Paissutissat
Atorfiup suussusaa: ICC KALAALLIT NUNAAT: IMARTAT AQUNNEQARNERANNUT SIUNNERSORTI (MARINE GOVERNANCE POLICY ADVISOR)
Suliffeqarfik: ICC Kalaallit Nunaat
Qinnuteqarfissamut killigititaq: 20. november 2026
Attavissaq: hr@inuit.org
Imartat aqunneqarnerannut ICC-mi siunnersortaareersup aappassaanik (MARINE GOVERNANCE POLICY ADVISOR) periarfissaq siulleq sulilertussamik ICC KALAALLIT NUNAAT sulisussarsiorpoq. Iluaqutaassaaq inatsisilerituutut ilinniagaqarsimaguit, imartat pillugit soqutiginnillutit sulerusukkuit, aammalu / imaluunniit nunat tamalaat akornanni sulinermik misilittagaqartuuguit. Isumaqatigiissut sivisussuseqassaaq juni 2028-p tungaanut.
Siunnersortit (MARINE GOVERNANCE POLICY ADVISOR) ICC sinnerlugu suliarivaat imartat imartanilu avatangiisit aqunneqarnerannut annerpaamik sunniuteqarnissaq.
Siunnersortit (MARINE GOVERNANCE POLICY ADVISOR) suliassaqarfiannut ilaapput piareersarneq, suliassanik isumaginninneq, siunnersuineq, sulianut malinnaaneq kiisalu ICC-ip allaffeqarfiisa akornanni suleqatigiinnerup ataqatigiissarnera, makku pillugit:
1. Pikialasorsuaq pillugu politikkit inerisarnissaat ICC-llu suliniutissatut aalajangiussaanik piviusunngortitsineq.
2. Nunat ataasiakkaat inatsisaasa avataaniittut uumasoqatigiit illersorneqarnissaat piujuartitsinermillu toqqammaveqartumik atuiffigineqarnissaat pillugu Naalagaaffiit Peqatigiit isumaqatigiissutaanut (BBNJ) atatillugu sulinermi kiisalu plastik pillugu nunat tamalaat isumaqatigiissutissaannut isumaqatiginninniarnerni peqataasarnissaq.
Taakkulu saniatigut, Imartat pillugit nunat tamalaat suleqatigiiffiini ICC-p akuuffigisaani suleqataanissaq, soorlu imartat pillugit Nunat tamalaat Suleqatigiiffianni IMO-mi, Issittup Imartaata Qiterpasissuani killilersornertaqanngitsumik nalunaarsorneqanngitsumillu aalisannginnissamut nunat tamalaat akornanni isumaqatigiissut CAOFA-mi, kiisalu Atlantikup Avanaamut Kangiani imartami illersorneqartumi OSPAR-imi.
3. Qulaani taaneqartut pillugit politikkinik inerisaaneq, tamannalu pissalluni ICC-ip allaffeqarfiini suleqatigisat peqatigalugit.
Atorfeqarnermi pisortarisaq qaninneq tassaavoq ICC Kalaallit Nunaanni Allaffimmi Pisortaq. Suleqatigisat qaninnerit tassaassapput imartat aqunneqarnerat pillugu ICC-mi suleqatigiit, Silap pissusaa Avatangiisillu pillugit ICC-p siunnersortaa, Inuit Pisinnaatitaaffii pillugit Siunnersorti kiisalu ICC-mi politikkikkut aqutsisut.
Qinnuteqaat nassiunneqassaaq uunga hr@inuit.org, kingusinnerpaamik 20. november 2026. Atorfik pillugu paasissutissanik annerusumik pissarsisoqarsinnaavoq uunga attaveqarnikkut: hr@inuit.org.
