Aningaasaqarnermut immikkoortortaq seniorrådgiverimik pissarsiorpoq

Suliffimmut Kiffartuussivimmi aningaasaqarnermut immikkoortortaq seniorrådgiverimik pissarsiorpoq

Kommuneqarfik Sermersooq Suliffeqarfimmut Kiffartuussivimmi Aningaasaqarnermut immikkoortortami seniorrådgiverimik isumaqatigiissuteqareernikkut atorfinittussamik pissarsiorpoq.

Aningaasaqarnermut immikkoortortami seniorrådgiveritut suliassat kommunip aningaasaqarnermut aqutsineranut pitsanngorsaanermut ingerlatitseqqiinermut attuumassuteqassapput. Kommunimi aningaasaqarnermi ingerlaavartumik nalimmassaanermi ineriartortitsinermilu peqataaneq. Kommunimi ingerlatsiviit allat suleqatigalugit suleriutsinik misissuinermi malitseqartitsinermi pitsanngorsaanermilu peqataaneq.

Naatsorsuutigineqarpoq suleqatigiligassagut aningaasaqarnermut immikkoortortaqarfimmi sulisooreersut sungiussilluarsimasut nuannersumillu periaasillit peqatigalugit suli pitsanngorsaaffiginissaanut suleqataassasut.

Atorfiup imarai:Ulluinnarni suliassat makkuupput:

∙Suleriaatsinik nassuiaasiornermut peqataaneq

∙Ingerlatsivimmut tunngasunik siunersioqatigiinneq siunnersuinerlu

∙Suliffeqarfiup iluani nakkutigisassanik ingerlaavartumik misissuisarneq

∙Illup iluani allanilu kukkunersiuineq

∙Ilinniartitaaneq

∙Suliassat takkussuuttut

Qinnuteqartumut naatsorsuutigineqartut:

∙Atorfimmut assingusunik misilittagaqarneq

∙Kommuneqarfik Sermersuumik ilisimasaqarneq iluaqutaassaaq, piumasaqaataananili

∙Suliassanut nutaanut suliniutinullu ajunngitsumik isumaqarnissat

∙Kiffartuussinissamut paasisimasaqarnissaq

∙Kommunimi pissutsinut ilisimasaqarnissaq iluaqutaassaaq taamaattorli piumasaqaataanani

∙Microsoft Dynamics AX ilisimasaqarnissaq iluaqutaassaaq taamaattorli piumasaqaataanani

Tamatuma saniatigut pingaartipparput, illit:

∙Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat

∙Tamakkiisumik takunnissinnaalluni ataatsikkut arlalinnik suliaqarsinnaasoq

∙Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq

∙Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasoq

∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙Siammasissumik suleqateqarluarsinnaasoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

∙Piffissaliussat malinneqarnissaanik pingaartitsisoq

Neqeroorutigivagut:

Suliffik unammilligassaqarfiusoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartipparput patajaatsumik suliassanut suliffimmullu pulatikkiartortinneqarneq, pimoorupparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartinneqarnerat.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Dorthea Olsen Rasmussen, oqarasuaat +299 36 70 54 imaluunniit e-mail: door@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 238-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 24.-at, 2026