Inuussutissarsiornermut Niuernermullu Immikkoortortaq Allaffimmi pisortassarsiorpoq

Inuussutissarsiornermut Aatsitassanullu Naalakkersuisoqarfik Inuussutissarsiornermut Niuernermullu Immikkoortortami suliatigut piginnaasaqarluartumik tunniusimasumillu allaffimmi pisortassarsiorpoq. 

Allaffimmi pisortatut Kalaallit Nunaanni inuussutissarsiornerup iluani sinaakkutinut atungassarititanik inerisaanermik suliaqarnermi qitiusumik inissisimassaatit. 

Immikkoortup allaffiini marluusut aappaani ulluinnarni sulianut sulisunullu aqutsinermut akisussaasuussaatit suliassaqarfinnullu arlalinnut aamma nammineq akisussaasuusassallutit. 

Atorfik taamaalilluni aqutsinermik, suliatigut itisiliinermik kiisalu politikkikkut aalajangiisartut qanillugit sulinermik ilaqarpoq. 

Inuussutissarsiornermut Niuernermullu Immikkoortortaq pillugu
Inuussutissarsiornermut Niuernermullu Immikkoortortap inuussutissarsiornerup niuernerullu politikkip iluani suliassat assigiinngitsorpassuit suliarisarpai.  Immikkoortortami ilaatigut suliarineqartarput inuussutissarsiornermi inatsisit, inuussutissarsiuteqartut sinaakkutitut piumasaqaataannik misissueqqissaarneq, inuussutissarsiutinik siuarsaaneq, takornariaqarneq, nilaat imerlu, niuerneq kiisalu suliffissuit suliniutillu annertuut pillugit suliniutinik ataqatigiissaarineq. 

Immikkoortortaq politikkikkut aalajangiisartunut qanimut suleqateqarpoq, naalakkersuisumik sullissisuulluni kiisalu Naalakkersuisut politikkikkut anguniagaannut malitseqartitsinermik suliaqartarluni, aamma Inatsisartut aalajangiineri taamaammat sulinermut pingaartutut ilaapput. 

Immikkoortortumi allaffiit marluupput tassani immikkut allaffimmi pisortaqarlutik kiisalu katillugit qulit missaannik sulianik sullissisoqarlutik. Allaffimmi pisortatut immikkoortumi pisortaq qullersarissavat allaffimmilu pisortap aappaa peqatigalugu ulluinnarni aqutsineq immikkoortumilu suliassat ataqatigiissarneri suliarisassallugit. 

Atorfik
Allaffimmi pisortatut allaffimmi ulluinnarni sulisunut sulianullu aqutsisutut akisussaasuussaatit. Suliassat suliarinissaannut siunnerfimmik ataatsimullu isiginnilluni suliaqartitsissaatit, isumalluutit pingaarnersiorneranni sulianillu pitsaalluinnartussaannik piffissarlu eqqorlugu tunniussinissamik isumannaarisassallutit.

Allaffimmi pisortatut atorfik aamma aqutsinermut sulinermut atuuppoq. Suliassaqarfiit tigussaasut illit akisussaaffigissavatit naatsorsuutigineqarlunilu allaffimmi suliassanik suliarinninnermik peqataasarnissat. Allaffimmi suliassat tulleriiaarneri apeqqutaatillugit ilaatigut suliassat tassaasinnaapput politikkikkut saqqummiussissutit aalajangernissamullu tunngavissanik suliaqarneq, naalakkersuisumik sullissineq, inatsisinik periusissianillu suliaqarneq, suliat ataasiakkaat kiisalu avataanit suliaqartunik suleqateqarneq isumaqatiginninniarnerlu.

Atorfimmi uku ilaatigut akisussaaffigissavatit:

• allaffimmi ulluinnarni sulinermi aqutsineq, pingaarnersiuineq ataqatigiissaarinerlu kiisalu allaffimmi sulisunut akisussaasuuneq 

• pitsaassutsit qaffasinnissaat qulakkeerlugit allaffimmi sulianik naammassisanillu siumut ingerlatsineq 

• suleqatinik siunnersuineq isumasioqatigiinnerlu kiisalu taakku sulianut inuttullu tunngasunik ineriartortitsinermut peqataaneq 

• suliassaqarfinnut toqqakkanut nammineq akisussaasuuneq 

• saqqummiussissutinik, allakkianik, aalajangernissamut tunngavissiinermi suliaqarneq pitsaassutsinillu qulakkeerinninneq naalakkersuisumullu sullissineq 

• politikkikkut anguniakkanik aalajangiinernillu tigussaasumik aqutsineq malitseqartitsinerlu 

• immikkoortortami pisortaq allaffimmilu pisortap aappaa suleqatigilluinnarlugit immikkoortumi periusissianik inerisaanermi pigaarnersiuinermilu suleqataaneq 

• naalakkersuisoqarfinnik allanik, kommuninik, inuussutissarsiuteqartunik kiisalu nunatsinni nunanillu tamalaaneersunit attuumassuteqartunik suleqateqarneq. 

Immikkoortortami suliassaqarfiit
Inuussutissarsiornermut Niuernermullu Immikkoortortaq inuussutissarsiutinik inerisaanermut aallarnisaanermullu allaffimmiippoq kiisalu Nunat tamalaat suleqatiginerinut Inatsisileriffimmillu allaffimmiilluni. 

Inuussutissarsiutinik inerisaanermut Aallarnisaanermullu allaffimmi ilaatigut suliarineqartarput takornariaqarneq, inuussutissarsiutinik siuarsaaneq, avammut nioqquteqarnissamut akuersissutit, kiffartuussinissamik isumaqatigiissutit, sikumik imermillu tuniniaaneq kiisalu uumassusillit sananeqaataasigut kingornuttagaasunik isumalluutit. 

Nunanik assigiinngitsunik suleqateqarnermut inatsisileriffillu pillugit allaffimmi ilaatigut suliarineqartarput niuernermut politikki niuernermullu isumaqatigiissutit, nunani tamalaani nittarsaassineq inuussutissarsiutinillu nittarsaassineq, nunani avannarlerni EU-mullu tunngasunik suleqateqarneq kiisalu aningaasaliisussanik misissuineq. 

Illit pillutit
Takorloorparput ingerlariaqqiffiusumik attuumassutilimmik ilinniagaqartutit politikkikkullu aqunneqartumik aaqqissuussamit, pisortat allaffeqarfianni, inuussutissarsiuteqartunit aaqqissuussamiluunniit attuumassuteqartumit allamit misilittagaqartutit.

Aqutsisuunissamik kiisalu sulianut tunngasunik ataasiakkaanik suliaqarusussuseqarnissat aqutserusussuseqarnissallu pingaartuuvoq. Sulisunik aqutsinermi, allaffimmi ataatsimut suliassaasa pingaarnersiornissaat pillugit kiisalu suliassanik pisariusunik nammineq sulisinnaassaatit.

Pingaartipparput illit:

• aqutsinissamut piginnaasaqarluartutit kiisalu sulisunik aqutsinermut tunngasunik misilittagaqarlutit 

• misissueqqissaarnermut suliassanullu piginnaasaqarluartutit 

• ulluinnarni suliassanik assigiinngitsorpassuarnik aaqqissuussisinnaasutit, pingaarnersiuillutit siuariartortitsisinnaasutit 

• aaqqissuussami politikkikkut aqunneqartumi suliaqarnissamut paasinnilluarsimasutit 

• politikkikkut  anguniakkanit sulianut tigussaasunut aaqqiissuteqarsinnaasutit 

• oqalunnikkut allattariarsornikkullu erseqqissumik eqqortumillu attaveqarsinnaasoq 

• suleqatinut, aqutsisunut avataaniillu suleqatinut isumassarsioqatigiillaqqissoq 

• akisussaassusermik tigusisinnaasoq aalajangiisinnaasorlu, kiisalu peqataatitsisumik aqutseriaaseqartoq. 

Aqutsinermik misilittagaqarneq iluaqutaassaqaaq kisianni piumasaqaataanngilaq. Pingaarnerli tassaavoq sulisunik aqutsinissamut piginnaaneqarnissat piumassuseqarnissallu kiisalu allaffimmi suliatigut sammiviliisinnaasutit.

Neqeroorutigaavut
Neqeroorutigaavut atorfik sunniuteqarfiulluartoq Kalaallillu Nunaanni politikkikkut inuiaqatigiinnullu tunngasuni pingaarutilinni annertuumillu namminersorluni sulinissaq. 

Suleqatigiinni suliatigut pikkorissut peqataalissaatit aqutsisutullu ineriartornissannut periarfissaqassallutit kiisalu sulianut tunngasuni sulianik isumaginninnermi qanimut attuumassuteqassallutit. Immikkoortortami pisortaq, immikkoortortami suleqataasut kiisalu Namminersorlutik Oqartussat iluanni avataannilu suleqatinik assigiinngitsunik amerlasuut suleqatigissavatit.

Akissarsiat atorfeqarnermilu atugassarititaasut
Atorfik akissaateqarfimmi LR 36-mi maanna inissisimavoq.  1. april 2026 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut   Kr. 57.531 ukiumullu Kr. 690.372.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni.

Atorfinitsitsinissamut oqaloqatigiinnerit Naatsorsuutigaarput ingerlaavartumik suliffissarsiortunik oqaloqateqartarnernik ingerlatsiniarluta. Qinnuteqarnissamut soqutiginnittut sapinngisamik piaartumik qinnuteqaqquagut.

Qinnuteqarnissamut piffissaliussaq Qinnuteqaat CV-imik aamma soraarummeersimanermut uppernarsaatit assilinerinik ilanngussalik link ataaniittoq aqqutigalugu kingusinnerpaamik ulloq 14. oktober 2026 tikitsinnagu nassiunneqassaaq. Qinnuteqaatinik e-mailikkut nassiussanik tigusineq ajorpugut. Atorfininnissaq piaarnerpaamik pissaaq.