MIO pissarsiorpoq meeqqanut tunngasunik siunnersortimik meeqqanik peqataatitsinermik suliaqartussamik

MIO pissarsiorpoq meeqqanut tunngasunik siunnersortimik meeqqanik peqataatitsinermik suliaqartussamik.

Meeqqat pisinnaatitaaffii pillugit suliniuteqarnermik aallussisuuit meeqqanillu peqataatitsinermik misilittagaqarlutit? Taava immaqa illit ujartorpatsigit.

MIO meeqqanik ilisimasalimmik siunnersortimik aallussisumik ujartuivoq, taanna ilaatigut suliniummi Kalaallit Nunaanni meeqqat nipaat: Kinguaariinnik ukkataqarneq -mi inissisimassaaq. Suliniummi meeqqat isiginnittaasii qitiutinneqassapput, ulluinnarnilu meeqqat misigisartagaat – angerlarsimaffimmi, atuarfimmi sunngiffimmi, digitalimilu ataatsimoorfinni – itisilerneqassallutik. Suliniut LEGO-p aningaasaateqarfianit aningaasalersugaavoq, suliniutillu ingerlanneqarnerani assigiinngitsorpassuit suleqatigineqassallutik.

MIO pillugu

Naalagaaffiit Peqatigiivisa Meeqqat pillugit isumaqatigiissusiaata Kalaallit Nunaanni ilisimaneqarnerata siammarterneqarnissaa aammalu meeqqat atugarisaasa pitsanngorsarneqarnissaat MIO-p suliniutigaa. Suleqatigiit ikitsunnguit tunniusimasullu suleqatiginerisigut suliassaqarfiit assigiinngitsut akimorlugit qanimut suleqatigiinnikkut pitsaanerpaamik angusaqaqatigissavatsigut. Meeqqanik ilisimasalimmik siunnersortitut sulininni meeqqanik peqataatitsinissamut suliniuteqarnerput pitsanngorsaaqataaffigissavat qulakkiissallugulu suliatsinni suliniutigisatsinnilu meeqqat qitiusumik inissisimatinneqarnissaat.

Suliassatit

Meeqqanik ilisimasalittut siunnersortitut, MIO-mi sulisut allat peqatigalugit, suliatsinni meeqqat peqataatinneqarnissaannut ineriartortitsinermi akisussaasutut inissisimassaatit. Ilaatigut uku suliarisassavatit:

• Suliatsinni ass. Meeqqanut workshoppertitsinermi Meeqqallu Isummersorfiini meeqqanik peqataatitsinermik ineriartortitsineq atuutilersitsinerlu

• Meeqqat inuusuttullu pillugit paasissutissanik katersinermi misissuinermilu peqataaneq

• MIO-p suliniutaanik ineriartortitsinermi suliaqarnermilu peqataaneq, ingammik meeqqat isiginnittaasiat pineqartillugu

• Suliarineqartut pitsaassusaannik qulakkeerinninneq isumasioqatigiinnerlu

• MIO-mi allaffissornikkut suliassanik suleqataaneq

• Sammisassani workshoppertitsinernillu pilersaarusiorneq ingerlatsinerlu

• MIO-p suliaanut aammalu Meeqqat oqaaseqartartuannik kiffartuussinermi suleqataaneq

Illit pillutit

Meeqqanik ilisimasalittut siunnertorti ujartugarput:

• Naapertuuttumik ilinniagaqarneq (ass. Ilinniartitsisoq, perorsaasoq assigisaaluunniit)

• Meeqqanik peqataatitsinermik misilittagaqarneq

• Torersumik suleriuseqartoq suliallu assigiinngitsut ataatsikkut ingerlassinnaallugit

• Meeqqat inuusuttullu pillugit siammasissumik paasinnittaaseqarneq

• Attaveqallaqqissoq, allakkatigut oqaluttariarsornikkullu

• Kalaallisut qallunaatullu oqalussinnaallutillu allassinnaassaatit

• Suliassaqarfimmi assigiinngitsunik suliaqarfiusumi ineriartortumilu nuannersumik sulisinnaasoq

Neqeroorutigisinnaasarput

• Suliffeqarfimmi pissanganartumi pingaarutilimmillu suliaqarfiusumi suleqatigiinnik aallussisunik suleqatigiiffiusumi atorfik

• Meeqqat inuunerminni atugarisaannik ukkataqarluni suliniuteqarnerni pingaarutilimmik inissisimaneq

• Suleqatigiinni aallussiffiusumi suliassatigullu isummersoqatigiiffiusinnaasumi ineriartortumi suleqataaneq

Atorfik

Suliniut pillugu atorfinitsitsisoqassaaq, taannalu qaammatinik 21-nik sivisussuseqarpoq, sivitsuisoqarsinnaanera periarfissaassaaq.

Ulloq atorfiniffissaq: 1. januaari 2025.

Assigiinngisitaarneq

MIO-mi assigiinngisitaarneq nukittut isigineqarpoq, taamaattumik piukkunnartut qanorluunniit suiaassuseqaraluarunik, ukioqaraluarunik, innarluuteqaraluarunik, upperisaqaraluarunik, atoqatigeeriaaseqaraluarunik inuiaassuseqaraluarunilluunniit atorfimmut qinnuteqarnissaat kaammattuutigaarput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk