Tusagassiivimmi Sermitsiami nutserisoqarfimmi pisortassarsiorpugut

Nunatsinni tusagassiat atuarneqarnerpaat pitsaassusaannik qulakkeerinneqataarusuppit – kalaallisut, danskisut tuluttullu?

Tusagassiivimmi Sermitsiami pikkorissumik tunniusimasumillu oqaatsinik, pitsaassutsimik aqutsinermillu pingaartitsisumik nutserisoqarfimmi pisortassarsiorpugut.

Nutserisoqarfimmi pisortatut aaqqissuisoqarfinni suliaqarnitsinni qitiusumik inissisimassaatit. Tusagassiornitta kalaallisut, danskisut tuluttullu eqqortumik nutserneqarnissaa, assigiinngisitaartuunissaa eqqortunillu oqaasertaqarnissaa akisussaaffigissavat. Aammattaaq nutserisoqarfipput pingasunik sulisoqartumut aqutsisuussaatit.

Pingaarnertut akisussaaffeqarfissatit

• Nutserisoqarfimmi aqutsineq siuarsaanerlu.

• Oqaatsit atorneqartut qaffassissumik pitsaassuseqarnissaasa kiisalu kalaallisut, danskisut tuluttullu nutsikkani naleqquttuunissaasa qulakkeernissaa.

• Immikkoortortami sulisoqarnerup, suliassat agguataarneqarnerisa sulinissallu pilersaarusiornissaat.

• Saqqummersitatsinni oqaatsit ersarissut, eqqortut atuaruminartullu atorneqarnissaat qulakkeerniarlugu aaqqissuisuunerup, aaqqissuisut tusagassiortullu qanimut suleqatiginissaat.

• Oqaatsinut tunngatillugu najoqqutassanik pilersitseqataallunilu tusagassiivimmi tamani pitsaassutsimik qulakkeerinneqataanissat.

• Silassorissuusiaq atorlugu nutserissutit siuarsarnerisa atuutsinnerisalu ingerlannissaa teknologiillu nutaat pitsaassuseq allanngortinngikkaluarlugu akisussaassuseqartumik iluaqutaasumillu aotrneqarnissaasa qulakkeernissaa. 

Makku piginnaasarigitit kissaatigaarput

• Kalaallit danskisullu oqaatsit – oqalunnermi allannermilu - qaffasissumik piginnaasaqarfigigitit. Tuluttut piginnaasaqaruit iluaqutaassaaq.

• Nutserinermi oqaatsillu pitsaassusaannik qulakkeerinninnermi annertuumik misilittagaqartutit.

• Aqutsillaqqittutit imaluunniit aqutsisutut siuariartorusuttutit.

• Torersumik suleriuseqarlutillu suliassat atortussallu iluaqutaasussamik pilersaarusiorsinnaagitit.

• Akisussaaffimmik tiguserususseqarlutillu ulluinnarni killigititamik piffissaliussarpassuaqartumi tamakkiisumik isiginnissinnaasutit.

• Teknologiit nutaat alapernaaffigalugillu siunissami silassorissuusiat atorlugit nutsereriaasissat inerisarnissaat kajumigigit.

Neqeroorutigaagut

Tusagassiivimmi Sermitsiami Nunatsinni tusagassiivinni namminersortuni siuttuusumi kiisalu tusagassiornermik, pitsaassutsimik siuarsaanermillu pingaartitsisumi, suleqataalissaatit.

Oqaatsit atorneqartut pitsaassusaannut annertuumik sunniuteqarsinnaallutit qitiusumik inissisimalerlutillu siunissami nutserinermik suliaqarneq sunniuteqarfigisinnaavat. Aammattaaq suliffeqarfimmut anguniagalimmut, suleqatigiinnermik, suliassanik paasisimasaqarnermik nutaaliornermillu pingaartitaqartumut ilanngutissaatit. 

Qinnuteqarneq

Atorfik pillugu apeqqutissaqaruit pisortaaneq aaqqissuisuunerlu Masaana Egede saaffigissallugu tikilluaqqusaavutit. 

Qinnuteqaatit ataavartumik suliarissallugillu suleqatissarput eqqortoq nassaarigutsigu atorfinitsitsissaagut.

Paasisaqarnerorusukkuit uunga allallutilluunniit masaana@sermitsiaq.gl uunga sianersinnaavutit +299 383940. Tusarfiginissat qilanaaraarput.