Tusaannga piffissami tamakkiisumi sulisinnaasumik marlunnik siunnersuisartussarsiorpoq

Allanngueqataarusuppit? 

Tusaannga piffissami tamakkiisumi sulisinnaasumik marlunnik siunnersuisartussarsiorpoq

Tusaanngami piffissami tamakkiisumi sulisinnaasunik, oqarasuaatikkut digitaliusumillu siunnersuinermut neqeroorutitsinnut siunnersuisartunik pissarsiorpoq. 

Inoqammut tusarnaallaqqissuuit - nuna tamakkerlugu inuiaqatigiit atugaannut allanngueqataarusussuseqarpit? Inuit inuunermi artorsaateqarlutik inissisimasut allanngueqataaffigerusuppigit? Taava immaqa illiuvutit Tusaanngami siunnersuinermi suleqatissatut ujagarput. 

Tusaanngami siunnersuisartutut suliassavit pingaarnersaat tassaavoq, saaffiginnittup atorsaateqarnerani oqaloqatigineratigut allaqatigineratigulluunniit ikorfartorlugulu siunnersornissaanik neqerooruteqarfiginissaa.

Tusaannga tassaavoq Kalaallit Nunaat tamakkerlugu meeqqanut, inuusuttunut inersimasunullu kinaassutsimik isertuussilluni, oqarasuaatikkut 801180, sms-kkut 1899 aamma www.tusaannga.gl -kkut chat-teqateqarnikkut ulloq unnuarlu siunnersuisarfik.

Tusaannga innuttaasut nalunngisaminnik imaluunniit illoqarfimminni/nunaqarfimminni ikiorserneqarsinnaannginnermik misigisimasunut ajornartorsiumminnillu oqaloqatiginninnissamut pisariaqartitsisunut neqeroorutaavoq.

Sammineqarsinnaasut allanngorartuupput - taamaattumik pingaaruteqarpoq, inuttut naleqqussallaqqissuussasutit, tatitussuseqarlutit paasinnilluarsinnaassasutit aammalu pisuni ulapaarfiusuni eqqissillutit suliaqarsinnaanissat. 

Suliffik INULERIVIK – Nunatsinni Katsorsaavik Siunnersuisarfimmilu inissisimalernikuuvoq, sullissivillu taanna marlunngorlugu avinnikuuvoq, siunnersuivik aamma katsorsaavik, Tusaannga sullissivimmi neqeroorutip aapparivaa, tassa siunnersuiviulluni. Illillu Sullissiviup pisortaanut attaveqartartussaavutit.

Suliassarilerumaakkatit ilaatigut makkuussapput:

• Ikorfartuilluni oqaloqarteqarnikkut allaqateqarnikkulluunniit pingaarnertut Kalaallisut ilaatigullu qallunaatut tuluttulluunniit oqaloqatiginnissinnaallutillu siunnersuisinnaassaatit.

• Ilaatigut meeqqanik, inuusuttunik inersimasunillu makkuninnga qulequtalinnik oqaloqatiginnissinnaassaatit; qinngasaarineq, persuttaaneq, perorsaaneq, inooqatigiinnermi ajornartorsiuteqarneq, imminut toqunnissamik eqqarsaateqarneq, kinguaassiuutikkut qaangiiffigitinnerit, atornerluineq il.il. 

• Inuit ajornartorsiortut qanilaarfigalugit aamma ataqqillugit naapissinnaassavatit. 

• Suleqatigiit ataqatigiilluartut, sulianik piginnaasatigullu ineriartortuarlutillu tapersersoqatigiittut ilannguffigissavatit. 

• Tusaannga ulloq unnuarlu suliffiummat unnukkut unnuakkullu sulisarsinnaanissat naatsorsuutigissavat. 

Illit uku pinginnaasaqarfigissagitit naatsorsuutigaarput:

• Peqqissaanermik, perorsaanermik imaluunniit isumaginninnermik tunuliaqutalik (soorlu Sygeplejeskeq, Ilinniartitsisoq, Perorsaasoq imaluunniit inulerinerup assigisaanik ilinniagaqarsimasasutit).

• Oqaloqateqarsinnaanermik atassuteqarsinnaanermillu suliaqarnikkut misilittagaqassaatit

• Piffissat suliffiusut nikerartut unnuarsiornertallillu suliffigissallugit iluarigitit 

• Naliliisinnaassuseqarluartoq, nammineerluni sulisinnaasoq aamma ulapaarfiup nalaani eqqissisimasinnaalluartoq

• Aalajaatsoq piffissamillu ataqqinnittoq

• Kalaallisut qallunaatullu oqalunnikkut allakkatigullu piginnaasaqassasutit

Paasissutissat

Atorfik Nuummi inissisimavoq.

Qinnuteqarnissamut killigititaq: 17. septembari 2026
Atorfik ulloq una inuttalerneqarnissaa kissaatigineqarpoq: 1.novembari 2026 Imaluunniit isumaqatigiissuteqarnikkut. 

Tusaannga atorfilluunniit pillugu paasissutissat sukumiinerusut Linda Hegelund-ip oqarasuaataanut saaffiginninnikkut pissarsiarisinnaavatit +299 55 63 53  imaluunniit mailianut allallutit: lheg@nanoq.gl imaluunniit

Akissarsiat atorfeqarnermilu atugassarititaasut

Akissarsiat atorfeqarnermilu atugassarititaasut taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.

Inissiaq 
Atorfimmut atatillugu sulisunut inissiamik innersuussisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni.

Qinnuteqaat, imminut ilisaritinneq, CV, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit.
e-mail-ikkut qinnuteqaatinik tigusineq ajorpugut. 

Naalakkersuisut pillugit

Suliassanik unammillernartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq.
Annertuumik akisussaassuseqarnissat aammalu suliatigut piginnaaneqarnissamik pingaartitsinissat, pisunik misissueqqissaartuunissat, kiisalu sulisut akornanni allannguisoqarnissaanut piareersimalluartuunissat naatsorsuutigaarput.  Tamatuma saniatigut ulluinnat ilusilersornissaannut piginnaaneqarnissat sulianillu ilisimasaqartuunissat pingaartipparput. 

Namminersorlutik Oqartussat Qitiusumik Allaffissuaqarpoq, 650-it sinnerlugit, naalakkersuisoqarfinnut assigiinngitsunut agguarsimasunik sulisulimmik, kiisalu avataani immikkoortortat arlalippassuupput. Sulisut 2500-t sinnerlugit amerlassuseqartunut Namminersorlutik Oqartussanut attuumassuteqarpugut. Qitiusumik Allaffeqarfiup suliassaa tassaavoq, Naalakkersuisut aalajangernissaannut tutsuiginartumik tunngavissinnissaat aamma naalakkersuinikkut aalajangikkat piviusunngortinnissaat.