Meeqqanut, Inuusuttunut Ilaqutariinnullu inatsisitigut allanngueqataanermut sulianut peqataarusuppit? Meeqqanut, Inuusuttunut Ilaqutariinnullu Naalakkersuisoqarfik Inatsisilerituutut fuldmægtigimik pissarsiorpoq

Inatsisilerinermik suliaqarnissat soqutigisarilluinnarpiuk, naalakkersuinikkullu aalajangiisarnerit qanillugit suliaqarusullutit, aammalu meeqqanut, ilaqutariinnut aamma ulluunerani neqeroorutaanut suliassaqarfimmi inatsisit ilusilersueqataaffigalugillu allanngueqataaffigerusuppigit? Taamaappat atorfimmik soqutiginartumik neqeroorfigisinnaavatsigit.

Isumaginninnermut inatsisit, nunani tamalaani isumaqatigiissutit, periusissiat suliniutillu iluanni naalakkersuinikkut anguniakkat piviusunngortinnissaannik Meeqqanut, Inuusuttunut, Ilaqutariinnullu Naalakkersuisoqarfimmi suliaqartarpugut. Suliassavut ilaatigut tassaapput meeqqat inuusuttullu ikiortariallit aamma suli atualinngitsunut suliassaqarfiup nukittorsarnissaannut inatsisinik suliaqarneq.

Meeqqanut, Inuusuttunut Ilaqutariinullu Naalakkersuisoqarfimmi inatsisilerituutut sulininni suliassaqarfimmut Inatsisartut inatsisissaattut nalunaarutissaattullu siunnersuutinik piareersaallutillu suliaqartassaatit, aammalu Namminersorlutik Oqartussat suliassaqarfimmi nunani tamalaani isumaqatigiissutinut ilanngunnissaannut siunnersuutinik suliaqartassallutik. Aamma politikkikkut sullissisassaatit aammalu inatsisit nassuiarnissaannut inatsisillu ataatsimut isigalugit apeqqutinut tunngatillugu politikerinit, innuttaasunit, kommuninit oqartussaniillu allanit saaffiginnissutit akissuteqarfigisarlugit.

Suleqatigiit amerlanngitsut suleqataaffigilissavatit, tassaasut fuldmægtigit/immikkut siunnersortit marluk aqutsisunut allattoqarfimmi allaffimmi pisortaq toqqaannartumik attaveqarfigalugu. Tamatuma saniatigut Naalakkersuisut naalakkersuisoqarfii akimorlugit suleqateqartassaatit, taakkunani inatsisilerituut pikkorissorpassuit inatsiseqarnermullu pisortaq atorfeqarlutik. Tassanilu namminerisamik suliassaqartinneqassaatit aallaqqaataaniillu annertuumik sunniuteqaqataasinnaassallutit. Sulineq tamatigoortuuvoq immikkoortortaqarfiillu, suliatigut killigititat aamma kulturit akimorlugit suleqatigiinnissamik pisariaqartitsiffiulluni, kiisalu namminerisamik suliaqarfigisannut nammineerlutit akisussaaffimmik tigusinissat pisariaqassalluni.

Neqeroorutigaagut

• Jurap nalinginnaasumik isumaginninnermullu suliassaqarfimmi aalajangersimasumik atornerata pikkoriffigilernissaanut periarfissaqarneq

• Naalakkersuinikkut ingerlatsineq qanillugu ulluinnarni sulineq

• Unammilligassat soqutiginartut allanngorartullu

• Ullormit siullermit akisussaaffeqartitaaneq sunniuteqaqataasinnaanerlu

• CV-gissaarneq

• Sullivik pitsaasunik suleqateqarfiusoq atugarissaarnissamillu pingaartitsiffiusoq persuarsiunngitsumillu oqaloqatigiiffiusoq

Suliassatit

• Inatsisissanut piareersaanermik suliaqarneq, tamatumunnga ilanngullugit inatsisissatut siunnersuusiornerit nalunaarutinillu suliaqarneq

• Naalakkersuinikkut siuttunut aalajangiinissamut tunngavissat pitsaassusaannik qulakkeerinninnissamut suleqataaneq naalakkersuinikkullu aalajangiinernik atulersitsineq

• Inatsisinut tunngasunik siunnersuineq

• Inatsisitigut ajornartorsiutinut tunngatillugu allakkianik suliaqarneq

• Politikkikkut suliassat pillugit, soorlu periusissiat, iliuusissat pillugit pilersaarutit nassuiaatillu pillugit naalakkersuisoqarfimmi immikkoortortaqarfinnik allanik suleqateqarneq

• Isumaginninnermut Aqutsisoqarfimmik aamma Namminersorlutik Oqartussani immikkoortortanik allanik suleqateqarneq

Naatsorsuutigisagut

• Cand.jur.-itut, cand.merc.jur.-itut imaluunniit naapertuuttumik ilinniagaqarneq (Juramut bachelorit aamma qinnuteqarsinnaapput)

• Inatsisinut tunngasunik suliaqarnermik misilittagaqarneq, isumaginninnerup aamma pisortat inatsisiliornikkut suliaqarfiisa iluanni misilittagaqaraanni iluassaaq piumasaqaataanngilarli

• Aaqqissuussaanermi politikkikkut aqunneqartumi sulinermik misilittagaqarneq iluassaaq, piumasaqaataanngilarli

• Namminersorluni akiusussaaffimmik tigusisinnaaneq namminersorlunilu sulisinnaaneq

• Suleqatigiinni sulinermik suliaqarfiillu assigiinngitsut akimorlugit sulinermik pingaartitsineq

• Suliassanut suleqatinullu ammasumik nuannersumillu pissuseqarneq

• Piffissaliussat pitsaassuserlu ukkataralugit aaqqissuulluakkamik suleriuseqarneq

• Allannguutinut piareersimasoq suleqatiginninniartorlu

• Kalaallit Nunaanni inuiaqatigiinni pissutsit kulturilu ilisimasaqarfigigaanni iluassaaq, piumasaqaataanngilarli

Qinnuteqarnissamut killigititaq

9.maj 2025 nal: 12.00

Atorfininneq ulloq: 

1.august 2025 imaluunniit isumaqatigiinnissuteqarnikkut.

Atorfik pillugu allanik apeqqutissaqaruit immikkoortortaqarfimmi pisortaq Susanne Qvist-Aaen sulq@nanoq.gl-imut allaffigisinnaavat imaluunnit oqarasuaatikkut +299 220303-mut sianerfigalugu. Eqqaamallugu Danmarkimit sianissaguit nalunaaqutaq akunnernik pingasunik nikingammat.

Tusarfiginissat qilanaaraarput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk