Tusassimi immikkoortortaqarfik Suliffeqarfinnut Sullissivik Senior Key Account Managerissarsiorpoq

Tusassip suliffeqarfinnut immikkoortortaqarfia Senior Key Account Managerissarsiorpoq, suliffeqarfinnut oqarasuaateqarnermik, internetimut attavinnik, hostingimik Cloudimillu kiisalu IT-mi isumannaallisaanermut aaqqiissutinik, suliffeqarfinnut atuisunut, IT-mik immikkut ilisimasallit qanimut suleqatigalugit neqeroorsinnaasumik. Suleqatissarsiorpugut tuniniaallaqqissumik sullissillaqqissumillu.

Suliffik immikkoortortaqarfillu pillugit:

Senior Key Account Manageritut siunnersuisutut, tuniniaasutut atuisunullu sullissisutut suliaqarninni, niuernermik aaqqiissutinillu soqutigisaqartuussaatit. Atuisut pisariaqartitaannik paasisimasaqarnissat pingaaruteqarpoq, suliffeqarfiillu minnerniit annernut, inuiaqatigiinnulli pingaarutilerujussuarnut sullissininni naleqarluartunik aaqqiissutinik tunissinnaassallutit. Taamaalillutit atuisut toqqissisimaffigalutit suleqatigisassavaatsit.

Suliffeqarfinnut immikkoortortaqarfimmi sulisut pimoorussisut, piumassuseqarluartut isumagissaartullu akornaniilissaatit, ataatsimoorluartunillu ikioqatigiilluartunik suleqateqalissallutit. Ulluinnarni suliassanik pilersaarusiornissannut kiffaanngissuseqassaatit, suliffeqarfinnut immikkoortortaqarfimmiit periusissiami ataatsimoorussamik anguniakkani, tatigeqatigiinneq akisussaanerlu pingaaruteqarluinnarmata.

Kalaallit Nunaanni suliffeqarfiit atuisut annersaasa ilaat akisussaaffigissavatit, taamaattumik naatsorsuutigaarput:

• Niuerfitsinni aaqqiissutinik naleqalersitsisunik tunniussisinnaanissat
• Siunnersuineq, tuniniaaneq kiisalu suliniuteqarneq misilittagaqarfigilluarpatit
• Attaveqaatinik pitsaasunik atajuartunillu pilersitsisinnaavutit
• Tatiginninnermik pilersitsisinnaavutit, siulliusinnaassuseqarlutit kinguneqartitsisinnaallutillu
• Akisussaassuseqarputit, nutaamik eqqarsarsinnaallutit suliassallu assigiinngisitaartut suliarisinnaallugit
• Attaveqaqatigiinneq allannikkut oqalunnikkullu pikkoriffigaat

Piginnaasatit:

· Minnerpaamik ukiuni marlunni IT-lerinermi siunnersuineq tuniniaanerlu misilittagaqarfigaatit

· Piffissap ilaani tuniniaaneq periuseqartumillu tuniniaaneq sungiusimavat

· Tuniniaanermut suliniutit annerit naammassisimavatit

· Aqutsineq pilersaarusiornerlu pikkoriffigaatit aaqqissuulluakkamillu sulisarlutit

· Oqarasuaateqarnermi atortulersuutit pingaartumillu IT ilisimasaqarfigaatit

· Namminersorlutit suleqateqarlutillu sulineq sungiusimavat

· Kalaallisut, qallunaatut immaqalu tuluttut oqaatsit atornissaat pikkoriffigaatit

· IT-mik ilisimasaqarluarputit, Office pakke Axaptalu sungiusimallugit

Neqeroorutigaagut:

Avatangiisini allanngorartuni atorfik unammillernartoq, sulisullu piginnaasallit, suliaminnut pimoorussisut Tusassip neqeroorutigai. Sulianut tunngatillugu inuttullu ineriartornissamut periarfissaqarluarpoq, piginnaasatillu naapertorlugit akissarsiaqartinneqassaatit.

Ilinnoorpa?

Atorfik pillugu paasisaqarnerorusukkuit, Tuniniaanermi pisortaq Allan Schrøder attavigisinnaavat, oqarasuaat +299 38 90 12.

Qinnuteqaatit oqaloqatiginninnerillu

Tusassip suliffissarsiortarfiatigut piaartumik qinnuteqarit ugguuna, qinnuteqaat CV-lu kingusinnerpaamik 18. aggusti 2024 nassiullugit. Tusassip qinnuteqaatit takkukaangata tulleriaallugit suliarisassavai, qinnuteqarnissamullu killissarititaasq nallertinnagu oqaloqatiginninnissamut aggersaasinnaalluni.

Tusassi:

Takorluukkap ´Tusassip nunarsuup sinnera qaninnerulersippaa – uagullu immitsinnut qaninnerulersilluta’ ataani suliffeqarfiup sulisui 350-t missaanniittut suleqatigiillutik Kalaallit Nunaat tamakkerlugu attaveqaqatigiinnermut atortulersuutit nutaaliaasut pilersillugillu qulakkeertarpaat.

Uani paasisaqarnerusinnaavutit: www.tusass.gl