Tusagassiorfimmi Sermitsiami nutserisoq

Kalaallit Nunaanni tusagassiorfimmi ineriartorfiusumi, ullut tamaasa pissanganartunik pisoqarfiusumi, suleqataalerusuppit? Tusagassiorfimmi Sermitsiammi aaqqissuisoqarfiit tuniniaaviullu saqqummersitaanik nutserisartussamik pikkorissumik suleqatissarsiorpugut.

Atorfik pillugu

Nutserisut immikkoortortaqarfianni pingasunik allanik tunniusimasunik suleqateqassaatit. Tusagassiortut qanimut suleqatigalugit allaaserisatta siammasissumik saqqummersittarnissaat qulakkeerinneqataaffigissavat – kalaallisut qallunaatullu. 

Uku pingaarnertut nutsertarpavut:

• Inuussutissarsiutinut tunngasut

• Oqaluttuat inunnut tunngasut

• Kulturi

• Timersorneq

• Nutaarsiassat

Tusagassiorfik digitaalinngorsaaneq nutaaliornerlu qitiutillugit ineriartorpoq. Ulluinnavut assigiinngit­suupput pisoqarfiusaqisut – pisut sukkasarput, ullullu tamarmik unammilligassaqartarlutik.

Suleqatissatsinni ujartukkavut:

• Qallunaatuumiit kalaallisuunngortitsisinnaasoq aamma killormut

• Pitsaassuseq pingaartillugu sukkasuumik sulisinnaasoq

• Ulluni ulapaarfiusuni pingaarnersiukkat allanngorarsinnaaffiini sulisinnaasoq

• Suleqateqarsinnaallunilu namminersorsinnaasoq

Neqeroorutivut:

• Nunatsinni tusagassiorfimmi ineriartorfiusumi atorfik pissanganartoq

• Suliffeqarfik sunniisinnaassuseqartoq ineriartornissamik periarfissalik

• Suleqatit tunniusimasut

• Ulluinnaat nutaarsiassaqarfiusut inuiaqatigiinnilu pisuni malinnaaffiusut

Sumiiffik: Sermitsiaq, Nuuk.

Ulloq atorfiniffissaq: Decembarip aallaqqaataa 2026, isumaqatigiissuteqarnikkulluunniit.

Qinnuteqarfissaq kingulleq: Novembarip aappaat 2026.

Aningaasarsiat: Kalaallit Nunaanni aningaasarsianut isumaqatigiissutit malillugit.

Tusagassiorfik Sermitsiaq pillugu 

Tusagassiorfik Sermitsiaq suliffeqarfiuvoq imminut pigisoq, Kalaallit Nunaanni kiffaanngissuseqartumik tusagassiornissamik anguniagaqartoq. Kalaallit Nunaanni nittartakkani atuarneqarnerpaasartoq www.Sermitsiaq.gl saqqummersitaraa.  Tamatuma saniatigut Suluk aamma nittartakkakkut suliffissarsiorfik SJOB.gl suliarisarpagut.

Oqaatsit nutserinerlu uummateqarfigigukkit tusagassiavullu Kalaallit Nunaata sinneranut siammartereqataaffigerusukkukkit tusarfiginissat qilanaaraarput! 

Apeqqutissaqaruit uunga allassinnaavutit as@sermitsiaq.gl imaluunniit  
+299 38 39 89-imut sianerlutit.

Qinnuteqaatit uppernarsaartillu nutserisut ningiuanut nassiutissavatit uunga, Alice Sørensen, as@sermitsiaq.gl