Ilaqutariinnik aqqutissiuussisartunik/isumaginninnermi perorsaasunik marlunnik mentorissarsiorneq

Ilaqutariinnut aamma Ikorfartuilluni suliniutinut tunngasunik immikkoortortami marlunnik ilaqutariinnik aqqutissiuussisartunik/isumaginninnermi perorsaasunik mentorissarsiorneq

Uagut pilluta:

Siunnersuisarfimmi aamma Ilaqutariinnik katsorsaavimmi meeqqat, inuusuttut taakkulu ilaqutaasa ingerlalluarnissaannut ineriartornissaannullu tunngasunik pitsanngorsaanermik suliaqartarpugut, tassa siunnersuinermik, ilaqutariinnik katsorsaanermik aamma anguniagaqartumik ikorfartuinermillu suliniuteqartarluta. Siunnersuisarfiuvugut suliatsinnut pikkorissuseqarluarluta siusissukkut iliuuseqarnissamik qitiutitsilluta, suliassaqarfiit assigiinngitsut akornanni suleqatigiinnissamik tamakkiisumillu isiginnilluta aaqqiissutissarsiortartut.

Atorfik pillugu:

Ilaqutariinnik aqqutissiuussisussanik imaluunniit isumaginninnermi perorsaasunik mentorinik tunniusimasunik marlunnik pissarsiorpugut, taakku ilaqutariinnut ikorfartortarialinnut allannguerusussuseqartuussapput. Ilaqutariinnik aqqutissiuussisutut imaluunniit isumaginninnermi perorsaasunut mentoritut immikkoortortami ineriartortitsinermi qitiusutut inissisimassaatit aamma ilaqutariit iliuuseqarnissamut piginnaasatigut piginnaasaqarnerulernissaannut meeqqallu ingerlalluarnissaannut iluaqutaasussanik suliniutinik ingerlatsisarlutit.

Siunissami suliassarilerumaakkatit ilaatigut makkuussapput:

·Ilaqutariit angerlarsimaffimmi aallunneqarnissaannik ingerlatsineq

·Oqartussaaffeqarfimmi akisussaasumit iliuusissatut pilersaarusiat anguniakkallu naapertorlugit sulineq

·Ulluinnaat aaqqissornissaannik, attaveqarninnut, angajoqqaajunermut aamma perorsaariaatsinut tunngasunik ikorfartuineq aqqutissiuussinerlu

·Suliniutinik takussutissaliorneq sulianullu tunngasunik nalilersueqataaneq

·Illup iluani avataanilu suleqatigisat assigiinngitsunik suliallit qanimut suleqatigiinnerannut peqataanerit.

Illit makku piginnaaneqarfigissagitit naatsorsuutigaarput:

Inunnik isumaginninnikkut ilinniakkamik attuumassuteqartumik ilinniarsimasutit (ass. perorsaasutut, aqqutissiuussisartutut, terapeutitut assigisaatulluunniit)

∙Ilaqutariinnut tunngasunik imaluunniit ikorfartuilluni suliniuteqarnermik misilittagaqartutit

∙Tamakkiisumik isiginnilluni, aaqqissuussaasumik namminersorlunilu sulisinnaassuseqartutit

∙Ilaqutariinnik atugarliortunik attaveqatigiissinnaasuuseqarluni tatiginnilersitsisinnaassuseqarlunilu sulisinnaassuseqarluartutit

∙Suliassaqarfiit assigiinngitsut akornanni suleqatiginnilluarsinnaasutit

∙Kalaallisut allattariarsornermi oqaluttariarsornermilu attaveqallaqqissuusutit

∙Suliassanik pilersaarutaasunik nukingiussassanillu ulluinnarni uninngaannarfiunngitsumi sulisinnaassuseqartutit

∙Eqqarsartaatsikkut timikkullu tatituujusutit aamma ulluinnarni imaannaanngissinnaasuni ulapaarfimmilu tamakkiisumik isiginnissinnaassusermik suliamillu ilisimasanik attassiinnarsinnaassuseqartutit.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut:

·Suleqatit suliatigut pikkorissut tunniusimasullu aamma suliassaqarfiit assigiinngitsut akornanni suleqatigiissinnaaneq

·Piginnaasanik ineriartortitsinissamut periarfissaqarneq

·Suliffik isumaqarluartoq, meeqqanut ilaqutaannullu allannguisitsisinnaaneq

·Suliat pillugit oqaloqateqarnissamut ineriartornissamullu aamma supervisionernissamut periarfissaqarluassaatit

Pineqaatissinneqarsimannginnermut aamma meeqqanik pinerliisimannginnermut uppernarsaatit:

Atorfik una meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune pinerliisimannginnermut aamma meeqqanik pinerliisimannginnermut uppernarsaatinik naammaginartutut isigineqartunik pissarsereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunimit pissarsiarineqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politeeqarfimmut pissarsiarineqassalluni.

Akissarsiat atorfinitsitaanermullu tunngasut:

Aningaasarsiat kiisalu atorfinitsitaanermi atugassarititaasut atorfininnermi isumaqatigiissutit malillugit suliarineqassapput, Naalakkersuisut kattuffiullu isumaqatiginninniarsinnaatitaasup akornanni isumaqatigiissutit atuuttut naapertorlugit atugassaqartitsisoqassaaq.

Atorfinitsitsinermi qaammatit pingasut misiligutaassapput.

Ineqarneq:

Atorfimmut atatillugu inigisassamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Janusiya Makendrarajah, oqarasuaat +299 55 06 16 imaluunniit e-mail: jmak@sermersooq.gl imaluunniit uunga:

Fagchef Maliina Junge Jørgensen, oqarasuaat + 299 36 80 53 imaluunniit e-mail: mjuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 32-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: januaarip 31.-at, 2026

Atorfik una qinnuteqarfigiuk