Allorfik Qeqqa erninermut atatillugu sulinngiffeqartumut qaammatini qulini katsorsaasutut taartaasussamik pissarsiorpoq

Allorfik Qeqqa erninermut atatillugu sulinngiffeqartumut, 2026-imi marsip ulluisa aallaqqaataanniit immikulluunniit isumaqatigiissuteqarnikkut, qaammatini qulini taartaasussamik pissarsiorpoq.

Qaffasissumik akunnattumik sivisussusilimmik, soorlu ilinniartitsisutut, perorsaasutut imal. inunnik isumaginninnermi siunnersortitut ilinniagaqarsimanissat naatsorsuutigaarput.

Allorfimmi katsorsaariaaseq oqaloqatigiinnermik kajumilersitsisumik, eqqarsaatit, misigissutsit pissusilersorneq timillu oqariartuutaasa imminnut sunneeqatigiittarnerannik tunngaveqarpoq.

Taartaasagaanni aanngajaarniutinik ajornartorsiutilinnik katsorsaasutut ilinniarsimaneq imal. tarnikkut katsorsaasutut ilinniarsimaneq piumasaqaataavoq.

Katsorsaasutut ilaatigut makku piumasaqaataapput:

• Oqaloqatigiinneq kajumilersitsisoq tunngavigalugu katsorsartinnissamut kajumilersitsisinnaaneq

• Inuttaasunik, imigassamik, hashimik aningaasanoornermillu ajornartorsiutilinnik katsorsaaneq siunnersuinerlu

• Qanigisaasunut katsorsartereernermi neqeroorut ilinniartitsinerlu

• Qulaajaalluni oqaloqateqarneq nunalu tamakkerlugu atornerluineq pillugu ilisimasanik katersivimmut nalunaarutiginninneq

• Katsorsartereernermi neqeroorummut ajornartorsiutinullu katsorsartinnissamut akornutaasunut tunngatillugu, kommunimik suleqateqarneq

• Allorfimmi neqeroorut periutsigullu pillugit ilinniartitsineq

Naatsorsuutigaarput

• Katsorsaaneq ilinniagaqassutsikkut soqutigisarissagit

• Inuttut inissaqartitsillutillu pitsaasuunissat

• Innuttaasunik qitiutitsisinnaanissat

• Namminersorlutit sulisinnaanissat akisussaaffimmillu tigusisinnaanissat

• Ullormut pisussanik ataqatigiissaarillaqqissuunissat

• Pinngitsuuisinnaajunnaarnermut tunngatillugu qaffasinnerusumik ilinniartuarnissamik kissaateqarnissat

• Ilinniakkat akimorlugit suleqatigiinnermik allanillu ilinniagalinnik ilinniartitsinissamik soqutigisaqarnissat

• Nutaanik- periutsitsinnillu ilinniarnissamik soqutigisaqarnissat

Katsorsaaneq kalaallisuinnangajak ingerlanneqassaaq.

Qinnuteqarfissaq kingulleq: 28. januar 2026

Atorfik pillugu attavigisinnaasat:

Allorfiup pisortaa Efa Olsen, oqarasuaat: +299 34 14 52, imal. maili: efol@peqqik.gl, /imal. Allorfik Qeqqani eqimattanik aqutsisoq Tukummeq Egede Lynge, oqarasuaat: +299 34 14 81, imal. maili: tuel@peqqik.gl

Allorfik pillugu paasissutisat nittartakkakkut: www.allorfik.gl pissarsiarineqarsinnaapput.

Meeqqanik pinerliisimannginnermut pinerlussimannginnermullu uppernarsaat

Pinerlussimannginnermut meeqqanillu pinerliisimannginnermut uppernarsaammik nutaamik nammineq nassataqanngikkaanni, akuersiteqqaarlutit pissarsiniartoqarnissaa naatsorsuutigineqassaaq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk