Attaveqaqatigiinnermut nittarsaassinermullu siunnersorti

Inoqatinut attaveqaatit assitigullu attaveqaqatigiinneq nukittuffigivigit?

Royal Arctic Linep ilisarnaataanik nukittorsaaqataarusuppit suliffeqarfippullu, sulisut inuiaqatigiinnilu atuuffigisarput pillugu oqaluttuanik nuannersunik suliaqarusullutit?
Taava immaqa illerpiaq tassaavutit inoqatinut attaveqaatit akisussaaffigalugit Attaveqaqatigiinnermut nittarsaassinermullu siunnersortitaassarput.

Kikkuuvugut?

Royal Arctic Line suliffeqarfiuvoq Nunatsinni ulluinnarni inuunermut pingaaruteqarluartoq. Nassiussanik isumannaatsumik sunniuteqarluartumillu assartuinissaq qulakkeertarparput – Nunattalu atassusernissaanut qitiusumik inissisimalluta.

Inunnik periarfissanillu tapersersuivugut. Taamaattumillu ilinniartitaanermut piginnaanngorsaanermullu siunnerfilimmik tapersersuisarpugut inuusuttut misilittagaqareersullu siuariartortikkumallugit – suliatigut inuttullu.

Attaveqaqatigiinneq periusissiatsinnut pingaarutilimmik ilaavoq. Attaveqaqatigiinnermik suleqatigiit aqutsisut aaqqissuussaanerlu qanittumik suleqatigalugit ilisarnaatitta nukittorsarnissaanik, saqquminerulernissatsinnik aammalu sulisutta avatitsinniittullu peqataatinnissaannik suliaqarput.

Inoqatinut attaveqaatitsinnik kivitsisinnaasumik sullitatsinnullu qaninnerulersitsisumik oqaluttualiorsinnaasumik maanna ujartuivugut.

Atorfik pillugu

Inoqatinut attaveqaatit akisussaaffigalugit Attaveqaqatigiinnermut nittarsaassinermullu siunnersortitut Royal Arctic Linep ersarissuunissaa attaveqaatinilu digitaliusuni saqquminerata nukittorsarnissaa suleqataaffigissavat.

Inoqatinut attaveqaatit pillugit periusissiatta ineriartortinnissaa ingerlanneqarnissaalu akisussaaffigissavat – imarisassanik peqataatitsisunik suliaqarneq ukkataralugu, ilisarnaatitsinnut ikorfartuisumik, sulisussanik nutaanik pilerisaarisinnaasumik aammalu sullivittut suliffeqarfittullu kikkuunitsinnik takutitsisumik.

Akisussaaffeqarfigisassatit pingaarnerit tassaapput

• Royal Arctic Linep inoqatinut attaveqaatit pillugit periusissiassaanik suliaqarneq atulersitsinerlu

• Attaveqaatini tamani assitigut attaveqaqatigiinnikkullu assigiissaakkamik periaaseqarnissap qulakkeernissaa

• Imarisassanik peqataatitsisunik suliaqarneq saqqummersitsinerlu – allaaserisat, assit videullu

• Employer brandingimut imarisassanik ineriartortitsineq ingerlatsinerlu, sulisut sulinermilu kulturi ukkataralugit

• Saaffiginiakkat pissusilersuutaannik nakkutiginninneq misissueqqissaarnerlu taakkulu najoqqutaralugit imarisatigut pitsanngorsaaneq

• Nittarsaassinermut periusissiamik atortussanillu suliaqarneq malinnaatitsinerlu

• Atugaanerusut malinnaaffigissavatit isumassarsianillu nutaanik siunnersuuteqartarlutit

Kinaavit?

Alapernaatsumik nassaassarsiullaqqissumillu suleqatissarsiorpugut, suliffeqarfimmi inuiaqatigiinnut annertuumik sunniuteqartumi inoqatinut attaveqaatinik attaveqaqatigiinnermillu suliaqarnissaminut kajumissuseqartumik.

Takorloorparput:

• Attaveqaqatigiinnerup, tusagassiuutit, nittarsaassinerup assingusulluunniit iluani tunuliaqutaqartutit

• Inoqatinut attaveqaatit aamma digitalitigut imarisassat misilittagaqarfigigitit

• Kalaallisut danskisullu attaveqateqarsinnaavutit – iluassaarlu aamma tuluttut

• SoMe-mut toqqammaviit teknikkikkut paasisimasaqarfigivatit digitalitigullu suut sunniuteqarluarnersut ilisimasaqarfigalugu

• Namminersorlutit sulisinnaavutit namminerlu aallarniiniartuullutit

• Nittarsaassinermik, ilusilersuinermik saaffiginiakkallu pisariaqartitaannik tappiffigisaqarputit

Neqeroorutigisinnaasagut

Royal Arctic Linemi soqutiginartumik atorfittaassaatit suliarisartakkatit allanngueqataasassallutik – sulisutsinnut aammalu inuiaqatigiinnut atassuteqarnitsinnut:

• Aaqqissuussaaneq allanngorartoq tunniusimasunik suleqateqarfiusoq pissanganartunillu unammilligassaqarfiusoq.

• Akissarsiat unammillersinnaasut, piginnaasannut naapertuuttut.

• Inuttut suliatigullu ineriartornissamut periarfissat pitsaasut.

Suleqataalernissamut piareersimavit?

Atorfik pillugu paasisaqarnerorusukkuit Attaveqatigiinnermut Nittarsaassinermullu aqutsisoq, Ann-Britta A. Olsvig oqarasuaatikkut 34 91 04-mut imaluunniit emailikkut abr@ral.gl-imut saaffigineqarsinnaavoq.

Atorfininneq: piaarnerpaamik, eqqortulli atorfinitsinnissaa salliutinneqassaaq

Qinnuteqaatit: ingerlaavartumik suliarineqassapput

Oqaloqatiginninnerit: ingerlaavartumik oqaloqatiginnittoqartassaaq