Tusagassiorfik Sermitsiaq tusagassiutinut assiliisartussarsiorpoq

Nutaaliornermik nuannarisaqarpit pisullu assilissallugit nuannaralugit? Assiliinermik immiussinermillu piginnaasaqarpit? Taamaappat pissanganartumik periarfissaqarputit!

Tusagassiorfik Sermitsiaq tusagassiutinut assiliisartussamik piumassuseqarluartumik immiussisinnaasumillu pissarsiorpoq. Tusagassiuutitsinni atuartartutsinnullu attaveqarnitsinni assiliisartutut qitiusumik inissisimassaatit.

Atorfik pillugu:

Tusagassiorfimmi Sermitsiami assiliisartutut assigiinngitsunut assilersuinissamik akisussaassuseqassaatit, soorlu aviisinut, atuagassianut nutaarsiassanullu digitaliusunut.

Suliassavit ilaat ukuupput:

• Nutaarsiassanik, pisunik, inunnik featurenilllu assiliinerit.

• Videolianik, ilaatigut aallakaatitassianik tusagassianik filminillu naatsunik, suliaqarneq.

• Assinik videonillu suliarinninneq.

• Tusagassiortut aaqqissuisullu suleqatigalugit assinik takorluukkanik ineriartortitsineq.

Ujartugarput tassaavoq:

· Assiliisartutut, filmiliortartutut assigisaanilluunniit ilinniagaqarsimasoq.

· Assiliisarnermik videoliortarnermillu misilittagaqarluartoq.

· Assileeriaatsit, qaamaneq kusanartuunerannillu maluginiallaqqissoq.

· Programmit assinik suliaqarfiusut soorlu Adobe Photoshop, Adobe Premiere Pro assigisaallu atorsinnaavatit.

· Attaveqarsinnaalluarputit namminersorlutit suleqateqarlutillu sulisinnaallutit.

· Tusagassiuutit nuannarilluarlugit assiliisarnermilu ineriartornermut malinnaallutit.

Neqeroorutigisavut:

· Pikkorissunik tunniusimasunillu suleqateqarneq suliffillu ineriartorfiusoq.

· Inuttut suliatigullu ineriartornissamik periarfissalik.

· Sulinermi atugassarititat pitsaasut, akunnerillu suliffiusut nikerarsinnaanissaanik periarfissalik.

· Kalaallit Nunaanni tusagassiuutitigut ingerlatsivinni siuttuusumi assilersuisuunissannut ilusilersueqataanissannullu periarfissaq immikkuullarilluinnartoq.

Unammilligassamut Tusagassiorfimmullu Sermitsiamut sunniuteqarluarnissannik piareersimavit? Qinnuteqaatit, CV-t assilisimasannillu takussutissat uunga nassiutikkit: Ilusilersuinermut pisortaq Linda Lyberth Rachlitz, linda@sermitsiaq.gl – Qinnuteqarnissamut killiliussaq: 15. januar 2025.

Isumaqatigiissuteqarnikkut atorfinittoqassaaq.

Pisinnaasat naapertorlugit akissarsiaqarneq.

Tusagassiorfik Sermitsiaq pillugu 

Tusagassiorfik Sermitsiaq suliffeqarfiuvoq imminut pigisoq, Kalaallit Nunaanni kiffaanngissuseqartumik tusagassiornissamik anguniagaqartoq. Tusagassiarineqartartut nuna tamakkerlugu nutaarsiassaapput, aammalu illoqarfigisami saqqummersitsisarluni. Aviisit naqitat AG – Atuagagdliutit aamma Sermitsiaq, Kalaallit Nunaannilu nittartakkani atuarneqarnerpaasartoq www.Sermitsiaq.gl suliarisarlugit. Taakku saniatigut Nuuk Ugeavis, atuagassiaq timmisartuniittoq Suluk sulisussarsiornermilu nittarsaassivik SJOB.gl ingerlataralugit.