Neriuffiit Kattuffiat isumaginninnermik siunnersortimik pissarsiorpoq

Neriuffiit Kattuffiata illutaassaa naammassilerpoq, taannalu 2026-mi juunimi naammassineqassasoq naatsorsuutigineqarpoq, taamaattumik Isumaginninnermut siunnersortimik tunniusimasumik nammineersinnaasumillu atorfimmut nutaamik pilersitsisussamik pissarsiorpugut.

Atorfik uagutsinnut nutaajuvoq, taamaattumillu isumaginninnikkut suliniutitta ineriartortinnissaannut pilersaarusiornissaannullu pingaarutilimmik inissisimassaatit.

Atorfik pillugu

Illumi atuisugut amerlasuut naatsorsuutigineqanngitsumik aammalu naatsorsuutigineqarsinnaanngitsumik inissisimalersimapput aammalu isumaginninnerup iluani pisinnaatitaaffitsik pissutsillu pillugit apeqqutissaqartarlutik. Illit tusarnaarsinnaasariaqarputit siunnersuisinnaallutillu suliassaqarfimmi siammasissumi. Tassani atuisut qularnanngitsumik sattaasertutut misigisimanermik aammalu kræfteqarlutik inuunerup kingunerisaanik allanngornernik eqqarsaatersulersimasut oqaloqatigineqartarnissaat naatsorsuutaassaaq.

Suliassat ilaatigut ukuussapput:

• Suleqatigiinni pingaarnertut isumaginninnermut suliaqartartuunissaq

• Siunnersuineq tapersersuinerlu, suliffimmut tunngatillugu, napparsimasut pisinnaatitaaffii, naammagittaalliorsinnaatitaaneq, qaningisat sulinngiffeqarsinnaatitaaffii il.il pilugit.

• Pisinnaatitaaffiit, isumaginninnikkut atugassarititaasut aamma qinnuteqaatit pillugit ilitsersuineq

• Pisortat oqartussaasuinut attaveqarneq suleqatigiinnerlu

• Illorsuatsinni nutaami inunnik isumaginninnermut pilersaarummik aaqqissuussamillu suliaqarneq

• Siunnersuinermut aamma suliniutinut atatillugu allaffissornikkut suliassat, tapiissutinik qinnuteqaatinik suliaqarneq

Ujartugarput tassaavoq:

• Isumaginninnermi siunnersortitut ilinniarsimasuussaatit

• Kalaallisut oqalussinnaallutillu allassinnaallutit

• Pitsaassaaq danskisut oqalussinnaaguit allassinnaallutillu

• Nammineerluni aamma aaqqissuussamik sulerusussuseqartutit

• Inunnik ajornartorsiorfiusuni misiginneqataaneq paasinninnerlu pigissagitit

• Suleqatigiilluarsinnaassuseqarsinnaalluartutit

Neqeroorutigissavarput:

Atorfik isumaqarluartoq inuiaqatigiinni pingaaruteqarluinnartoq

Nutaamik periarfissarsiornissamut ujartuiffiusinnaasoq.

Suliffimmi imminut tunniusimasumik aammalu naleqartitsinermik tunngaveqartumik

Illutsinni nutaami suliniutit ineriartortinneqarnerannut sunniuteqarsinnaaneq 

Suliffissat:

Ataasinngornermiit tallimanngornermut nal. 8:00–16:00. Taamaattorli piffissat taaneqartut avataanni sammisassaqartitsisoqartarsinnaavoq.

Qinnuteqaatit cv-ilu uunga nassiussinnaavat: neriuffik@gnet.gl

Qinnuteqarfissaq kingulleq 27. marts 2026, atorfininnissaq 1. maj 2026 imaluunniit isumaqatigiinnikkut

Apeqqutissaqaruit Neriuffiit Kattuffiani allaffimmi pisortaq Maannguaq H. Berthelsen mobil: 490489 imaluunniit Neriuffik Kattuffiata siulittaasua Inger Eriksen mobil: 527114

Ilisimatitsissutigissavarput atorfimmut inissiamik neqeroorsinnaannginnatta.