Illiua SISA-p suleqatissaa?

Atorfinigit SISA Pension-mi – ilinniarneq aningaasaliiffigineqartoq, Københavnimut angalasarneq ataatsimoornerlu pitsaasoq.

Landau Headhunting SISA Pension sinnerlugu ilaasortanik sullissisussamik nutaamik akissarsiaqarluni ilinniartinneqartussamik pissarsiorpoq. SISA Pensionimi aalajangiinissamut aqqutit naatsuunissaat, annertuumik sunniuteqarsinnaaneq kiisalu ataatsimoorneq pissusissamisoortoq nuannersorlu neqeroorutigaarput.

SISA Pension Kalaallit Nunaata soraarnerussutisiaqalernissamut aningaasaateqarfigivaa, allaffimmili sulisut ikittuinnaallutik suleqatigiipput. Tamarmik ilisarisimalluarput, ikioqatigiipput suliassallu ataatsimoorlutik kivittarlugit. Isumassarsiamit iliuuseqarnermut aqqut naappoq, aamma isumassarsiatit siunnersuutitillu sukkasuumik tusaaniarneqartut malugissavat.

SISA Pensionimi isumaqartoqarpoq suliffik pitsaasoq suliassanik naammassinninnerinnaanngitsoq. Taamaattumik ataatsimoorneq nukittooq anguniarlugu suliamut tunngatillugu ineriartornissamut, isummersoqatigiinnissamut kiisalu ataatsimoorluni sammisassaqarnissamut inissaqartitsisumik anguniagaqarluni ingerlanissaq kissaatigineqarpoq. SISA Pensionip suliffeqarfiorusuppoq suliartornissaq qilanaarutigineqartarluni, ataatsimoorluni ineriartorfiullunilu isumassueqatigiiffigineqarlunilu.

Ilinniartitaanerup ingerlanera

Sulilerninni soraarnerussutisiaqarnermut tunngasunik ilisimasaqarnissat pisariaqanngilaq. SISA Pensionip sukumiisumik ilinniartissavaatit, soraarnerussutisiaqarnermullu tunngasumik SISA-mit akilerneqartumik ilinniartitaanerit aallartissavat.

Ilinniartitaaneq ukiut sisamat missaanni ingerlanneqassaaq, immikkoortunut arlalinnut agguarneqarluni suliffeqarfiullu Danmarkimi suleqatigisai suleqatigalugit. Ilinniartitaanerup ingerlanerani Københavniliartassaatit, tassanilu soraarnerussutisiaqarnermi immikkut ilisimasalinnit ilinniartinneqassallutit. Immikkoortut akornanni Nuummi SISA-mi suleqatitit peqatigalugit sulissaatit, ilisimasatillu nutaat sulinermi atorneqalissallutik.

Ilinniartitaaninni siuariartortillutit suliassat amerlanerusut ajornakusoornerusullu akisussaaffigilissavatit. SISA Pensionip ineriartornerit aningaasaliiffigaa, ukiorpassuarni SISA-mi suleqataassasutit kissaatigigatsigu.

Suliffissat ilinniartitaanerullu ingerlanera

Suliffissat aalajangersimasoq Nuummiippoq. Tassani Ilaasortanik Sullissivimmi suleqataassaatit, ullorlu siullermiit sulinermut sukumiisumik ilisaritinneqassallutit, suleqatigiinnillu akuulerlutit ilinniartitaanerup ingerlanera tamaat tapersersuisussanik.

Ilinniartitaanermi immikkoortut akornanni ilinniakkannut qanimut attuumassuteqartunik suliaqartassaatit. Taamaalillutit ilinniakkatigut ilisimasatit ulluinnarni sulinermi atorsinnaalissavatit. Piginnaasatit ineriartortillugit annertunerusumik akisussaaffeqalerlutillu suliatigut unamminarnerusunik suliassaqalissaatit.

Ilinniartitaanerup ingerlanerani piginnaasatit ineriartortillugit ilaatigut makkuninnga suliaqartalissaatit:

• Ilaasortanut soraarnerussutisiassat sillimmasiinerillu pillugit siunnersuineq

• Oqarasuaatikkut allakkatigullu ilaasortanik sullissineq

• Qinnuteqaatinik suliarinninneq allaffissornikkullu suliassat

• Soraarnerussutisiaqarnermut sillimmasiinermullu aaqqissuussinernik pilersitsineq allannguinerlu

• Udbetalinginik sillimmasiinermullu tunngasunik suliarinninneq

• Sulisitsisunik suleqatigisartakkanillu suleqateqarneq

• SISA-p suleriaasiinik ineriartortitsineq pitsanngorsaanerlu

• Allarpassuillu.

Illit kinaavit?

Soraarnerussutisiaqarnermik suliaqarnermik siornatigut ilisimasaqarnissat pisariaqanngilaq – SISA-p ilinniartissavaatit.

Pingaarnerpaavoq nutaanik ilinniarusussuseqarnerit ineriartorusussuseqarnerillu. Ilinniartitaanerup ingerlanerani Danmarkimi ilinniartinneqartassaatit, ulluinnarnilu SISA-mi suleqatitit peqatigalugit ilisimasavit Kalaallit Nunaanni pissutsinut qanoq naleqqussarneqarnissaat ilinniassallugu.

Takorloorparput illit:

• Kalaallisut qallunaatullu oqalussinnaallutillu allassinnaasutit. Tuluttut piginnaasaqarneq iluaqutaassaaq, piumasaqaataanngilarli

• Paasisaqarusuttuullutillu nutaanik ilinniarusuttutit

• Namminersorlutit aaqqissuussaasumillu sulisartutit

• Akisussaaffimmik tigusisartutit suliassatillu naammassinissaasa tungaanut malinnaavigisarlugit

• Inunnik ikiuineq pitsaasumillu sullissineq nuannarisarigit

• Suleqatitillu ataatsimoornerannut suleqateqarnermullu pitsaasumik tapersersuisartutit

• Suliatigut inuttullu ineriartorusuttutit

• Suleqatigiit ikittut imminnut pisariaqartittut akornanni suleqataanerup pingaaruteqarnera paasisinnaagit

Allaffimmiutut ilinniarsimaneq imaluunniit allaffissornermut tunngasumik allamik naleqquttumik ilinniagaqarsimaneq iluaqutaassaaq. Soorunami aamma soraarnerussutisiaqarnermik, sillimmasiinermik imaluunniit aningaasaqarnermik suliaqarnermik misilittagaqarneq pitsaasumik aallaaviusinnaavoq.

Tamakkuli piumasaqaataanngillat – kinaassutsit, tunniussimassutsit minnerunngitsumillu nutaanik ilinniarusussuseqarnerit taakkutulli naleqartigisinnaapput.

Suna pissarsiarissaviuk?

SISA Pensionip atorfik ilinniartitaanerlu akissarsiaqarfiusoq ataatsimut neqeroorutigai. Suliatigut inuttullu unammilligassarpassuaqassaaq, suleqatinik piginnaasaqarluartunik suleqateqassaatit kiisalu Kalaallit Nunaanni inuiaqatigiinnut amerlasuunik soqutiginartunik attaveqassallutit. Aamma atorfininnermi atugassarititaasut pitsaasuupput, piginnaasallu naapertorlugit akissarsiat unammillersinnaasut neqeroorutigineqarlutik.

Atorfimmut atatillugu ini najugarisassaq ilaatinneqanngilaq.

Soqutiginnippit?

Qinnuteqarfissamut toortagaq toorlugu atorfimmut qinnuteqarsinnaavutit, tassanilu qinnuteqaatit CV-llu ikkunneqarsinnaallutik.

Atorfik pillugu apeqqutissaqaruit Mette Landau, Landau Headhuntingimeersoq, mobilikkut +45 2190 2188-imut attaveqarfigisinnaavat.

Landau Headhuntingip atorfinitsitsiniarneq isumagaa, qinnuteqaatillu takkussuunnerini ingerlaavartumik atuarneqassallutik. Qinnuteqarfissap killigititaa nallertinnagu qinnuteqartunik oqaloqateqarnissamut aggersaasinnaanissarput pisinnaatitaaffigaarput.

Tusagaqarfiginissat qilanaaraarput!

Annertunerusumik uani paasisaqarsinnaavutit: www.sisa