Konsulent Naatsorsuuserivik Ilulissat

Naatsorsuuserinermut immikkoortortaqarfik Avannaata Kommuniani Aningaasaqarnermut immikkoortortaqarfiup qitiusumik ilagaa, kommunillu aningaasaqarnikkut allaffissornikkut ingerlatsineranilu pingaarutilimmik inissisimalluni.

Siunnersortitut suliffimmi pissanganartumi allanngorartumilu, assigiinngitsunik suliassaqarfiusumi, suleqataalissaatit. Atorfimmi piumasaqaataavoq aaqqissukkamik namminersorlutillu sulisinnaasutit, suliassat suliallu piffissaliussat sivikitsut iluanni suliarisinnaagitit, kiisalu ulluinnarni ulapaarfinni ataatsimut isiginnissinnaassuseqarlutit. Atorfik kommunip akiliutinik isertitsinerisa akiliinerisalu eqqortumik suliarineqarnissaannik, bankimut piginnaatitsissutit nutarterneqartuarnissaannik kiisalu naatsorsuutinut, aningaasanik tigoriaannarnik aqutsinermut aammalu aqutsisut paasissutissinneqarnissaannut paasissutissanik tatiginartunik tunngavissaqartitsinermik qulakkeerinnissaaq.

Suleqatigiilluarnissaq pingaartilluinnarparput, taamaammallu naatsorsuutigaarput suleqatit suleqatigisallu aaqqissuussaanermi immikkoortortat akimorlugit pitsaasumik, ineriartortitsiffiusumik suliamullu naleqquttumik suleqatigisinnaagitit.

Siunnersorti Naatsorsuuserinermut immikkoortortaqarfimmi naatsorsuusserinermut pisortamut akisussaaffeqassaaq.

Atorfiup allaaserineqarnera

Tamatuma saniatigut suliassat uku isumagineqassapput:

·Bankip kontomut nalunaarutai kommunillu aningaasaqarnermut systemiata akornanni ullormut qaammammullu naatsorsuutit imminnut naapertuunnersut misissorneqartassapput imaluunniit pitsaassusiat qulakkeerneqartassalluni.

·Assigiinngissutit, akiliutit isertut kinaassusersineqarsimanngitsut, akiliinerit itigartinneqartut, bankimi akiliutissat kiisalu bankimi nalunaarsukkat pisoqqat matuneqarsimanngitsut misissorneqartassapput malitseqartinneqartassallutillu.

·Naatsorsuutit imminnut naapertuunnersut misissorneqarnerannut uppernarsaatit, malinnaaffigineqarsinnaanerat kiisalu aqutsisut akuersissuteqarnerat qulakkeerneqartassapput.

·Akiligassaqarfigisanut, akissarsianut, akileraarutinut, soraarnerussutisianut, tapiissutinut kommunillu pisussaaffiinut allanut akiliinerit pitsaassusiat qulakkeerneqartassaaq.

·Akiliinerit utertinneqartut, itigartinneqartut imaluunniit kukkusumik ingerlanneqarsimasut malitseqartinneqartassapput, eqqortumillu utertitsisoqarnissaa imaluunniit akiliisoqarnissaa qulakkeerneqartassalluni.

·Kommunip bankimi kontoini aningaasat atorneqarsinnaasut pillugit ingerlaavartumik ataatsimut takussutissiortoqartassaaq.

·Akuersissuteqartarnermut malittarisassat atuuttut naapertorlugit kommunip kontoisa akornanni nuussinissamik pisariaqartitsinerit ataqatigiissaarneqartassapput.

·Piffissap naatsorsuusiorfiusup naanerani ukiumullu naatsorsuutit naammassineqarneranni kiisalu killiffimmik naatsorsuutinik misissuinerni aningaasaatit tigoriaannaat naatsorsuutinut allanneqarsimasut bankit paasissutissiissutaat malillugit imminnut naapertuuttunngorlugit misissorneqartassapput.

·Bankimut piginnaatitsissutit, akiliisinnaatitaanerit, atuisut, atuuffiit aamma aningaasat annertussusaannut killiliussat pillugit takussutissiaq nakkutigineqartoq nutarterneqartuassaaq.

·Atorfininnermi, atorfimmik allannguinermi imaluunniit atorfeqarunnaarnermi bankimut isersinnaatitaanerit pilersinneqarnissaat, allanngortinneqarnissaat matuneqarnissaallu ataqatigiissaarneqartassapput.

·Atuisinnaatitaanerit piffissakkaartumik misissorneqartassapput, aqutsisullu akuersissuteqarnerat uppernarsarneqartassalluni.

·Aqutsisut suliatigullu attuumassuteqartut suleqatigalugit bankip sullississutaanik naliliinermut aqutsinermullu peqataasoqartassaaq.

·Kontonik pilersitsinermi imaluunniit matusinermi uppernarsaatit ataqatigiissaarneqartassapput, isumaqatigiissutillu eqqortumik toqqorneqarnissaat qulakkeerneqartassalluni.

·Kukkunersiuisut oqaaseqaataat malitseqartinneqartassapput, bankimullu tunngasut pillugit iliuusissanut pilersaarusiortoqartassalluni.

·Kommunimi sulisut akiliisarnerup ingerlanera, bankimut uppernarsaatit kiisalu aningaasaqarnermut paasissutissanik isumannaatsumik isumaginninnissaq pillugit siunnersorneqartassapput.

·Pisariaqartitsineq naapertorlugu suliassa

Ilinnik naatsorsuutigisagut:

Sulianut tunngatillugu piginnaasat

·Naatsorsuuserinerup, aningaasaqarnerup, finansip imaluunniit pisortat ingerlatsiviini allaffissornerup iluani ingerlaqqiffiusumik attuumassuteqartumik ilinniagaqarsimanissaq, assersuutigalugu Financial Controlleritut, finansøkonomitut, finansbacheloritut, aningaasaqarnermik isumalluutinillu aqutsinermik akademiuddannelse, HD imaluunniit taakkununnga assingusumik ilinniagaq.

·Tamatumunnga taarsiullugu attuumassuteqartumik allaffimmiutut ilinniagaqarsimanissaq, bankimi, naatsorsuuserinermi imaluunniit kommunimi naatsorsuutinik suliaqarnermi annertuumik uppernarsarneqarsinnaasumillu misilittagaqarnermik ilaqartoq.

·Bankimi naatsorsuutit imminnut naapertuutsinnerannik, akiliinermut filinik, aningaasat tigoriaannaat pillugit takussutissianik, balancekontonik aammalu piffissap naatsorsuusiorfiusup naanerani naammassinninnermik misilittagaqarneq.

·Debet kreditilu, akiliisarnerup ingerlanera, suliassanik immikkoortitsineq aamma piginnaatitsissutit pillugit pitsaasumik paasinnissinnaaneq.

·Pisortat aningaasaqarnerannik, kukkunersiuinermik, paasissutissanik isumannaallisaanermik aammalu akiliinermi peqquserluttoqarsinnaaneranik pinaveersaartitsinermik ilisimasaqarneq iluaqutaassaaq.

·Excelimik pitsaasumik atuisinnaaneq kiisalu aningaasaqarnermut systeminik aamma bankimut elektroniskiusunik aaqqiissutinik misilittagaqarneq.

Inuttut piginnaasat

• Marlunnik oqaaseqartoq, kalaallisut danskisullu.

• Danskisut kalaallisut erseqqissumik attaveqarsinnaasoq.

·Aaqqissussaalluartumik suleriaasilik, misissueqqissaarsinnaasoq nikallujuitsorlu.

·Paasiuminartumik ingerlatitseqqiisinnaasoq nikallujuitsorlu.

·Qaffasissutit assigiinngitsut akimorlugit suleqateqallaqqissoq.

Akissarsiat atorfinitsitaanermilu atugassarititaasut:

· Akissarsiat atorfinitsitaanermilu atugassarititaasut atorfininnerup nalaani Naalakkersuisut kattuffiullu isumaqatiginninniarsinnaatitaasup akornanni isumaqatigiissut atuuttoq naapertorlugu aalajangersarneqassapput.

· Atorfimmut atatillugu inissaqartitsisoqanngilaq.

Atorfimmut atatillugu inissaqartitsisoqarsinnaanngilaq. 

Attavissaq:

Atorfik pillugu apeqqutissaqaruit naatsorsuerinermut pisortaq Susie Lennert oqarasuaat 38 76 68, e-mail sule@avannaata.gl, imaluunniit ataqatigiissaarisutut aqutsisoq Adam Maratse oqarasuaat 38 76 17, e-mail adam@avannaata.gl attaveqarfigisinnaavat.

Qinnuteqaat ilinniarsimanermut siusinnerusukkullu suliffigisimasanut paasissutissartalik, soraarummeernermut uppernarsaatit assilinerinik il.il. ilanngussiffigalugu, ”Atorfik una qinnuteqarfigiuk”-mik toorsinikkut nassiunneqassaaq.

Qinnuteqarnissamut killissarititaasoq: oktobarip 16.-at, 2026