Ulloq unnuarlu neqeroorut Angerlarsimaffik Uulineq pisortassarsiorpoq

Annertuumik sunniuteqarfiulluartumik ineriartorfiulluartumik allaanerusumillu pissarsinarluartumut atorfimmut soqutiginnissinnaavit, taava immaqa atorfik una ilinnut tulluartuuvoq.

Angerlarsimaffik Uulineq pillugu

Angerlarsimaffik Uulineq Kalaallit Nunaanni nuna tamakkerlugu inunnut autismespektrumilinnut neqeroorutaavoq. Angerlarsimaffik Uulineq pingasunik immikkoortortaqarpoq: immikkoortortaq Uulineq meeqqanut inuusuttunullu (6-18-inik ukiulinnut), immikkoortortaq Suluppaluk inuusuttunut (16-25-inut ukiulinnut), taavalu inersimasunut immikkoortortaq Qiimaneq (18-iniit qummut ukiulinnut).

Angerlarsimaffik Uulinermi suliat aallaavigalugit tunngaviusumik naleqartitai akuerineqarsinnaasumik tunngaviupput; soorlu makkua: oqaloqatigiinneq, akisussaassuseqarneq, sullitanut ilisarsisinnaasoq, ilinniagaq aallaavigalugu sulisinnaassuseqartoq.

Neqeroorutigaavut:

• Suleqatigiinnik piginnaasaqarluartunik assigiinngisitaartunillu aqutsisunik suleqateqarnissamut periarfissaqartoq
• Ulluinnarni sulissutigisanut nutaanut annertuumik sunniuteqarsinnaassuseqarneq
• Suliffeqarfik ineriartortitsisarnernik ilinniagaqarnissamillu pingaartitsisoq
• Perorsaanikkut - aqutsinikkullu tunngasutigut suliaqartarnernik ineriartortitsisarnerit unammilligassallu
• Isumaginninnermut Aqutsisoqarfimmit isumasioqateqarnissamut periarfissaqarneq - pingaartumik Ulloq Unnuarlu Inissitsiterinermullu Immikkoortortaqarfimmit
• Suliatigut isumasioqateqarneq kiisalu pisortanik allanik siunnersorteqarneq
• Pisortat ukiumoortumik isumasioqatigiinneranni ataatsimeersuarnerilu peqataasarneq

Kissaatigaarput illit:

• Perorsaasutut ilinniagaqarsimasutit
• Sullitanut pineqartunut ilisimasaqartutit misilittagaqartutillu
• Suliassaqarfimmut tunngasunik inatsisinik ilisimasaqarluartutit
• Aqutsinermik aningaasaqarnermillu aqutsinermik paasisimasaqassasutit
• Inuunermik pitsaasumik isiginnittaaseqassasutit akuersaartumillu isiginnittariaaseqarneq aallaavigalugu atassuteqarnernik pitsaasunik pilersitsisinnaasutit
• Pisortatut misilittagaqarluartutit, suliassanillu agguaassillaqqissuusutit
• Ulloq unnuarlu paaqqinnittarfiit allat Namminersorlutik Oqartussanit pigineqartut suleqatiginissaannut piumassuseqartutit
• Ulloq Unnuarlu Paaqqinnittarfinnut immikkoortortaqarfimmik qanilaartumik kinguneqartussamillu suleqateqarnissamut ilanngunnissamut piareersimasutit
• Meeqqanut inuusuttunullu neqeroorutit iluini misilittagaqartutit

Tassunga ilanngullugu qallunaat kalaallillu oqaasiinik piginnaasaqartutit, kalaallillu kulturiannut inuiaqatigiinnerannullu paasisimasaqartutit kissaatigaarput.

Qinnuteqarneq

Qinnuteqaat ilinniarsimasanut allagaatinik, pillagaasimanngitsutullu allagartami, siusinnerusukkut atorfigisimasanit oqaaseqaatinut attuumassutilinnik Ivaaqqamit tamakku oqaaseqaatit pillugit attavigineqarnissamut akuerisaasunik imaqassaaq. Aammattaaq meeqqanik innarliisimannginnermut uppernarsaatinik piumasaqaatitaqarpoq.

Qinnuteqaatinut killigititaq tassaavoq ulloq 22. Oktober, atorfinitsitsinissamullu oqaloqatiginninnissat qinnuteqarfissap naanerata kinguninngua ingerlanneqassapput. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut

Piffissaq suliffiusussaq sapaatit akunnerannut nalunaaquttap akunnerinik 40-nik sivisussuseqarpoq.Atorfik pillugu paasissutissanik annertunerusunik pissarserusukkuit, tikilluaqqusaavutit attavigissallugu immikkoortoqarfimmi pisortaq Karina Ivalo Kleist oqarasuaat +(299) 34 69 54 imaluunniit mail-ikkut; 

kaik@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mail-ikkut qinnuteqaatinik tigusineq ajorpugut.

Qinnuteqaat nassiuguk