Nittarsaassinermi ataqatigiissaarisoq

FAKTA

Atorfiup suussusaa: Nittarsaassinermi ataqatigiissaarisoq

Suliffeqarfik: KNI

Qinnuteqarfissamut killigititaq: 3. december

Attavissaq: Markus Falksen, attavigineqarsinnaavoq oqarasuaatikkut: 86 23 27, mobil: 52 71 66 imaluunniit mailikkut: mfa@kni.gl.

KNI-p pisiortornermut assartuinermullu immikkoortortaqarfia Sisimiuni kiffartuussivimmi sulisussamik ulloq 1. januar 2027 isumaqatigiissuteqarnikkulluunniit sulilersussamik nittarsaassinermi ataqatigiissaarisussarsiorpoq.

Nittarsaassinermut ataqatigiissaarisutut nittarsaassinermi tuniniaanermilu ingerlatatta pilersaarusiornerannut, ataqatigiissaarnerinut malinnaaviginerinullu pingaarutilittut suliassaqassaatit. Neqeroorutit aviisitaat, neqeroorutissat nittarsaassinermilu ingerlatassat allat suliarilluarneqarnissaannut piffissarlu eqqorlugu suliarineqarnissaannut suleqataassaatit.

Tuniniaanermik pisiortornermillu suliallit, pisiniarfigut, pisiortortarfigut suleqatigisartakkagullu avataaneersut qanimut suleqatigissavatit. Suliffeqarfiup iluani immikkoortortaqarfiit tamaasa akornanni pitsaasumik attaveqaqatiginissaasa qulakkeernissaanut pingaarutilittut attaveqaataassaatit.

Nittarsaassinermut ataqatigiissaarisutut pisiortornermi assartugalerinermilu pisortaq qaninnertut pisortarissavat. 

Nittarsaassinermi ataqatigiissaarisutut akisussaaffigissavatit:

· Nittarsaassinermi tuniniaanermilu ingerlatanik, ataqatigiissaarinermik allanillu nittarsaassinermi ingerlatanik pilersaarusiorneq ataqatigiissaarinerlu

· Ingerlatassat neqeroorutissallu ullorsiutitaannik nutarsaasarneq neqerooruteqarnikkullu angusanut uterfiginnittarneq

· Pisiniarfinnut, tuniniaanermik pisiortornermillu immikkoortortaqarfinnut suleqatigisartakkunullu avataaneersunut ataqatigiissaarineq attaveqaqateqarnerlu

· Pisiortortarfinnut isumaqatigiissutinik pisinarfinnullu akiliutaasartunik malinnaaviginninneq

· Ataatsimiiffissanik nittarsaassinissamullu ingerlatassanut suliassanullu allanut takkussuuttunut piareersarneq ataqatigiissaarinerlu

Naatsorsuutigaarput, illit:

· Pisiniarfeqarnermut, neqeroorutissanut pilersaarusiornermut tuniniaanermullu ingerlatsinissamut paasisimasaqassasutit

· Ataqatigiissaarilluarsinnaassuseqartutit kiisalu pilersaarusiornermut ingerlatallu malinnaaviginissaannut misilittagaqartutit

· Immikkoortortaqarfinnut tamanut suleqatigisartakkanullu avataaneersunut attaveqaqateqallaqqissutit suleqateqallaqqissutillu

· IT-qarnermut piginnaasaqarluartutit, ilaatigut Office pakkemut nittarsaassinermullu atortakkanik naleqquttunik ilisimasaqartutit

· Tuniniaanermi paasissutissanik atuillutit suliaqarsinnaalluartutit kiisalu noqqaasarfinnut isumaqatigiissutinik akinullu tunngasunik paasisimasaqartutit

Atorfinittussamut neqeroorutigaagut:

· Piginnaasat naapertorlugit isumaqatigiissuteqarnikkut akissaateqartitaaneq

· Atorfimmut atatillugu inissaqartitsisoqanngilaq

· Piginnaanngorsarnissamut ineriartornissamullu periarfissat pitsaasut

· Ulluinnarni ulapaarfiusumi atorfik soqutiginartoq

· Atorfik assigiinngitsunik suliassaqarfiusoq suliffeqarfimmilu tamaneersunik qanimut suleqateqarfiusussaq

Atorfik pillugu paasisaqarnerorusukkuit pisiortornermi assartugalerinermilu pisortaq, Markus Falksen, attavigineqarsinnaavoq oqarasuaatikkut: 86 23 27, mobil: 52 71 66 imaluunniit mailikkut: mfa@kni.gl.

Qinnuteqaat

Qinnuteqaat, ilinniarsimanermut siusinnerusukkullu sulisimanermut nalunaarsukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 3. december 2026.

Qinnuteqaat uunga nassiunneqassaaq:
KNI A/S

HR-afdelingen

Postboks 319

3911 Sisimiut

E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartortoqarpoq. KNI aamma ineriartorfiuvoq, tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna isorartoorujussuaq ataatsimoortinneqarpoq.

Kiffartuussivik Kalaallit Nunaanni illoqarfiit anginersaasa tulliani Qaasuitsup eqqaaniittumi inissisimavoq. Kalaallillu Nunaat tamakkerlugu 900-t eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuatsinnut tunngatillugu paasisaqaraanni aamma Kalaallit Nunaata oqaluttuarisaanera nutaajunerusoq, inuiaqatigiinni aaqqissuussaaneq ineriartornermullu tunngatillugu paasisaqarfiussaaq.

Akisussaaffinnut suliassanullu pissangaartunut tikilluarit. KNI-p silarsuaanut tikilluarit.

Powered by Labrador CMS