021-mi atuutilersinneqarpoq isumaqarluni ”tusassaagut”. Atitta siunertarput ersersippaa: ataqatigiissinneqarneq – teknikkikkut inuttullu.