ALLAGARSIUTEQQITAQ Kalaallit Nunaanni Ilisimatusarfimmi Peqqissaanermik Pinngortitalerinermillu Ilisimatusarfimmut instituttip pisortaa

Ilisimatusarfik misilittagaqartumik tunniusimasumillu instituttip pisortassaanik pissarsiorpoq, Ilisimatusarfiup Peqqissaanermik Pinngortitalerinermillu Ilisimatusarfiani ilinniakkanik inerisaanissamut aamma ilisimatusarnermi piginnaasatigut annertusaanissamut suliatigut aqutseriaasikkullu nukittuumik ilisarnaatilimmik, instituttillu ineriartortinneqaqqinneranut ulluinnarnilu aqunneqarneranut akisussaasussamik.

Atorfiup februaarip 1-ani 2026 isumaqatigiissuteqarnikkulluunniit inuttalerneqarnissaa kissaatigineqarpoq.

Institutti – Issittup qeqqani inissisimaffeqarluni – anguniagalik

Peqqissaanermik Pinngortitalerinermillu Ilisimatusarfiup suliassatigut avatangiisai uummaarissuupput, tamatumanilu ilisimatusarneq ilinniartitaanerlu illugiisillugit ineriartortinneqarput. Instituttimi bacheloritut ilinniakkat marluk – peqqissaasutut aamma Silami uumassusilerinermik ilinniakkanik – neqerooruteqarpoq, aammattaaq nukittuumik ineriartortumik ilisimatusarnerullu silarsuaani pingaarutilittut inissisimaffeqartumik Peqqissutsimik Ilisimatusarfeqarpoq.

Ullumikkut 8-inik piffissaq tamakkerlugu sulisoqarpugut projektimilu sulialik ataaseq, arlalinnik professorinik ikiorteqarlutalu ilisimatusartuuteqarpugut. Institutti 56-nik bachelorinngornianik 1-millu ph.d.-nngorniamik ilinniartuuteqarpoq.

Instituttip pisortaatut suliassatit

Instituttip ulluinnarni aqunneqarnera aamma periusissiatigut ineriartortinneqarnera, instituttit siunnersoqatigiivi aamma pisortat qanimut suleqatiginerisigut, instituttip pisortaata pingaarnertut akisussaaffigai. Suliassanut makku ilaapput:

• Sulisoqarnermik aqutsineq – tamatumunnga ilanngullugit atorfinitsitsisarnerit soraarsitsisarnerillu
• Ilinniartitsinermi ilisimatusarmilu suliassanik pilersaarusiorneq agguaassinerlu
• Missingersuutinut ilinniakkallu aaqqissugaanerinut siunnersuusiornerit
• Ilinniakkanik aqutsineq aamma ilinniartitsinerit pitsaassusaannik qulakkeerinnittarneq
• Ilisimatusarnermik ingerlassanik siuarsaaneq aamma ilisimatusarnerup avatangiisianik ineriartortitsineq
• Sulianut aaqqissugaanernullu atatillugu pissutsit pillugit rektorimut aamma Ilinniagartuut Siunnersuisoqatigiivinut innersuussuteqartarneq

Aalajangiipallassinnaasut, kiffaanngissuseqarlutik iliorsinnaassuseqarluartut aamma suliatigut qaffasissumik innarlerniagassaanngissusillit aaqqissugaanermi peqatigilissavatit. Qanimut aamma suliassaqarfiit akimorlugit suleqatigiittarpugut, kulturilu persuarsiorfiunngitsoq aaqqiissutissarsisarnissamullu sammisoq pingaartipparput.

Ilisarnaatitit

Pisortamik aqqutissiuisinnaasumik ulluinnaallu iluamik ingerlanissaannut, inatsisillu tunngavigalugit, kiisalu suliffeqarfiup sinaakkutaanik allaffissornermilu suleriutsinik qulakkeerinnissinnaasumik pissarsiorpugut.

Ilinnut piumasaqaatit

• Peqqissutsip iluani imaluunniit pinngortitap iluani ilisimasalittut ilinniagaqaqqissimasutut tunuliaqutaqarputit, Ilisimatusarfiup ilinniartitsissutigisartagaanut naleqquttumik ph.d.-eqarlutit
• Nunatsinni nunanilu tamalaani – peqqissutsip iluani imaluunniit pinngortitap iluani ilinniakkat ilisimasaqarfigilluarpatit
• Ilinniartitsinissanik pilersaarusiornermik, ilinniakkanik sulisunillu aqutsinermik misilittagaqarputit
• Ilisimatusarnermik inerisaanermillu suliaqarneq uppernarsaatitaqartumik soqutigalugulu misilittagaqarfigaat
• Misissueqqissaarsinnaallutillu ataqatigiissaarillaqqipputit
• Ilisimatusarfittut avatangiisini mikisuni, angusaqarluarniarfiusunili, eqaassuseqarlutit sulerusussuseqarputit
• Kalaallisut, qallunaatut tuluttullu oqaatsinik piginnaasaqarneq iluaqutaangaatsiassaaq, soorluttaaq Kalaallit Nunaanni aammattaaq nunani tamalaani pissutsinik ilisimasaqarluarneq annertuumik piumasaqaatigaavut.

Piginnaasassatut piumasaqaatit

Instituttimi pisortassap ilaatigut uku uppernarsarsinnaasariaqarpai:

• Ilisimatusarnerup, ilinniartitaanerup inuiaqatigiinnillu sunniivigeqatiginnittarnerit iluanni aqutsinermik naleqquttumik misilittagaqarneq.
• Instituttip suliassaqarfiisa iluanni ilisimatusartutut akuerineqarsimaneq, tamatumunnga ilanngullugit ph.d.-tut doktoritulluunniit allagartaqarneq, kiisalu ilinniartitsinermik misilittagaqarneq.
• Sulisunik aqutsinermik misilittagaqarneq ilisimasaqarluarnerlu kiisalu aningaasaqarnikkut aqutsinermik aamma missingersuusiornermik soqutigisaqarneq.
• Aqutsitutut uppernarsakkamik misilittagaqarneq, sulisunik aqutsisimanermut aningaasaqarnermillu akisussaaffeqarsimaneq, ukiuniit 3-iniit 5-inut misilittaqagassaatit

Qinnuteqaat

Qinnuteqaammut uku ilaliunneqassapput:

Ilanngussaq 1: Curriculum Vitae, oqaaseqaatit attuumassutillit ilanngullugit.

Ilanngussaq 2: Soraarummeersimanermut uppernarsaatit.

Ilanngussaq 3: Saqqummersissimasat allattorsimaffiat.

Atorfinitsitseriaaseq

Rektorip tullersortaa siunnersuisutut ataatsimiititaliamik pilersitsissaaq, taakkualu qinnuteqaatit tiguneqartut pillugit ilisimatinneqarlutillu piukkunnaatillit sorliit oqaloqatiginissaannut aggersarneqassanersut pillugit siunnersuisarput.

Qinnuteqaat aamma attaveqarfissat

Qinnuteqarnermut tunngasut:

Qinnuteqaat, CV, soraarummeersimanermut uppernarsaatit allallu naleqquttut atorfinitsitassarsiussinermut systemerput aqqutigalugu nassiukkit – ”Qinnuteqaat nassiuguk” tooruk.

Atorfik pillugu apeqqutissaqaruit rektorip tullersortaa Mari Kleist attaviginissaanut tikilluaqqusaavutit oqarasuaammut uunga +299 282021.

Ilisimatusarfimmi suleqataalerit, – najukkami, nunatsinni nunanilu tamalaani – suliniutitit allanngueqataassapput.

Atorfinitsitaanermut atugassarititat

Atorfinitsitaaneq killissaleriikkamik ukiunik pingasunik sivisussuseqassaaq – sivitsorneqarnissaanik periarfissaqartumik.

Atorfik akissaateqarfimmi LR 38-mi maanna inissisimavoq. 1. april 2025 LR 38-mi tunngaviusumik akissarsiaq tapiillu aalajangersimasut, soraarnerusutissianullu illuartittagaq ilanngullu, sivisussusilimmik atorfinitsitsinermut tapeq ilanngullugu antterussuseqarput qaamammut Kr. 77.911 ukiumullu Kr. 934.932.

Atorfimmut atuuttoq tassaavoq, piffissap suliffiusussap qanoq annerpaatut sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngimmata, piffissap suliffiusussap sivisussusissaa aallaavittut sap. akunneranut nal. akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Atorfiniffissaq Nuummiippoq.

Ineqarneq

Atorfimmut atatillugu inissiamik innersuussisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissamut pisinnaatitaaffia attatiinnarneqassaaq. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk