Aningaasaateqarfimmut Sisorarfinnut aamma Nuummi ukiukkut aasakkullu sukisaarsartarfimmut ingerlatsinermi aqutsisoq

Aningaasaateqarfimmik Sisorarfinnik ingerlatsinermi ineriartortitsinermilu siuttoorusuppit?

Inuit aqqutigalugit angusaqarsinnaasumik tamatumalu peqatigisaanik Nuummi ukiukkut aasakkullu sukisaarsarnermi atortorissaarutit ineriartortinnissaannik ingerlatsisinnaasumik, Aningaasaateqarfik Sisorarfiit tunniusimasumik saqqumisumillu Ingerlatsinermi aqutsisussarsiorpoq.

Ingerlatsinermi aqutsisutut ingerlatsinermut, sulisunut aamma Aningaasaateqarfimmik sisorarfinnik pingaarnertut akisussaaffeqassaatit, tassunga ilanngullugit sisorarfiit, ujakkaarutinut illiniliornerit, sisorartunut majuartaat, ivigaasat atortorissaarutillu.

Pingaarnertut suliassatit

• Sulisunik aqutsineq, suleqatinik kajumissaarineq ineriartortitsinerlu

• Atugarissaarnermik, suleqatigiinnermik, suliamik nuannarinninnermik suliffeqarfimmilu ataatsimut siunnerfeqarnissamik qulakkeerinninneq

• Missingersuusiornermut aningaasaqarnermullu akisussaaffik kiisalu siulersuisunut nalunaarusiorneq

• Sisorarfimmik atortorissaarutinillu ingerlatsinerup isumannaatsuunissaanut ingerlalluarnissaanullu akisussaaffik

• Aningaasaateqarfimmik Sisorarfinnik aaqqissuussaasumik ineriartortitsinermik ingerlatsineq periarfissanillu nutaanik paasiniaaneq

• Peqatigiiffinnik, klubbinik, atuisunik soqutigisaqartunillu allanik suleqateqarnermik ineriartortitsineq

Illit ujartorpatsigit

• Sulisunik suleqatigiinnillu aqutsinermik misilittagalik

• aqutsisoq saqqumisoq peqataalluartorlu, kajumissuseqalersitsisoq aallussilertitsisorlu

• Attaveqarnermik suleqateqarnermillu pikkoriffilik

• Isumassarsianik piviusunngortitsisinnaasoq angusaqartartorlu

• Aningaasaqarnermut, pilersaarusiornermut ingerlatsinermullu paasisimasalik

Timersornermut, sunngiffimmut imaluunniit kultureqarnermut tunngatillugu misilittagaqarneq iluaqutaassaaq, piumasaqaataanngilarli.

Neqeroorutigaavut

• Aqutsisutut atorfik soqutiginartoq tamatigoortorlu akisussaaffeqarluni annertuumik kiffaanngissuseqarfiusoq

• Kalaallit Nunaanni sisorarfimmik sunngiffimmilu ornittakkamik annerpaamik ineriartortitsinermut sunniuteqarnissamut periarfissaq

• Kalaallit Nunaanni pinngortitami suliffimmi avatangiisit immikkuullarissut

• Suleqatit suleqatigisartakkallu tunniusimasut

• Piginnaasat malillugit akissarsiatigut atorfinitsititaanermilu atugassarititaasut

Qinnuteqaat

Atorfik pillugu apeqqutissaqaruit Siulersuisuni siulittaasup Peter Oluf Meyerip mailikkut p@pomeyer.gl-imut attaviginissaanut tikilluaqqusaavutit

Kingusinnerpaamik sapaat ulloq 23. august 2026 qinnuteqaatit aamma CV nassiutikkit.

Isumaqatigiissutit malillugit atorfinitsitsisoqassaaq. Ingerlaavartumik oqaloqatiginnittassaagut aamma piukkunnartumik nassaarutta atorfiup inuttalernissaanut imminut pisinnaatippugut.

Tusarfiginissannut qilanaarpugut😊.