Tusassimi quersuarmi ikiorti

Tusassimi quersuarmi ikiorti

Nunarput tamakkerlugu suleqativut atuisuvullu atortussaat nioqqutivullu apuulluarsinnaanissaat qulakkeerusuppiuk?

Atorfik pillugu

Quersuarmi ikiortitut ulluinnarni Tusassimi ingerlatsinermut pingaarutilittut inissisimaqataalissaatit. Quersuarmiittuutit eqqortumik inissisimanera, nioqqutit nassiunneri, tiguneri eqqortumillu nalunaarsorneqarneri, nassiussassaasut pitsaasumik suliatigullu naapertuuttumik ingerlanneqarneri qulakkiissavatit. Atorfimmi quersuarmi naliginnaasumik suliassat aammalu quersuami- aamma nioqquteqarfimmi atortorissaarutitigut nalunaarsorneqarnissaat suliat ilaannissaaq.

Suliassat qitiusut

• Nioqqutit takkunneranni tiguneri, misissorneri nalunaarsornerilu.

• Quersuarmi nioqqutit eqqortumik inississorneri.

• Suliffeqarfiup iluani immikkoortortaqarfinnut aammalu suleqatinut nioqqutinik tunniussinerit.

• Sineriami immikkoortortaqarfiutitsinnut nioqqutinik pukunneq, poortuineq aammalu nassiussineq.

• Pukunnermut allattorsimasut nalunaarsorneri aammalu sullitanut nioqqutinik tunniussinerit.

• Pequtit nassiussallu eqqortumik ingerlanneqarnissaat qulakkeernera.

Tamatuma saniatigut suliassavit ilagissavaat:

• Quersuarmi pequtit aammalu quersuani assigiinngitsuni iluartumik ingerlatsinerit qulakkeernera.

• Quersuarmi piffinni aammalu ilioraavinni torersaaneq eqqiaanerlu suliarineri.

Piukkunnaatitit

Naatsorsuutigaarput:

• Biilersinnaatitaanermut allagartaqartutit.

• Quersualerinermi imaluunniit angallatassanik ataqatigiissaarinermik misilittagaqartutit (pitsaaqutaassaaq piumasaqaataanngilarli).

• IT-kkut atortorissaarutinik naliginnaasumik ilisimasaqartutit digitalitigullu atortorissaarutini sualiaqarsinnaallutit.

• Kalaallisut piginnaasaqartutit.

• Truck-ersinnaanermut uppernarsaateqartutit (iluaqutaassaaq piumasaqaataanngilarli).

• Pequtinik nassiussassanik ulorianarsinnaasunik suliaqarsinnaanermut uppernarsaateqartutit (iluaqutaassaaq piumasaqaatanngilarli).

Illit

Inuttut illit:

• Ammasuuvutit suleqatigiinnilu suleqataalluarsinnaallutit.

• Aaqqissuussamik suiaqarsinnaasutit suliffimmilu ulapaarfiusinnaasumi sulianik pingaarnersiorluni aaqqissuussamik ingerlatsisinnaassuseqartutit.

• Akisussaassuseqarluartutit, tatiginarlutit, suliassanut killerititaasut aamma isumaqatigiissutit eqquutsissinnaallugit.

Neqeroorutigaarput

Tusass-imi suliffiinnarmik pissarsissanngilatit – inuaqatigiinnut immikkuullarissumik tunniussissinnaanngussaatit.

Atorfimmik pissanganartunik suliassanik tigummiffiusumik, ineriartorfiusumik aammalu ulluinnaat suleqatinik piginnaasaqarluartuni tunniusimasunilu ilaalissaatit. Pisortatigoorpalaanngitsumik ingerlariuseqarpugut, illalaaqatigiissinnaanermullu qanittumi suleqatigiissinnaaneq ataatsimooqatigiissinnaanerlu aallutaralutigu. Inuttut suliatigullu ineriartorfissanik periarfissaqarluarpoq.

Nunatsinni inuiaqatigiinni allanngueqataanissamut sunneeqataarusuttumik, attaveqaatitigut angallassinermullu aaqqissuussisinnaassutsimi suliaqarfiusumi ajornakusoornarsinnaagaluami aaqqiissutaalluarsinnaasunik takunnilluarsinnaasumik ujartuivugut.

Piginnaasaqaruit aammalu piumassuseqarluarlutit taava suliffissannik inuiaqatigiinni allanngueqataaffiusinnaasumik aammalu suliffimmi ineriartortitsinermi sinaakkutissanik pilersitsiniarnermi isumassarsiat killeqanngitsumik atuiffiusinnaasumik – suliffimmiinnaanngitsoq sulinngiffeqarnermili periarfissiisumik piareersimasuuteqarpugut.

Soqutiginnippit?

Linki talerpiata tungaaniittoq toorlugu qinnuteqaat CV-lu nassiutikkit.

Qinnuteqaatit e-mailikkut tiguneq ajorpagut.

Qinnuteqaatit tiguneqartut suliaralugillu oqaloqatiginninnerit ingerlaavartumik ingerlanneqarumaarput. Sulilertussaq eqqortoq nassaarineqarpat atorfik inuttalerneqarumaarpoq.

Atorfik pillugu paasisaqarnerorusukkuit Quersuarmi pisortaq Birgithe Th. Høegh emailikkut BIH@tusass.gl attaviginissaanut tikilluaqqusaavutit.

Tusarfiginissat qilanaaraarput.

Tusass Pillugu

Tusass suliffeqarfiuvoq Nunatsinni oqarasuaateqarnikkut attaveqaqatigiinnermi allakkerinermilu suliaqartoq, Nuummilu qullersaqarfia inissisimalluni. Inuit, Suliffeqarfiit, inoqarfiillu attavilersorpagut, oqarasuaatitigut, internetikkut, allakkisarnermi, assartuinermilu ataqatigiissaarinikkut – inoqarfiillu tamaasa attaveqaqatigiinnermut kabelimik, radiokkut, qaammataasakkullu attavilersuisuulluni.

Nuna tamakkerlugu sulisut 350-it missaaniipput, taakkulu inuiaqatigiinni ulluinnarni ineriartortitsinermilu pisariaqartitanik attaveqaasersuinermi assigiinngitsutigut suliaqartuullutik.

Ukiumi 2025-mi suliffeqarfiup 100-liinera nalliuttorsiutigaarput, taamaattorli ukiumi 2021-imiilli kisiat Tusass atitut atulersimallugu. Aqqiup taassumap anguniakkagut ersersitarai: Attaveqarneq – teknologikkut inunnullu.