Inatsisilerinermut silassorippit,
misissueqqissaarnermut piginnaasaqarpit, allanngerusussuseqarlutillu?
INI-mi attartortitsinermut immikkoortortaqarfitsinnut
siunnersortissarsiorpugut –inatsisilerinermut, misissueqqissaarnermut
ineriartortitsinermullu qitiusumik inissisimasussamik. Suliffeqarfimmi
inuiaqatigiinnut annertuumik naleqarnerulersitsisartumi
pingaarutilittut inissisimallutit, aalajangiiniarnernut qanimut
suleqataallutit, ilaatigut inatsisilerinermik, misissueqqissaarnermik,
ineriartortitsinermik digitaalinngorsaanermillu suliaqassaatit.
INI Namminersorlutik Oqartussat kommuunillu arlallit
inissiaataannik aqutsisuuvoq. Aqutsinermi pitsaassuseq, suleqatigiinneq,
mikisualunnik isumaliutiginnissinnaaneq pisariaqarput. Taamaattumik
sulisussarsiorpugut, inatsisilerinermik ilisimasat aallaavigalugit
aaqqiissuteqarsinnaasumik.
Atorfik pillugu Siunnersortitut attartortitsinermut
immikkoortortaqarfitsinni pingaarutilittut inissisimallutit, suliassat
inatsisilerinermut misissueqqissaarnermullu tunngasut akisussaaffigissavatit.
Pitsaassutsimik qulakkeerinninnermik suliaqarnermi, ineriartortitsinermi
suliatsinnillu digitaalinngorsaanermi qitiusutut inissisimassaatit. Inissianik
piginnittunut attaveqartartuullutillu, Ineqarneq pillugu Maalaaruteqarfimmiit
suliassanut tunngatillugu siunnersuisarlutit, ineriartortitseqataallutillu
suliassanik pisariillisaaqataassaatit.
Suliariumaagassatit
soorlu makkuussapput:
- Suliassat allakkallu inatsisilerinermut tunngasut suliarilluagaaneranik qulakkeerinninneq
- Inatsit atuuttut malinneqarnerinik qulakkeerinninneq, soorlu ingerlatsinermut inatsit attartornermullu inatsit
- Aalajangiiniarnerni atugassanik misissueqqissaarnerit nalunaarusiornerlu
- Suliffeqarfik qanimut suleqatigalugu ingerlariaatsinik suleriaatsinillu ineriartortitsineq
- Inissianik piginnittunut attaveqaqatigiinneq, Ineqarneq pillugu Maalaaruteqarfimmiit suliassani siunnersuineq
- Suliffeqarfiup iluani inatsisilerinermut tunngasunik aalajangiinernillu akunniliuulluni sulissussineq
- Systeminik allannguinermut digitaalinngorsaanermullu akisussaaffeqarneq
- Attartortitsinermut pisortarlu siunersiueqatigiinneq
- Eqqartuussinernut peqataaneq
- Allamik konto-liinerit Unik-imilu suliaqarneq
- Suliarinasuarneqarsinnaasut allat
Naatsorsuutigaarput:
- Inatsisilerinermut misissueqqissaarnermullu piginnaasaqarluarnissat
- Inatsisinik atuuttunik misilittagaqarnissat, ingerlatsinermut inatsit attartornermullu inatsit ilanngullugit
- Nammineersullaqqissoq, akisussaassuseqarluartoq, ujartuisoq – ulluni tamatigoortuni iluarusuttoq
- Namminersullaqqillutillu suleqateqallaqqipputit
- Suliassanik pisariusunik suliaqarneq sungiusimavat, paasissutissanillu inatsisilerinermut tunngasunik erseqqissumik paasiuminartumillu oqariartuuteqallaqqipputit
- Suleqateqallaqqillutillu oqaloqatiginnillaqqipputit, malittarisassanillu paasiuminaassinnaasunik paasiuminarsaallaqqipputit
- Kalaallisut danskisullu allallaqqissuullutillu oqallorissuuvutit.
Neqeroorutigaagut:
- Suliffeqarfimmi inuiaqatigiinnut annertuumik naleqarnerulersitsisartumi atorfik
- Atorfik inatsisilerinermik, ineriartortisinermik, digitaalinngorsaanermik angusaqarluarnermillu imalik
- Suliassaqarfiit akimorlugit pimoorussilluni suleqatigiinneq
- Suliassat allanngorartut inatsisilerinermut misissueqqissaarnermullu tunngasut
- Sulianut sunniuteqaqataanissamut pitsannguutinillu ataavartunik atulersitsinissamut periarfissat
- Ulluinnaat akisussaanermik, unamminartunik ilikkarnermillu inissaqartitsisut
Suliffeqarfik
pilerinartoq
Ataavartumik
suliffeqarfitsinni pilerinarsaaruteqartarpugut, soorlu immikkut
sulinngiffeqarfissiilluta, qasujaallisarnernut peqqinnissakkullu
sillimasiinernut tapiissuteqartarluta.
2025-mi
piareersaatitut sammivarput sulinermik sivikillisaanissarput, sap. ak.
sulisarnissaq akunnerit 37-iinnanngorlutik.
INI-mi
piginnaanngorsaanissanut ukkissisorujussuuvugut pimoorussilluta taamaattumik
neqeroorutigaarput suliffeqarfik sulinikkut inuttullu ineriartornissamut
periarfissiisoq.
Suliffeqarfik
neqerooruterput sulisoqarpoq suliffimminnik iluarisimaarinnittunik. Sulisutta
akornanni nuannersumik silaannaqarnissaa pingaartipparput akimortumillu
suleqatigiittoqarluartarnissaa.
Naleqartitagut
ukkassagut: Akisussaaffeqarneq, pimoorussisuunissaq, ataqqinnittuunissaq,
pikkorissuunissaq.
Atorfeqarnernermi atugassarititat:
Akissarsiaqarnissat
atorfeqartinneqarnissallu piginnaanernik aallaavilimmik
aaliangersaaffigineqassaaq. Atorfimmut atatillugu sulisunut inissiamik
innersuussisoqarsinnaanngilaq.
Atorfiniffissaq:
Decembarip aallaqqaataat
immikkulluunniit isumaqatigiissuteqarluta.
Atorfik
soqutigigaajuk?
Atorfik pillugu
paasisaqarnerorusukkuit Attartortitsinermut pisortaq Sara Lyberth attavigiuk
oqarasuaat +299 48 27 45-kkut mail-ianulluunniit allaffigiuk uunga: sly@ini.gl
CV ilanngullugu qinnuteqarit
uppernarsaatit allat attuumassuteqarsinnaasut ilanngullugit
pinerlussimannginnermullu allagartaq ilanngullugu mailikkut allakatigulluunniit
nassiutikkit kingusinnerpaamik oktobarip
aallaqqaataat 2025.
Qinnuteqartut
ingerlaavartumik oqaloqatigisassavagut, kingusinnerpaamilli sapaatip akunnera
41-mi.
Qilanaarpugut tusarfiginissarnut.
INI
Sulisoqarnermut immikkoortortaqarfik
Postboks 1020
3911 Sisimiut
E-mail: job@ini.gl
Fakta
Atorfiup suussusaa:
Suliffeqarfik:
Qinnuteqarfissamut killigititaq:
Attavissaq:
Fakta
Atorfiup suussusaa: Konsulenti
Suliffeqarfik: INI
Qinnuteqarfissamut killigititaq: 1. oktober. 2025
Attavissaq: Isertaasup pisortaa Sara Lyberth oqarasuaatikkut +299 48 27 45 imaluunniit emailikkut sly@ini.gl
