Aningaasaqarnermut Inuussutissarsiornermut pisortaq

Avannaata Kommunia Aningaasaqarnermut Inuussutissarsiornermullu pisortamik pissarsiorpoq. Atorfik 1. oktober 2026-mi imaluunniit isumaqatigiissuteqarnikkut inuttalerneqarnissaa kissaatigineqarpoq.

Kommunip Ilulissani qitiusumik allaffeqarfiani suliffeqassaatit, tassanilu kommunaldirektøri qaninnertut pisortarissavat.

Kommunip aningaasaqarnikkut aqutsineranut siuttuusinnaasumik, peqatigitillugulu inuussutissarsiornikkut ineriartortitsinermut siuariartornermullu peqataasinnaasumik pisortassarsiorpugut.

Pisortatut kommunip qullersaqarfiata aqutsisuinut ilaalissaatit, aningaasaqarnikkullu akisussaassuseqartumik ingerlatsineq qulakkeertussaallugu kiisalu inuussutissarsiornikkut namminersortut, innuttaasut, qinikkat aammalu avataaneersut suleqatigisartakkat peqatigalugit suleqatigiinneq nukittooq ineriartortillugulu pilersissallugu.

Atorfimmi akisussaaffiit pingaarnertullu suliassat:

• Kommunip aningaasaqarnermut ingerlatsinerani suliassat ataatsimut akisussaaffigissavai, tassunga ilanngullugit naatsorsuutit, akissarsiat, missingersuutit aningaasalersuinerlu, pingaartumik siunissamut sammisunik aningaasaqarnikkut misissueqqissaarnerit.

• Kommunip sillimmasiissutaanut tunngasut akisussaaffigissavai.

• Inuussutissarsiornermut immikkoortortaqarfik akisussaaffigissavaa.

• Politikkikkut ingerlatsinermut tapersiineq:

• Aningaasaqarnermut ataatsimiititaliamut kommunalbestyrelsimullu aningaasaqarnikkut killiffimmik, missingersuutinut missingersuutillu iluarsineqarnerinut inassuteqaatinik suliarinninneq.

• Misissueqqissaarnernik, kingunerisassanik naatsorsuinernik siunissamullu missingersuutinik suliarinninneq.

• Aningaasaqarnermut ataatsimiititaliap kommunalbestyrelsillu ataatsimiinnerini tilforordnetitut peqataasarneq.

• Aqutsinermut tunngasunut suleqataaneq:

• Pingaartumik siunissamut sammisumik, suliassaqarfiit assigiinngitsut akimorlugit aningaasaqarnikkut misissueqqissaarnerit kommunillu aningaasaqarnerata aqunneqarnera akisussaaffigissallugu.

• Kommunip karsimut naatsorsuutinullu malittarisassiaata malinneqarnissaa ingerlaavartumillu nutarterneqarnissaa akisussaaffigissallugu.

• Aningaasaqarnermut tunngasuni aqutsinermi sakkussanik ineriartortitsineq, qitiusumi immikkoortortanit immikkoortortanillu siammarsimasunit atorneqarsinnaasunik.

• Kommunip allaffissornikkut systemiinik kommunip pisariaqartitaanut naleqquttuunissaannik qulakkeerinninneq.

• Missingersuummi pisariaqartitat eqqarsaatigalugit aningaasat ingerlaavartumik atorneqarsinnaasut pigineqarnissaat qulakkiissallugu, tassunga ilanngullugu qaffasissutsit tamaasa eqqarsaatigalugit suleqatigiinnerup isumaginissaa.

Suliamut tunngatillugu piginnaasat:

• Aningaasaqarnermut tunngasumik qaffasinnerusumik naleqquttumik ilinniagaqarsimaneq,

• Missingersuusiorneq, naatsorsuutit, aningaasaqarnermik aqutsineq aamma nakkutiginninneq pillugit annertuumik ilisimasaqarneq,

• Aningaasaqarnikkut aarlerinaatinik aqutsineq, aningaasalersuineq periusissiornermilu aningaasaqarnikkut pilersaarusiorneq pillugit misilittagaqarneq,

• Inuussutissarsiornermik ineriartortitsineq, takornariaqarneq inuussutissarsiortullu pisariaqartitaat pillugit ilisimasaqarneq,

• Pisortat ingerlatsinerat pillugu paasisimasaqarluarneq,

• Kalaallit Nunaanni inatsisit attuumassuteqartut politikkikkullu sullissineq pillugit ilisimasaqarneq.

Aqutsisutut misilittakkat piumasaqaatillu:

• Sulisunik aqutsinermik aqutsisunillu aqutsinermik ukiuni arlalinni misilittagaqarnissaq kissaatiginarpoq,

• Suliffeqarfiup iluani immikkoortortat akimorlugit suleqatigiinnikkut angusaqartitsisinnaaneq,

• Pisortaqatigiinnik, siulersuisunik politikkikkullu ataatsimiititalianik suleqateqarnermik misilittagaqarneq iluaqutaassaaq,

• Avammut namminerlu suliffeqarfiup iluani attaveqaqatigiinnermik pitsaasunik piginnaasaqarneq,

• Qaffasissutsit tamaasa akimorlugit suleqatiginnissinnaaneq,

• Kalaallisut, qallunaatut tuluttullu atuisinnaaneq iluaqutaassaaq,

• Kulturimik inunnillu paasinninneq, tassunga ilanngullugit inuiaqatigiinni oqaatsit arlariit atorneqartillugit immikkut pissutsit atuuttut eqqumaffiginerat.

• Kalaallit Nunaanni pissutsinik ilisimasaqarneq, pingaartumik Avannaani Kalaallit Nunaanni pissutsinik, nunaqarfiit mikinerusut 21-it illoqarfiillu sisamat eqqarsaatigalugit, najugaqarfiit siammarsimanerata immikkut unammilligassartai pillugit ilisimasaqarnissamik pisariaqartitsiviusunik.

Akissarsiat atorfeqarnermilu atugassarititaasut:

Akissarsiat atorfeqartitaanermilu atugassarititaasut atorfininnerup nalaani Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu pissapput.

Atorfimmut atatillugu sulisunut inissiamik innersuussisoqarsinnaavoq, atorfininnermi soraarnermilu angalaneq kiisalu pequtit nuunneqarnerat malittarisassat atuuttut naapertorlugit pissallutik. Sulisunut inissiaq pissarsiarineqarsinnaalernissaata tungaanut kommuni inissiami pequtilimmi utaqqiisaasumik ineqartitsissaaq.

Atorfik pillugu paasissutissat amerlanerit pissarsiarineqarsinnaapput kommunaldirektøri Nick Nielsenimut saaffiginninnikkut, oqarasuaat 38 76 05 imaluunniit mailikkut: nick@avannaata.gl , imaluunniit HR-imut akissarsialerinermullu fagchefi Elin Andersenimut saaffiginninnikkut, oqarasuaat 38 77 14 imaluunniit mailikkut: elan@avannaata.gl

Qinnuteqaat ilinniagaqarsimanermut uppernarsaatit, CV kiisalu suliffinnit siusinnerusunit oqaaseqaatit ilanngullugit Avannaata Kommuniata nittartagaatigut ”atorfik una qinnuteqarfigiuk”

Qinnuteqarnissamut killissarititaasoq: aggustip 23.-at, 2026