Atortorissaarutinut nakkutilliisoq Ilulissani Qatserisartoqarfik

Avannaata Kommia Ilulissani Qatserisartoqarfia sullisserusussusilimmik suleqatikkuminartumillu atortorissaarutinut nakkutilliisussamik pissarsiorpoq 1. januar 2027 isumaqatigiissuteqarnikkul-luunniit atorfinittussamik.

Suliassat akisussaaffiillu:

·Qatserisartoqarfiup eqqiluittuunissaa

·Suliassat sukkulluunniit takkussuuttut

·Qatserisarfiup atortuinik misissuineq

·Atisarsuarnik errorsinerit sungiusareernerup aammalu ikuallattulerereernerup kingorna

·Qatserutinik misissuinerit kommune illuutai Ilulissat aammalu nunaqarfii tamakkerlungit Beredskabsinspektør suleqatingalungu Ilulissat nunaqarfiisa qatserutaasiviinik misissuineq

Piginnaasat kissaatigineqartut:

·Qatserisartutut ilinniarsimasoq arlaatingulluunniit ilinniarsimasoq

·Biilernemut allangartaq kategori C (lastbil)

·Oqaatsinik assingiinngittunik marlunnik atuisinnaaneq kalaallisut qallunaatullu

Pinerluuteqarsimannginnermut uppernarsaat:

Atorfinitsitsineq pissaaq pinerluuteqarsimannginnermut uppernarsaammik takutitsinermi.

Akissaatit atorfeqartitaanermullu atugassarititaasut:

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Inissaq:

Atorfimmut atatillugu inissaqartitsisoqanngilaq.

Attaveqarfissaq:

Atorfimmut annertunerusumik paasisaqarusukkuit Qatserisartoqarfik attavingiuk oqarasuaat 38 77 52 imaluunniit mail. Ilu_brand@avannaata.gl

Qinnuteqaat:

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat nassiunneqassapput Avannaata Kommuniata nittartangaa: https://avannaata.gl/kl-gl/suliffissarsiorit iserfingalungu.