PAASISSUTISSAT
Atorfiup suussusaa: Mælkebøttecenterip Najugaqatigiiffittaavanut Ailimut arfineq marlunnik sulisussarsiorneq
Suliffeqarfik:Mælkebøttecentret
Qinnuteqarfissamut killigititaq: 20 juni 2025
Attavissaq:Leder for Bo-enheden Aili: Arnajaraq Hammeken, tlf.nr. +299 36 21 13 imaluunniit e-mail: hammeken@mb.gl.
Meeqqat inuusuttullu inuttut atugaannik
pitsaanerulersitseqataarusuppit? Taava illiusinnaavoq Najugaqatigiiffimmi
Ailimi suleqataasussatut ujartugarput. 1. aggusti atorfininneq pissaaq. Atorfik
sapaatip-akunneranut 40 tiimiuvoq.
Aili pillugu:
Aili najugaqatigiiffiuvoq nutaaq Mælkebøttecenterip
ataaniittoq, tassanilu meeqqat 0-3-nut ukiullit inuuniarnikkut
ajornartorsiortut sullinneqassapput. Anguniagaraarput siusissukkut meeqqat
ineriartornerat atugarissaarnissaallu pitsaasumik iliuuseqarfiginissaata
qulakkeernissaa. Sulinitsinni pamersaanikkut tunngavigaagut atassuteqarneq
eqqarsaqqissaarnerlu, tassanilu qanilaarneq, aalaakkaasuuneq
toqqissisimanissarlu pingaartippagut.
Suliassatit:
- Meeqqat
0-3-nut ukiullit ulluinnarni isumassorlugillu tapersersornissaat.
- Meeqqat
qanigisaasa qanimut suleqatiginissaat aammalu angajoqqaatut piginnaasaannik
ineriartortitsinermi tapersersuinissaq.
- Ataavartitsinissaq
toqqissisimatitsinissarlu qulakkeerniarlugit sivittajaamik sulisinnaaneq (ass.
ullut sisamat tulleriisillugit ullukkorsiorneq / unnukkorsiorneq).
- Nalunaarusianik
allanneq aammalu paasiniaaqqinnissamut sullissinissamullu atugassanik
nakkutilliisarnissaq.
- Pamersaanermut
atatillugu meeqqanut ineriartuutaasinnaasunik sammisassanik
pilersaarusioqataaneq peqataasarnissarlu.
- Tarnikkut
katsorsaasut, inunnik sullissisut allanillu tamakkuninnga attuumassuteqartunik
suleqateqartarnissaq.
Suleqat pissarsiarerusutarput:
- Meeraaqqanik aammalu / imaluunniit meeqqanik
inuuniarnikkut ajornartorsiutilinnik suliaqarnermik misilittagalik.
- Perorsaasutut, inunnik sullissinermik
peqqinnissalluunniit iluani ilinniagalik.
- Aaqqissuussamik sulisinnaasoq eqqortunillu
nalunaarusiorsinnaasoq.
- Qajannaatsoq, paasinnilluarsinnaasoq aammalu
atassuteqarnernik toqqissisimanartunik pilersitsisinnaasoq.
- Sivittajaamik sulisinnaasoq piffissanilu
allanngorartuni sulisinnaasoq.
- Meeraq atugarissaaqqullugu aalaakkaasuunissap
ataavartitsinerullu pingaassusaannik paasinnilluartoq.
- Suleqataalluarsinnaasoq suliassaqarfiillu
akimorlugit sulisinnaasoq.
- Marlunnik oqaaseqarneq (kalaallisut /
qallunaatut), piumasaqaataanngilarli.
Neqeroorutigaagut:
- Atorfik isumaqarluartoq meeqqallu minnerit
inuunerannik allannguisinnaallutit.
- Suliaqarfimmik nukittuumik
avatangiiseqartitsineq, ineriartornissamut sulisunillu oqaloqateqartarnissamut
(supervision) periarfissiisarnerit.
- Suliat iluanni sammisaqarluni
naapeqatigiittarnerit.
- Suleqatit soqutiginnittut illullu avataani
sulialinnik qanimut suleqateqartarneq.
- Iliuusissat nutaat pingaarutillillu
ineriartortitseqataaffiginissaannut periarfissiisarnerit.
- Ingerlaavartumik piginnaasatigut
ineriartortitsineq sulianillu avitseqatigiittarneq.
- Sulinermut atukkat pitsaasut, soorlu peqqinnissap
iluani sillimmateqartitsineq, utoqqalinersiutit aammalu timigissarneq.
- Pisinnaasat malillugit aningaasarsiaqartitsineq
– immikkut isumaqatigiissuteqarnerit imaluunniit isumaqatigiissutit atuuttut
naapertorlugit.
- Perorsaasunut NPK-mi isumaqatigiissutit
atuutissapput.
- Atorfimmut atatillugu ini
neqeroorutaasinnaavoq.
Mælkebøttecenterimut aammalu Najugaqatigiiffik Ailimut
tunngatillugu annertunerusumik paasissutissat www.mb.gl -imi
atuarneqarsinnaapput.
Qinnuteqaat:
Qinnuteqaatit, CV paasissutissallu allat kingusinnerpaamik
junip 20-iani 2025 uunga nassiutikkit: info@mb.gl.
Atorfik pillugu apeqqutissaqaruit Najugaqatigiiffik Ailip
aqutsisuata attaveqarfiginissaanut tikilluaqqusaavutit: Arnajaraq Hammeken,
oqarasuaat +299 36 21 13 imaluunniit e-mailimut: hammeken@mb.gl
Tusagaqarfiginissat qilanaaraarput!
