Kalaallit Nunaanni Brugseni eqqummaarissumik immikkut pilerisaarutissanik toqqagassanillu pilersaarusiortartussarsiorpoq

Kalaallit Nunaanni niuertarfeqarfiit annersaasa ilaanni immikkut pilerisaarinermik toqqagassanillu ineriartortitseqataarusupput? Misissueqqissaarneq, pilersaarusiorneq pitsanngorsaanerlu sulerusunnerulissutigisarpigit? Pisiniartartullu pisiniarnerminni pitsaanerpaanik misigisaqartarnissaannik qulakkeereqataarusuppit?

Taamaappat immaqa illit Nuummi allaffitsinni sullissivimmi suleqatissaraatsigit.

Immikkut pilerisaarutissanik toqqagassanillu pilersaarusiortartussamik aaqqissuussisinnaalluartumik misissueqqissaartartumillu pissarsiorpugut pisiniarfiutitsinni tamani – avannarpasissuniit kujallernut – pilersaarusiornermut, ataqatigiissaarinermut, immikkut pilerisaarutinik malittarinninnermut, nioqqutissat ingerlaarnerannut toqqagassanullu atatillugu pingaarutilimmik inissisimassaatit.

Suliassatit

Suleqatitit qanimut suleqatigalugit ukununnga akisussaasuussaatit:

• Immikkut pilerisaarinernik, nioqqutissat ingerlaarnerannik toqqagassanillu pilersaarusiornermut malittarinninnermullu.

• Toqqagassaatitannik immikkullu pilerisaarutinnik tuniniaanermik, iluanaaruteqarnermik sunniuteqarluassutsimillu pitsanngorsaanermut.

• Pisiniarfiit, pisiortorfiit aamma Coop suleqatigalugit attaveqaasersuinermik nioqqutissallu ingerlaarnerannik ataqatigiissaarinermut.

• Akit allattorsimaffiinik, nioqqutissanut pilersaarutinik stamdatanillu allanik nutarterisarnermut.

• Nioqqutissanik agguaanermut neqeroorutinillu aviisiniittussanik pilersitsinermut.

• Neqeroorutinik aviisinik kukkunersiuinermut.

• Nioqqutissat pillugit paasissutissanik nutarsaasarnermut.

• Ingerlatsinermi allanullu atatillugu suliassanik ingerlaavartumik suliaqartarnermut.

Takorloorparput illit…

• aaqqissugaalluartumik suleriaaseqartutit arlalinnillu piffissanik killiliussaqaraluartoq sulilluarsinnaasutit.

• misissueqqissaarneq nukittoqutigigit paasissutissallu aallaavigalugit sulisartutit.

• pilerisaarineq tunngavigalugu eqqarsartutit aammalu pisiniartartut pisiniarfiillu pingaartikkitit.

• immikkuualuttunik pingaartitsisuusutit suliassanillu naammassinnittartutit.

• ingerlatsivimmi tamarmi suleqatissaalluartutit.

• Excelimik atuineq sungiusimagit.

• IT-systemit nutaat ilikkaruminartittaritit allaffissornikkullu suliaqarsinnaalluartutit.

• SAP misilittagaqarfigigit – ilikkapallannissaanulluunniit piumassuseqartutit.

Illit pillutit

Ilittut angusaqarluarusuttumik pitsanngorsaarusuttumillu pissarsiorpugut. Illit suleriaatsinik pitsanngorsaanikkut angusaqarniarlutillu ilungersornikkut imminut unammillertarputit.

Aaqqissugaalluartumik piffissanullu killiliunneqartunut naapertuuttumik sulisinnaanissat pingaaruteqarpoq – aamma pisiniarfimmi ulapputtoqaraluarpat. Suleqatit pisiniarfinniittut allaffinniittullu, pisiortorfiillu suleqatigisartakkallu suleqatigisinnaasariaqarpatit.

Aammattaaq isumalluartuussaatit allaffinnillu nuannersuutitseqataassallutit.

Ilinnut neqeroorutigaavut

Kalaallit Nunaanni Brugseni suleqatigiinnut eqinnaatsunut eqaatsunullu suliaminnik paasisimasaqarluartunut ataqatigiilluartunullu ilaalissaat.

• Pilerisaarinermi suliatsinnut sunniuteqarluarfissannik soqutiginartumik tamatigoortumillu suliffeqalissaatit.

• Pisoqarfiulluartunik, akisussaaffeqarfiusunik arlalinnillu suleqateqarfiusunik ulluinnaqassaatit.

• Suliassannik nammineq pilersaarusiornissamut pingaarnersiuinissamullu periarfissaqarluassaatit.

• Ikioqatigiittartunik angusaqarluarnissamik nuannisarnissamillu pingaartitsisunik pikkorissunillu suleqateqassaatit.

• Atorfinitsitsinermi atorfimmut atatillugu inissaqartitsisoqarsinnaavoq.

Paasisaqarnerorusuppit?

Atorfik pillugu apeqqutissaqaruit attavissaq:

Pilerisaarinermut pisortaq Morten Korsgaard

morten.korsgaard@knb.gl

+299 23 07 81

Qinnuteqaat

Qinnuteqaatit KNB-p nittartagaatigut nassiuguk.

Ingerlaavartumik oqaloqateqartassagatta innersuussutigissavarput qinnuteqaatinnik sukkanerpaamik nassiussinissat.

Qinnuteqarnissamut killigititaq: 31. aggusti 2026.

Suliffik sumiiffia
Aqqusinersuaq 4, 2 th.
3900 Nuuk
Grønland

Ulloq qinnuteqarfissaq kingulleq:
31. augustusi 2026