Kalaallit Nunaanni Namminersorlutik Oqartussanut kukkunersiuinermut pisortaq

Naalakkersuisut kukkunersiuisoqarfiannut nukittuumut siunnerfileerusuppit Kalaallillu Nunaanni Namminersorlutik Oqartussani ingerlatsinermut kulturimut suli pitsaanerusumut tapersiillutit? 

Kalaallit Nunaanni Namminersorlutik Oqartussat suliamut tunngasunik piginnaasaqarluartumik takorluuisinnaasumillu kukkunersiuinermut pisortassasiorpoq, suliffeqarfimmi namminermi kukkunersiuisoqarfiup inerisarneranut siuttuusussamik. Suliffeqarfimmi namminermi nakkutilliinerit nukittorsarnerinut, aningaasaqarnerup pitsaasumik aqunneqarneranut tapersersuinermut aamma kukkunersiuinermi suliamut ilinniarsimasoq aarlerinarsinnaasullu tunngavigalugit aaqqissuussaanermut nalilimmik pilersitsinermut qitiusumik atuuffeqassaatit.

Pingaarutilittut inissisimaneq assut pingaarutilik

Namminersorlutik Oqartussani naalakkersuisoqarfiit, aqutsisoqarfiit, suliffeqarfiit aningaasaateqarfiillu susassaqarfiini aamma kukkunersiuinermut suliaqarnerup nangittumik nukittorsarneranut ingerlatsisuullutit kukkunersiuinermut pisortatut Naalakkersuisut Kukkunersiuisoqarfiannut pingaarnertut akisussaaffeqalissaatit. Aningaasaqarnermut Sulisoqarnermullu Aqutsisoqarfiup pisortaa atassuteqarfigissavat  aamma Qitiusumik Naatsorsuuserinermut immikkoortortaqarfik kukkunersiuisullu avataaneersut qanimut suleqatigalugit.

Qinnuteqartup atorfinitsinnerani suliap ingerlanerani inuttut misilitsinneq (Tomas test) ingerlanneqassasoq kiisalu attaveqarfigisat attuumassutillit qinnuiginnissutigineqassasut naatsorsuutigineqassaaq.

Akisussaaffitit pingaarnerpaat

• Suliffeqarfiup Kukkunersiuisoqarfiata nutaaliatut, suliamik ilinniarsimassutsikkut  aamma immikkoortortatut nalilinnik pilersitsivittut aqussallugu ineriartortillugu.

• Kukkunersiuinermik suliaqarnermi pitsaassutsimik qaffasissumik nunanilu tamalaani kukkunersiuinermi malitassanik maleruaanermik qulakkeerineq 

• Kukkunersiuinerit nakkutilliinermillu suliniuteqarnerit aarlerinarsinnaasumik tunngavillit pilersaarusiorneri naammassinerilu

• Suliffeqarfimmi  nakkutiginninneq, aarlerinarsinnaasunik aqutsineq pitsaasumillu ingerlatsineq pillugit aqutsisunik aaqqissuussaanermillu siunnersuineq.

• Kukkunersiuinernit avataaniillu nalilersuinerit innersuussinerit piviusunngortitsinernut ilanngussaqarnerit.

• Kukkunersiuisut avataaneersut allallu qitiusumik ingerlatsiviit suleqatiginerinik nukittorsaaneq.

• Immikkoortumi sulisut piginnaaneqarnerisa ineriartortinneri, atugarissaarnermik  aamma suliamut tunngasunik siunnersueqatigiinnermik qulakkeerineq. 

Naatsorsuutigaarput:

• Cand.merc.aud.-tut ilinniarsimasoq. 

• Kukkunersiuinermik, naatsorsuutinut, innersuussutinik naammassinninneq aarlerinaatinillu aqutsinermik tutsuiginartumik misilittagaqartutit.

• Aqutsinermik sulisullu ineriartorneranik suliamullu avatangiisinik misilittagalik.

• Misissueqqissaarinermut piginnaasaqarluartoq aamma ajornartorsiutinik ajornakusoortunik aalajangersimasunik aaqqiissuteqarnernut timitaliisinnaasoq.

• Ersarissumik attaveqaqatiginnittoq atassuteqarfigisanullu qaffasissutsinut tamanut tatiginninnermik pilersitsisoq.

• Aaqqissugaanermi politikkikkut aqunneqartumik sungiussisimasoq 

• Kalaallinut inuiaqatigiinni pissutsinut kulturimullu paasinnittoq

• Marluinnik oqaasiliusinnaavoq

Neqeroorutigaavut

Aqutsisutut atorfik pissanganartoq Kalaallit Nunaanni Namminersorlutik Oqartussani ingerlatsinermi aningaasaqarnermilu aqutsinermi pitsaasumik ineriartornermut  annertuumik sunniutilik. Suleqatigiinnut tunniusimasunut aaqqissuussaanerup aqunneqarneranut nakkutilliinermilu avatangiisunut ataavartumik ilusiliinissamut periarfissalimmut ilaalissaatit. Maannakkut kukkunersiuinermut pisortaasumit tunniussineq pissaaq.

Uagut pilluta

Naalaakkersuisut kukkunersiuisoqarfiat aaqqissussaanikkut Aningaasaqarnermut- aammalu Sulisoqarnermut Aqutsisoqarfimmi Aningaasaqarnermut Naalakkersuisoqarfiup ataani inissisimavoq aqutsisoqarfiullu pisortaanut nalunaartartussaalluni.

Immikkoortortaqarfimmi persuarsiortuunngilagut nammineerluta sulinitta saniatigut suleqatigiittorujussuusarpugut.

Paasissutissat sukumiinerusut:

Atorfimmut paasissutissat amerlanerusut kissaatigigukkit, attaveqarfiginissaanut Kukkunersiuinermut pisortaq Lea Serwin mailadressemi lese@nanoq.gl imaluunniit oqarasuaat +299 346439 imaluunniit Naatsorsuuserinermut pisortaq Egon Skindhøj mail: egsk@nanoq.gl / oqarasuuat +299 346726 tikilluaqquneqarputit.

Atorfinissaaq ulloq 1. oktober 2026 imaluunniit erseqqinnerusumik isumaqatigiissuteqarnikkut. Sapaatip akunnerani 34-mi oqaloqatiginissaq naatsorsuutigineqarput 

Aningaasarsiat atorfininnermilu atugassarititaasut

Atorfik akissaateqarfimmi LR 38-mi maanna inissisimavoq.  1. april 2026 LR 38-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut   Kr. 64.048 ukiumullu Kr. 768.576.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, 

qinnuteqartoq tjenestemanditut atorfeqareersimaguni nunatsinni pisortani 

tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani 

atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamut namminermut ministeeriaqarfiup kommuninut nunallu immikkoortortaanut inassutigisimavaa, Kalaallit Nunaanni Namminersorlutik Oqartussat ataanni atorfinitsitaanerminnut atatillugu akissarsiaqaratik sulinngikkallarnissamut qinnuteqaateqartunut akuersaartumik pissusilersornissaq. 

Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut katissimasaannut /aappaannut aamma atuupput.

Atorfimmut atatillugu piffissap suliffiusussap sivisunerpaaffissaa aalajangersagaanngilaq, aamma qaangiuttoornermi ajunngitsorsiassaqarneq pillugu aalajangersakkat kiisalu ullunik sulinngiffiusussanik annaasaqarnermi ajunngitsorsiassat pillugit aalajangersakkat atuutinngillat, aallaaviatigut sapaatip akunneranut 40 tiimit sulisoqartassalluni.

Akissarsianut atorfeqartitaanermullu atugassarititaasut, matumani ilanngullugit atorfinikkiartorluni soraarlunilu angalanermut kiisalu pequtit nassiunneqarnerinut akiliunneqarsinnaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Ineqarneq

Atorfimmut atasumik inissaqartitsisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni.

Qinnuteqaat, CV, ilinniarsimanermut aamma pikkorissarsimanermut uppernarsaatit aamma pappiaqqat allat pingaaruteqartut "Qinnuteqaat nassiuguk" toorlugu nassiutikkit.

Mailikkut qinnuteqaatinik tigusineq ajorpugut.