Uumassusillit natermiut pillugit uumassusileritooq ilinniartitsinermilu ataqatigiissaarisoq Silap Pissusianik Iliimatusarfimmut
Silap Pissusianik Ilisimatusarfik uumassusillit natermiut pillugit uumassusilerituumik ilinniartitsinermillu misilittagaqarneq pillugu uppernarsaateqartumik ilisimatusartumik sulisussarsiorpoq.
Silap Pissusianik Ilisimatusarfik immikkoortortaqarfiit assigiinngitsut suleqatigalugit ingerlatanut ukiuni arlalinni ingerlanneqartussanut akisussaasuusarpoq taamatuttaaq Kalaallit Nunatsinni uumasoqatigiiaat tigussaasumillu allannguutaasartut sunniutaannik misissuinernut akisussaasuusarluni. Ilisimatusarluni sulianut ilanngullugit ilisimatusarfimmi ilinniartitsisutissanik neqerooruteqartarpoq nunatsinnilu oqartussanut siunnersuinernut aamma peqataasarluni.
Sulilertussaq ilisimatusarnermi nunani tamalaani akuerisaasimassaaq Kalaallit Nunaatalu imartaanik aamma uumassusillit avatangiisaasalu ataqatigiinnerat pillugu ilisimasaqartuussalluni. Sulilertussaq uumassusilinnik natermiunik aamma issittumi issittullu kiannerulaartortaani uumassusillit avatangiisaasalu ataqatigiinnerannik immikkut sammisaqartuussaaq, uumassusillit assigiinngissitaarnerat aamma silap pissusaata allanngoriartornerata kingunerisaanik immap naqqanut sunniutai ilanngullugit. Atorfik avataaniit aningaasalersugaavoq ilisimatusakkamullu aningaasassarsiorsinnaanissaq pingaaruteqarluinnarpoq. Sulilertussatut toqqarneqartoq Silap Pissusianik Ilisimatusarfiup periusissiassaanut kalaallillu nunaata imartaa pillugit suleqatigiiaanik ineriartortitsinissamut peqataasussaavoq. Piukkussatut toqqarneqartoq ilisimatusartunik nunani tamalaaneersunik suleqateqartussaavoq, imaani uumasoqatigiiaarnermik, ingerlaasaannullu tunngasunik imavissiulerinermillu suliaqartunut suleqataasussaalluni, avatangiisit namminerminni assigiinngiiaassusaat inunnillu sunnerneqaraangamik periuserisartagaannik, issittumilu silap allanngoriartornerata kingunerisaanik paasisaqarnerulernissamut iluaqutaasussanik suliaqartussaavoq.
Akisussaaffiusussat
Piukkutap pisinnaasarissavai
- Sumiiffinni katersukkanik laboratoriamilu misissoqqissaarisarnissaq nalunaarusiortarnissarlu ilisimatusarnermillu aallaaveqartumik pisortanik siunnersuisarnissaq
- Ilisimatusarnikkut paasisat atorlugit paasititsillunilu attaveqaatigisassavai
- Ilutsinni avataaniillu suleqateqarluni ilisimatusaatigisanik ineriartortitsinissamut peqataasarnissaq
- Nunani tamalaani pitsaassutsit atorlugit ilisimatuussutsikkut ilisimalikkanik pilersitseqataasassaaq
- Ilinniartitseqataallunilu ataqatigiissaarisassaaq (sulinerup 30%iini), tamakkualu saniatigut pikkorissaanernik suleqatigiissitalianillu pilersaarusiorlunilu ingerlatsisartussaavoq, suliffeqarfinni nunatsinniittuni nunanilu tamalaani ingerlanneqartartunik suleqateqartarluni.
Piginnaasassat
Piukkussatut toqqarneqartussaq imaani uumassusilinnik suliaqartartutut ph.d’qassaaq imaluunniit Kalaallit Nunaanni uumassusillit natermiut pillugit uumassusilerituutut ilisimatusarnermik uppernarsarneqarsinnaasumik misilittagaqarnermik uppernarsaateqassaaq.
Piukkussatut naliliinissami pingaartinneqartussaapput
- Uumassusilinnik natermiunik aamma issittumi issittullu kiannerulaartortaani uumassusillit avatangiisaasalu ataqatigiinnerannik ilisimatusarnermik misilittagaqarneq pillugu allakkatigut uppernarsaateqassaaq, uumassusillit assigiinngissitaarnerat aamma silap pissusaata allanngoriartornerata kingunerisaanik immap naqqanut sunniutai ilanngullugit
- Sammisaq tunngavigalugu ilinniartitsinermik aamma ilinniartitsinermi programminik ataqatigiissaarinermik misilittagaqassaaq
- Ilisimatuussutsikkut paasisat atornissaannut, saqqummiunneqartarnissaannut paasissutissiissutiginissaannullu piginnaaneqassaaq
- Ilisimatusarfigisap aningaasalersorneqarnissaa pillugu avataanit aningaasalersuisussanik soqutiginnilersitsisinnaassaaq
- Nunani tamalaani pitsaassusaasartut nalingannik ilisimatuussutsikkut suliaqartassaaq
- Ilinniartitsisarnermut ilitsersuisarnermullu misilittagaqarnerminut uppernarsaateqassaaq, sapinngisamillu ilisimatusarfinnitulli qaffasissusilimmik imaluunniit ilisimatusarnermik ingerlatsiffiusunisulli qaffasitsigisumik, sumiiffinnukarluni ilinniartitseriaaseqarsinnaassaaq, ilinniartitsissutissallu ataqatigiissaarneqarnerinut misilittagaqassalluni.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Sukumiinerusumik paasissutissat
Atorfik pillugu sukumiinerusumik paasisaqarniaruit attavigisinnaavat immikkoortortaqarfimmi ningioq Mie Winding, miwi@natur.gl, +299 361238
Qinnuteqarnissamut killissarititaasoq: 20. februar 2025
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job