Cheflæge – strategisk og lægefaglig topleder i Det Grønlandske Sundhedsvæsen (SHV), Nuuk

Nunatsinni Peqqinnissaqarfik, nakorsat qullersaannik anguniakkanik takorluuisinnaasumik misissueqqissaarsinnaassusilimmik, Peqqinnissaqarfimmik asseqanngitsumik paasilertoruminaatsumillu inerisaanermi pingaarutilimmik sunniuteqarnissamik kissaateqartumik pissarsiorpoq.

Nakorsat qullersaattut, nuna tamakkerlugu suliffeqarfimmi peqqinnissakkut neqeroorutinut napparsimmaviit avataanni peqqinnisakkut sullissinermik, immikkut ilisimasalittut nakorsaanermik, tarnikkut nappaatilinnik nakorsaanermik/katsorsaanermik, aanngajaarniutinik ajornartorsiutilinnik katsorsaanermik, anigugassaanngitsunik nappaatilinnik nakorsaanermik kigutigissaanermillu akisussaaffeqartumi aqqutissamik tikkuussisuussaatit. Peqqinnissamut tunngatillugu nuna tamakkerlugu ilinniagaqassutsikkut anguniakkanik nassuiaanissamut piviusunngortitsinissamullu pingaaruteqarluinnassaatit.

Pisortaqarfimmiittut sinneri qanimut suleqatigalugit ilinniagaqasutsikkut siunnerfiliinissaq akisussaaffigissavat, nukissatut atugassanik pingaarnersiuinissaq qulakkiissavat, nakorsaanerup, aaqqissuussaanikkut ineriartornissap politikkikkut siunnerfilimmik aqutsinerup ataqatigiinnerat nukittorsarlugu.

Apeqqutini nakorsaanermut tunngasuni, sulianik ingerlatsinermi, periusissiornermi pitsaassutsimillu qulakkeerinissami pisortanut qullersaqarfimmullu siunersioqataasarnissat natsorsuutigineqarpoq.

Aqutsineq aaqqissuussaanerlu

Peqqinnissaqarfiup qullersaqarfiani qullersat makkuupput:

• Pisortaaneq
• Aningaasaqarnermut pisortaq
• Sinerissami qitiusumik immikkoortuni pisortaanermut tullersorti
• Dronning Ingridip Napparsimmavissuani pisortaanermut tullersorti
• Nakorsat qullersaat (nakorsatut pisortaanermut tullersorti)

Aqutsineq, nukissanik pingaarnersiuilluni tulleriiaarineq, ataqatigiissarineq siunnerfilimmillu inerisaaneq – tamatumunngalu atatillugu nakorsaaneq, peqqissaaneq, pitsanngorsaaneq, pingaarnersiuineq nukissanillu agguataarineq, qullersaqarfimmit ataatsimut akisussaaffigineqarput.

Nunatsinni Peqqinnissaqarfimmut ilaatigut makku ilaapput:

• Nuna tamakkerlugu napparsimmavissuaq Nuummiittoq Dronning Ingridillu Peqqissaavia
• Sinerissami qitiusumik napparsimmaviit sisamat
• Peqqissaaviit aqqanillit
• Nuna tanakkerlugu nunaqarfinni nakorsiartitsiviit annerit minnerillu
• Københavnimi Kalaallit Peqqissartut Illuat

Peqqinnissaqarfik annertunerusunik paasisaqarfigisinnaavat Organisationsplan - Det Grønlandske Sundhedsvæsen

Nakorsat qullersaattut:

• Nuna tamakkerlugu Peqqinnissaqarfimmi nakorsatut pingaarnertut akisussaaffimmik isumaginninneq
• Nakorsanik pissarsiniarnermi aalaakkasunillu nakorsaqarniarnermi suleqataaneq piginnaasaannillu naliliineq
• Nakorsaanerup pitsaassusaanik ikorfartuineq nakorsaanermilu maleruagassanik assigiissaarineq
• Avataaneersunik – Nunatsinni Nakorsaaneqarfimmik, Peqqissutsimut Naalakkersuisoqarfimmik, nunatsinni kommuninik upalungaarsimanermilu suleqateqarneq.
• Tusagassiorfinnik suleqateqarneq nakorsaanermullu tunngasunik tamanut ingerlatitseqqiineq
• Ilinniartitsinerni, tamatumunngalu atatillugu najoqqutassiornerni ikorfartuinernilu suleqataaneq

Atorfimmi akisussaffinnut nassuiaat uani pissarsiassaavoq HER

Nunatsinni Peqqinnissaqarfik

Nunatsinni Peqqinnissaqarfik asseqanngilaq, nunami isorartoqisumi siammarsimalluni nalinginnaasumillu nakorsaaneq qangaaniilli nukittuffiulluni. Nunatsinni pissutsinik ilisimaarinninneq pinngitsoorani iluaqutaassaaq. Siornatigut nunatsinni sulisimanngikkuit, atugassarititaasunik toqqammavissiissutinillu paasinninnissaq qulakkeerniarlugu, piffissami sivikitsumi sinerissami qitiusumik immikkoortumi napparsimmavimmiissinnaanissaq imal. peqqissaavimmiissinnaanissaq, tikilluaqqusinermut ilanngullugu aaqissuunneqarsinnaassaaaq.

Pissarsiariniagarput:

• Qullersaqarfik nakorsaanermilu pisortat qanimut suleqatigalugit peqqinnissamut tunngatillugu siunnerfiliisinnaassaaq
• Peqqinnissaq pillugu pilersaarusiornermik, aningaasanik aqutsinermik, nukissanillu siunnerfeqarluni pingaarnersiuinermik ilisimaarinnilluartuuvoq
• Allannguiniarnermi aqutsinermut piginnaaneqarluartuuvoq suleriaasissanillu nutaanik atuutilersitsisinnaalluni
• Nakorsaanerup pitsaassusaanik siunnerfilimmik ukkassillunilu inerisaasinnaavoq
• Peqqinnissaqarfimmik ataatsimoortumik – peqqissaavinniit napparsimavissuarmi immikkut ilisimasaqarfimmi nakorsaaneq ilanngullugu- soqutigisaqartuuvoq
• Inuttut atugarisat peqqissutsillu ataqatigiinnerat peqqissutsikkullu naligiinnginneq, tamatumunngalu atatillugu naartunermi meeqqaallu ukiuani siullermi siusissukkut iliuuseqarnernik soqutigisaqartuuvoq.
• Kulturini arlalinni akuuffigisamini suleqatiginnikkumassuseqarpoq
• Politikkip ilinniagaqassutsillu akornanniinneq iluaraa

Atorfik nakorsaanermik suliassartaqanngilaq. Suliffimmi paasilertoruminaatsumi Peqqissutsimut Nalakkersuisoqarfik, Nunatsinni Nakorsaaneqarfik politikkikkullu ingerlatsisut qanimut suleqatigalugit, ullut suliffissatit allanngorartuussapput unammillernartut.

Nuummi suliffeqassaatit. Peqqinnissaqarfik 1500-it missaannik sulisoqarpoq – taakkunanngalu 120-it missaat nakorsaallutik – ukiumut aningaasartuutissanut missingersuutit 1,7 mia. koruunit missigaat.

Piginnaasat

• Danmarkimi nakorsatut immikkut ilisimasalittut sulisinnaatitaanermut uppernarsaateqarneq
• Skandinaviami imal. nuna tamakkerlugu peqqinnissaq pillugu pisortaqarfinni sulisimaneq, nakorsaanertut immikkoortortami pisortatut sulisimaneq, nakorsat qullersaattut taamaaqataatulluunniit atorfeqarsimaneq sivikinnerpaamillu ukiuni pingasuni uppernarsaatissartalimmik aqutsinermik misilittagaqarneq
• Ajornanngippat aqutsinermi ilinniarsimaneq imal. peqqinnissakkut neqeroorutinik – suliffeqarfinnillu aqutsinermik ilinniaqqissimaneq.

Atorfininnissaq

Atorfinititsinissamut ilanngullugu ilinniagaqassutsikkut piginnaasanik inuttullu toqqaarusuttakkannik naliliisussanik naapertuuttunik misilitsinnissamut qinnuigineqarsinnaavutit. Misiliinerit oqaloqatigiinnernut tapertaassapput, ilisarnaatinnik ataatsimut paasititseqataassallutik. Misiliinerup siunertaanik soorunami paasissutissinneqassaatit inernerisalu oqaloqatigiisutiginissaannut periarfissinneqassallutit.

Nakorsat qullersaattut akissarsiat

§ 24 naapertorlugu tunngaviusumik akissarsiat: 82.936,84 koruunit§ 24, imm. 2 naapertorlugu sulisussarsiniarnermut aalaakkaasunillu sulisussarsiniarnermut tapisiat: 15.000 koruunit

§ 25 naapertorlugu pigaartuusannginnermut tapisiat: 15.000 koruunit

§ 45 naapertorlugu piffissami killilikkami atorfinitsitaanermut tapisiat: 12.000 koruunit

§ 5 naapertorlugu tapisiat; tunngaviusumik akissarsiat 14 procentiat (ukiuni sisamani): 11.611,16 koruunit

Piffissami killilikkami atorfeqartitaaneq naappat tapisiat aalajangersimasut ilanngullugit piffissami killilimmi atorfeqarnermi ukiut tamaasa qaammamut akissarsiat annertoqataannik soraarnersiutisisoqassaaq.

Qaammammut akissarsiat katillugit: 136.548 koruuniupput

Uagut:

Tassaavugut nuna tamakkerlugu suliasaqarfinni atituuni peqqinnissamut tunngatillugu innuttaasunut peqqinnissamut tunngatillugu neqerooruteqartut.Ataatsimoorluta naleqartitagut tassaapput, ataqqinninneq, tatiginninneq, tungiuineq ilinniagaqassuserlu.

Naapissavatit suleqatit pikkorissut pimoorussisullu, ullut tamaasa Peqqinnissaqarfimmi paasilertoruminaatsumi unammillernartumilu napparsimasut pitsaasunik aqqusaartugassaqarnissaasa qulakkeernissaannik suliniuteqartut.

Nunatsinni Peqqinnissaqarfik, innuttaasut katitigaanerisigut unammilligassamut marloqiusamut politikkikkullu toqqammavissiissutaasunut naleqqussartuarniarluni, ineriartortuarpoq.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Sukkasuumik

Qinnuteqarfissaq kingulleq: 2. september 2025

Qinnuteqartunik oqaloqateqarnerit ataavartumik ingerlanneqassapput 

Atorfininnermi atugassarititaasut:

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut, Naalakkersuisut nakorsallu immikkut ilisimasallit aalajangersimasumillu sammisaqarlutik ilinniartut peqatigiiffiata akornanni isumaqatigiissutaasoq, atorfininnerup nalaani atuuttoq, naapertorneqassaaq.

Nakorsat Namminersorlutik Oqartussani atorfillit.

Atorfininnissamut piumasaqaataavoq Danmarkimi nakorsatut sulisinnaatitaanermut uppernarsaammik atuuttumik takutitsisinnaanissat. Tunngaviusumik isumaqatigiissutit naapertorlugit atorfinitsitsisoqassaaq, qinnuteqartoq nuntsinni tjenestemandit pillugit inatsit naapertorlugit tjenestemanditut atorfeqareerpat, tjenestemanditut atorfinitsitsisoqarsinnaavoq.

Piffissap suliffiusup killiligaannginnera, qaangiuttoornersisoqatannginnera sulinngiffissaraluillu annaasat akissarsissutaasannginnerat atorfimmi atuupput, tunngaviusumik sap. ak. nal. ak. 40-it suliffiusarput

Attavissaq/at: Atorfik/iit pillugu/it paasissutissat: Pisortaaneq Tina Amondsen oqarasuaatikkut: (+299) 54 78 67 imal. mailikkut: TIAM@PEQQIK:GL attavigalugu pissarsiarineqarsinnaapput

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk