Allorfik – Pinngitsuuisinnaajunnaarnermik Paasisimasaqarfik siunnersortissarsiorpoq

Paasissutissat

Atorfiup suussusaa: Allorfik – Pinngitsuuisinnaajunnaarnermik Paasisimasaqarfik siunnersortissarsiorpoq

Suliffeqarfik: Allorfik

Qinnuteqarfissamut killigititaq: 11. decemberi 2026

Attavissaq: Lars Jørgen Petersen

larpe@peqqik.gl

+299 34 1453

Kalaallit Nunaanni aanngajaarniutinik ajornartorsiuteqarnermik katsorsaanermut tunngatillugu allaffissornermik, ataqatigiissaarinermik paasissutissallu pitsaassusaannik pitsanngorsaaqataarusuppit?

Allorfik – Pinngitsuuisinnaajunnaarnermik Paasisimasaqarfik allaffissornikkut suliassat, suliassat ataqatigiissagassat aningaasaqarnermullu tunngasut isumaginissaannut tunngatillugu aaqqissuussaasumik namminersorlunilu sulisinnaasumik siunnersortissarsiorpoq.

Atorfik pillugu

Nuummi Allorfik – Pinngitsuuisinnaajunnaarnermut Paasisimasaqarfimmut ilanngutissaatit aamma pisortap tullersortaa qullersarissavat. Aqutsisut, najukkami katsorsaaviit suleqatigisartakkallu allat suleqatiginerisigut pitsaasumik ataqatigiissumillu allaffissornermut ikiuutissaatit.

Innersuussinermik, malinnaanissamik paasissutissallu pitsaasuunissaannik qulakkeerinninnissamik allaffissornikkut ataqatigiissaarineq kiisalu qaammatikkaartumik, kvartalikkaartumik ukiumoortumillu kisitsisit atorlugit nassuiaasiorneq suliassannut ilaassapput.

Tamatuma saniatigut aningaasaqarneq pillugu allaffissornermik, matumani IRIS-imi sulinermik, aningaasaqarnikkut malitseqartitsisarnermik aningaasaqarnermullu tunngatillugu sulianik allanik ingerlataqassaatit.

Pisortap tullersortaata isumaqatigiissuteqarfigineratigut allaffissornikkut suliassat assigiinngitsut suliassallu allat ataqatigiissaagassat atorfimmut ilaapput.

Pingaarnertut suliassatit

  • Allorfiup katsorsaaviinut innersuussinermi allaffissornikkut ataqatigiissaarineq malitseqartitsisarnerlu.

  • Katsorsaanermut tunngatillugu paasissutissanik nalunaarsuineq, malinnaatitsineq paasissutissallu pitsaasuunissaannik qulakkeerinninneq.

  • Qaammatikkaartumik, kvartalikkaartumik ukiumoortumillu kisitsisit atorlugit nassuiaasiorneq, nalunaarusiorneq aqutsisunullu paasissutissiineq.

  • Aningaasaqarnermik aqutsineq, matumani IRIS-imi, Acubizimi, Ledelsesinfomi sulineq kiisalu aningaasaqarneq pillugu malitseqartitsisarneq.

  • Allaffissornermi allakkiorneq, takussutissaliorneq aalajangiinermut tunngavimmik suliaqarneq.

  • Allaffissornermi suliassat, suliassat ataqatigiissaagassat suliassallu allat tungaatigut pisortap tullersortaanik ikiuineq.

  • Allaffissornermi suleriaatsinik ineriartortitsineq pitsanngorsaanerlu pillugit ikiuineq.

Naatsorsuutigaarput illit

  • Pisortani allaffissornermut, aningaasaqarnermut paasissutissanillu suliarinninnermut attuumassutilimmik ilinniagaqarsimasutit misilittagaqartutillu.

  • Kalaallisut qallunaatullu oqalussinnaallutillu allassinnaasutit.

  • Kalaallit Nunaanni Namminersorlutik Oqartussani IT-systemit, matumani IRIS, Acubiz aamma Ledelsesinfo ilisimallugillu misilittagaqarfigigitit.

  • IT-mut tunngatillugu piginnaasaqarluartutit, matumani Microsoft Officemik, pingaartumik Excelimik misilittagaqartutit.

  • Namminersorlutit, aaqqissuussaasumik akisussaassuseqartumillu sulisinnaasutit.

  • Misissueqqissaarsinnaassuseqarluartutit aamma paasissutissat kisitsisit atorlugit nassuiaasiorfigisinnaagitit nalunaarusiorsinnaasutillu.

  • Suleqatiginnissinnaassuseqarluarlutillu attaveqateqallaqqittutit kiisalu ulluinnarni ulapaarfiusuni tamakkiisumik takunnissinnaassuseqartutit.

  • Allanut tusarliuteqqusaanngitsut aamma inuit pillugit paasissutissanik eqqortumik suliaqarnissaq paasisimasaqarfigigitit.

Peqqissutsimut aanngajaarniutinillu katsorsaanermut tunngasut ilisimasaqarfigigukkit iluaqutaassaaq.

Neqeroorutigisavut

Atorfik tamatigoortoq annertuumillu akisussaaffeqarfiusoq, aamma suleqatit tunniusimasut ikioqatigiittullu akornanni suliffiusoq aamma Allorfiup katsorsaaviinik qanimut suleqatiginniffiusoq.

Aanngajaarniutinut tunngatillugu allaffissornikkut suleriaatsinik, aningaasaqarnermik aqutsinermik paasissutissallu pitsaassusaanik ineriartortitsinermut tunngatillugu ikiuunnissamut periarfissaqassaatit.

Allorfik pillugu

Allorfik 2016-imi pilersinneqarpoq aamma inersimasunut imigassamik, ikiaroornartumik, aanngajaarniutinilluunniit allanik aningaasanoorajunnermillu ajornartorsiutilinnik akeqanngitsumik katsorsaanissamut neqerooruteqartarpoq.

Allorfik nunap immikkoortuani tallimanik - Ilulissani, Aasianni, Sisimiuni, Nuummi Qaqortumilu -katsorsaaveqarpoq kiisalu Nuummi Pinngitsuuisinnaannginnermik Paasisimasaqarfimmik peqarpoq. Tamatuma saniatigut Kalaallit Nunaat tamakkerlugu katsorsaanissamut neqeroorutit qulakkeerniarlugit Allorfik katsorsaasunik avataaniittunik suleqateqartarpoq.

Pinngitsuuisinnaajunnaarnermik Paasisimasaqarfik ataatsimut isigalugu katsorsaanermut tunngatillugu innersuussissutinik, nakkutiginninnermik, nalilersuinermik pitsaassutsimillu ineriartortitsinermik ataqatigiissaarinermik isumaginnittuuvoq. Tamatuma saniatigut Allorfik siunnersuinissamik, qanigisaasut katsorsarnissaanik katsorsartereernerullu kingorna neqeroorutinik neqerooruteqartarpoq.

Qinnuteqaat

Qinnuteqaat, ilanngussat attuumassutillit assilineri ilanngullugit "qinnuteqaat nassiuguk" toorlugu nassiutikkit.

Atorfik pillugu paasissutissat sukumiinerusut Lars Jørgen Petersenimut, tlf. 341453 imaluunniit e-mailimut larpe@peqqik.gl attaveqarnikkut pissarsiarineqarsinnaapput.

Atorfiniffissaq: 1. januaari 2027 isumaqatigiissuteqarnikkulluunniit.

Qinnuteqarnissamut killigitinneqartoq: 11. decembari 2026 nal. 12.00.

Atorfinitsitsinissaq pillugu oqaloqatiginninnerit ingerlaavartumik ingerlanneqarumaarput.

Akissarsiatigut atorfeqarnermilu atugassarititaasut

Akissarsiat atorfeqarnermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.

Qinnuteqartoq uppernarsarneqarsinnaasunik eqqortunik piginnaasaqaruni isumaqatigiissutit atuuttut naapertorlugit immikkut siunnersortitut, siunnersortit pisortaattut siunnersortaanertulluunniit atorfinitsitsisoqarsinnaavoq.

Ineqarneq

Atorfimmut atatillugu sulisunut inissiamik innersuussisoqanngilaq. Qinnuteqartoq Namminersorlutik Oqartussani atorfeqarnermini atorfimmut atatillugu ineqareersimappat sulisunut atatillugu ineqarsinnaatitaanini attatiinnassavaa. Atorfimmut atatillugu ini atorfeqarnermut tunngavoq, taamaalillunilu atorfeqarnerup unitsinnerani qimanneqassalluni.

Powered by Labrador CMS