Kalaallit Nunaanni Aalisarsinnaanermut Piniarnermullu Nakkutilliisoqarfik (KANUAPNA), Sisimiuni Piniarnermut nakkutilliisumik, aammalu Piniarnermut nakkutilliinermi assistentimik pissarsiorpoq

Sisimiuni Nunap immikkoortuini allaffeqarfiani piniarnermik nakkutilliisumik aammalu piniarnermut nakkutilliinermi assistentimik piginnaasaqarluartunik sullisserussuseqartunillu suliassarpassuarnik unamminartunik suliarinnittussanik sulisussarsiorpugut. Immikkoortortaqarfitsinni Sisimiuniittumi maannakkorpiaq sulisut marluupput, immikkoortortaqarfimmi aqutsisuusoq taavalu aalisarnermut nakkutilliisoq.

Pingaarnertut suliassat tassaapput aalisarnermik nakkutilliisut piniarnermillu nakkutilliisut qanimut suleqatigiillutik Kalaallit Nunaanni aalisarnermik piniarnermillu nakkutiginninneq nakkutilliinerlu.

Piginnaaneqarfiit

• Aalisarnermik piniarnermillu naleqquttumik ilinniagaqarneq piginnaasaqarnerlu

• Immikkoortumi aalisarnermi, piniarnermi aallaaniarnermilu inatsisinik nalunaarutinillu ilisimasaqarneq

• Nammineerlutit sulisinnaassaatit aalajangiisinnaallutillu, aamma pisut sukkasuumik ingerlagaangata

• Aalajaatsuuvutit tamanillu takunnilluarsinnaallutit

• Suleqatinut suleqatigisanullu suleqatiginnissuseqarluarputit

• Inorortuuvutit, tamatigoortuullutit ilungersunartoqartillugulu sulisinnaallutit

• Pinerluuteqarsimannginnermut allagartaqassaatit

• Timikkut peqqissuuvutit nukittuujullutillu

• Biilinik ingerlatsisinnaanermut allagartaqaruit iluaqutaassaaq

Suliassat

• Aalisarnermut nakkutilliisut ikiorlugit

• Nunami immamilu aallaanianik piniartunillu nakkutilliineq

• Nakkutilliinermi uppernarsaatinik qulakkeerinninneq

• Nakkutilliinermi angalanermiillu nalunaarusiorneq

• Allafffissornermi suliassat, tassunga ilanngullugit atortunik aserfallatsaaliuineq iluarsaanerlu

• Aalisarnermik nakkutilliisut assigalugit piareersimasuunermut pilersaarutini ilaaneq

• Piniarnermi malittarisassanik piffissanillu eqqissisimatitsivinnik siunnersuisarneq ilitsersuisarnerlu

• Najukkami kommunimi oqartussanut aamma aalisartut piniartullu kattuffiinut attaveqarneq

• KANUAANA-mi aalisarnermik nakkutilliisut suleqatigalugit piniarnermullu nakkutilleeqataasutut aalisartunut, piniartunut kommuninilu siunnersortinut paasisitsiniaasarnerni peqataaneq

Piffissaq suliffik allanngorartuussaaq, aammalu sulinissamut piareersimasuunissamullu pilersaarutit qaammatikkaartumik siumut suliarineqartartut malillugit sulisoqartarluni. Ullup unnuallu ingerlanerani piffissani tamani sapaatillu akunnerani ulluni tamani sulisarnissat piareersimaffigissavat.

Aalisarnermut piniarnermullu suliassanullu tunngassuteqartunik pikkorissaanerni ilinniagaqarnissamullu peqataanissamut piumassuseqassaatit.

Naatsorsuutigaarput illit

Aamma sullisserusuttuunissat, ikiuukkumatuunissat ulluinnarnilu sulinermi nuannaartuunissat pingaartippagut. Aaqqissuussamik sulisinnaassaatit suliassallu pitsaasut piffissarlu eqqorlugu tunniussinnaassavatit naammassillugillu. Pisariaqartillugu sulinerusinnaasarnissat aamma pingaartittarput.

Kalaallit Nunaanni Aalisarnermut Piniarnermullu Nakkutilliisoqarfiup soqutiginnittut tamaasa qanoq tunuliaquteqarneq apeqqutaatinnagu atorfimmut qinnuteqarnissaannik kaammattorpai. Paasisaqarnerorusukkuit 550282 sianersinnaavutit immaqaluunnit mail-imut uunga allallutit jefl@nanoq.gl.

Qinnguteqarfissaq kingulleq: 19. Oktober 2025

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk