Atuisunut ikiorti

GrønlandsBANKEN Nuummi immikkoortortaqarfitsinni sullitanik kiffartuussisussanik marlunnik pissarsiorpoq.

Attaveqatigiinneq pikkoriffigaajuk? Sullissilluarnissarlu anersaaqarfigaajuk?
Taava GrønlandsBANKENip Nuummi immikkoortortaqarfianni kundeservicetaani suleqataanissamut periarfissaqarputit.
Kundeservice Nuummi immikkoortortaqarfimmi sullitanut ilassinninnerit sullissinerillu ilaatigut isumagisarpaat.

Suliffik pillugu

Ulluinnatit pissanganarlutillu allanngorassapput, ullunik marlunnik assigiittoqanngilaq.
GrønlandsBANKENimi kundeservicemi sullitat oqarasuaatikkut aamma digitalimik saaffiginnissutai akisarpagut.
Suliassatit ilaatigut ukuusinnaapput, sullitap ulluinnarni aningaasaqarnermut apeqqutai akillugut, aningaaseriviup imminut sullinnissamut nioqqutai qanoq atussanerlugit nassuiaaneq, sullitallu atorfissaqartitaanik qulaajaaneq.
Kundeservicemi pikkornnerulernissaq ukkatariuaannarparput sullissinittalu pitsaassusaa qaffakkusuttuarlugu.

Naatsorsuutigaarput:

• Allaffimmiutut attuumassutilimmilluunniit ilinniagaqassasutit

• Nammineq sulinnaanissat aammattaarlu suleqateqarlutit sulisinnaanissat 

• Sullitat inuinnaat assigiinngitsorpassuit attaveqaqatigilluarsinnaagitit 

• Sullissilluarnissaq misilittagaqarfigalugulu kajumigigit

• Suliassat assigiinngitsut allanngorartullu suliarissallugit iluarisimaaritit

• Sulianut aalajaatsuusutit peqqissaartuusutillu Kalaallisut qallunaatullu oqalussinnaasutit

 Neqeroorutigaarput:

Aningaaserivik qajannaatsumi atorfik pilerinartoq akissarissaartorlu, inuttut suliffiullu tungaatigut ineriartornissamut periarfissagissaartoq.
Suleqatit pimoorussisut akornaniissaatit namminerlu ulluinnatit sunniuteqarfigingaatsiassavatit.
GrønlandsBANKENi suliffeqarfiuvoq inussiarnerpalaartumik oqaloqatigiffiusoq, naleqartitanut aallavilik:
pimoorussineq, peqqissaarneq, sullitanut sammisoq kiisalu ineriartornissamut sammisoq.

Atorfik pillugu paasissutissat sukumiinerusut immikkoortortaqarfimmi pisortamut Line Vestergård Villadsenimut saaffiginninnikkut pissarsiarineqarsinnaapput.
Apeqqutit nalinginnaanerusut pillugit HR-imi pisortaq Patricia Lund Olsen attavigisinnaavat.

Atorfiup piaartumik inutaqalernissaa kissaatigaarput, ingerlaavartumillu atorfinitsitsinissamut oqaloqatigiinnerit ingerlatissallugit. 
Tusarfiginissat qilanaaraarput.