Maniitsumi peqqissaavik sundhedsassistentimik – SOSUassistentimik pissarsiorpoq

Maniitsumi peqqissaavimmi immikkoortortaq uninngavik 1. januar 2026-imiit atorfimmut pissanganartumut tamatigoortumullu sundhedsassistentimik/ SOSU assistentimik pissarsiorpoq.

Sivikinnerpaamik qaammatit sisamat arfinillillu akornanni taartaasussatut immikkulluunniit isumaqatigiissuteqarnikkut atorfimmut qinnuteqartoqarsinnaavortaaq.

Atorfik, pingaarnertut peqqissaavimmi immikkoortortami uninngavimmi aallaveqarpoq. Suliassatit pingaarnerit tassassapput immikkoortortami aqutsisoq siuttoralugu suleqatitillu allat suleqatigalugit, uninngasunik nakorsaatinik nakorsagassanik pilattarialinnillu - meeqqaniit utoqqarnut- nakkutilliinermik peqqissaanermillu aaqqissuussineq isumaginninnerlu.

Tarnikkut nappateqartunik unitsinneqarlutik aalaakkaalersittarialinnik piartortunillu aamma naammattoorsisinnaasassaatit. Immikkoortortaq, unnukkut unnuamilu nakorsamik pigaartoqarluni, ajoqusersimasunut nakorsiartitsivinngortarpoq.

Immikkoortortaq uninngavik- peqqissaavimmut ingerlalluartumut, nakorsiartarfilimmut, ajoqusersimasunut nakorsiartitsivilimmut, qinnguartaavilimmut, aaviisarfilimmut timimillu sungiusaavilimmut- ilaavoq, taakku saniatigut peqqissaavimmit isumagineqarputtaaq naartusunik nakorsiartitsineq, timikkut tarnikkullu nappaateqartunik angerlarsimaffinni peqqissaaneq, meeraaqqerineq-, kinguaassiuutitigut nappaateqartut, inuunerissaaneq il.il.

Sap. ak. nal. ak. 40-it ulloq unnuarlu pigaartuuffiit pingasut nikittaattut suliffiupput.

Pissarsiariniagarput:

• Ajornanngippat immikkut ilisimasaqarfinnit arlalinnit peqqissaasutut sulinermik misilittagaqarpoq.
• Nakorsaatit pillugit modulimi ilinniarnermi angusisimavoq nakorsaatilerisinnaallunilu.
• Peqqissaartuuvoq piginnaasaqarfimmilu suunerat eqqumaffigalugu.
• Eqaatsimik periuseqarpoq, namminersorsinnaavoq inussiarnersuullunilu.
• Suleqatiginnillaqqissuuvoq, tatigeqatigiilluni attaveqatigiinnermik pilersitsillaqqissuuvoq – sullivimmilu avatangiisinik pitsaasunik pilersitseqataasinnaalluni.
• Ataatsimut isiginnissinnaavoq suliallu ataatsikkut arlallit ingerlassinnaallugit.
• Illugiinnik- kalaallisut danskisullu oqalussinnaavoq- piumasaqaataanngilarli.

Neqeroorutigaagut:

• Sukumiisumik paasissutissinneqarneq.
• Ulluinnaat pisanganartut allanngorartullu assigiinngiiartorpassuarnik unammilligassallit.
• Nammineq sulianut sunniuteqarneq namminersuutigisamillu akisussaaffeqarneq.
• Suleqatitsialaat siunersiorqateqarsinnaanerlu.
• Piginnaasatigut inerisarsinnaaneq.
• Ilinniakkannik naammasserlaajuguit immikkut aqqissuussivigineqassaatit.

Maniitsoq naatsumik oqaatigalugu:

Maniitsoq nunatta kitaniippoq, qaasuitsup killeqarfiata kujataatunginnguani Nuup Sisimiullu akornanni inissisimasoq. Maniitsup eqqaa alutornaqaaq, qaqqanik portusuunik inngittuunik, kangerlunnut qinngortuunut atasunik, iigartartunik sermitalinnik avatangerneqarsimalluni. 

Maniitsoq nunaqarfittaalu 3100-it missaannik inoqarput, taakkunannga 2.500-it missaat illoqarfittaaniillutik sinnerilu nunaqarfittaaniillutik. Nunaqarfiit ukiumut arlaleriarlutik immakkut angallammit tikinneqartarput.

Illoqarfik iluaqusersuutit nutaaliaasut amerlanersaannik peqarpoq, ulluinnarni pisariaqartitanut pisiniarfeqarluni, mittarfeqarluni, sinersortammit sapaatip akunneranut ataasiarluni tikinneqartarluni aasaaneranilu immakkut angallammik sukkasuuliamik Nuummut angalasoqartarluni.

Aasaanerani sunngiffimmi sammineqarsinnaasut ilagaat asimut angalaarneq maanilu ilisarnaataasumik qipoqqaat akornanni angallammik angalaarneq. Ukiukkut arsarninittarpoq ullukkullu sisupiloortoqarsinnaallunilu ujakkaartoqarsinnaavoq.

Tamatuma saniatigut Maniitsumi pissanganartorpassuarnik sammisaqarfiusinnaasumik unnukkut sunngiffimmi atuartoqartarpoq ukiorlu kajallallugu timersuutinik assigiinngitsunik sammisaqartoqarsinnaalluni.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: 1. januar 2026 immikkulluunniit isumaqatigiissuteqarnikkut

Qinnuteqarfissaq kingulleq: 30. december 2025

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Aqutsinermut sulisussarsiniarnermullu siunnersorti Ann Birkekær Kjeldsen mailikkut: ABKJ@PEQQIK.GL attavigalugu pissarsiarineqarsinnaapput.

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk