Atorfik pillugu
Paasissutissat
Atorfiup suussusaa: Inatsisinut Ataatsimiititaliamut inatsisileritooq (cand.jur.)
Suliffeqarfik: Bureau for Inatsisartut
Qinnuteqarfissamut killigititaq: 14. decembari 2026
Attavissaq: Mikaela Augustussen,
e-mail: mika@ina.alla.gl,
Oqarasuaat: +299 34 61 26
Suleqatitaatsitut Inatsisinut Ataatsimiititaliap allattaa peqatigalugu ataatsimiititaliap sullinnissaa ikorfartornissaalu pingaarnertut suliassarissavatit. Ataatsimiititaliap sulinerani suliat qaffasissumik pitsaassuseqarnissaannik qulakkeerinneqataassaatit, tassungalu ilaapput ataatsimiititaliap atortussaanik ataatsimiissutissaanillu suliarinninneq, inatsisissatut siunnersuutinik misissuineq aammalu ataatsimiititaliap allagaataanik allanik suliarinninneq.
Tamatuma saniatigut ataatsimiititalianut allatseqarfimmi pingaarutilittut suleqataassaatit aammalu piffissani ulapiffiusuni ataatsimiititaliat allat sullinneqarneranni ataatsimiititalianullu allatsit suleqatigiit suliassanik allanik ingerlatsineranni ikiuuttarnissat naatsorsuutigineqarluni.
Ataatsimiititalianut allatseqarfik
Ataatsimiititalianut allatseqarfimmi ataatsimiititaliat suliassaqarfiisa iluini Inatsisartunut ilaasortanut kinaassusersiunngitsumik, arlaannaannulluunniit attuumassuteqanngitsumik aammalu suliamut ilisimasaqassuseqartumik siunnersuinermik suliaqarpugut kiisalu ilaasortat siunnersuutaannik suliaqarnermi suliatigut ikiuuttarluta.
Suliassat assigiinngiisitaarput, soorlu ataatsimiititaliat ingerlataannut atatillugu suliassat nalinginnaasut, isumaliutissiissutissanut missingiusiornerit kiisalu ataatsimiititaliamut ataatsimiititaliamillu allakkat kiisalu ataatsimiititaliap ataatsimiinnissaanik angalanissaanillu pilersaarusiornerit taakkunanilu peqataanerit. Kiisalu inatsisissanik nalilersuisarfimmi suleqataanissat naatsorsuutigisariaqarpat.
Namminersorlutit suliassanik ingerlatsisinnaanissat aammalu Inatsisartut ataatsimeeriaasiannik suleriaasiinillu malinninnissamut piareersimanissat pingaartipparput. Ingerlatitseqqinnissamut oqaasertalersuinissamullu pitsaalluinnartumik piginnaaneqarnissat naatsorsuutigaarput. Tamatuma saniatigut inuttut nukittuujunissat, sunniuteqarsinnaassuseqarnissat suliffeqarfimmilu naalakkersuinikkut aqunneqartumi sulinissami qanilaartuunissat naatsorsuutigaarput. Piffissat ilaanni annertuumik suliaqartarnissaq atorfimmi naatsorsuutigineqarpoq.
Akerlianik neqeroorutigaagut suliffimmi avatangiisit naalakkersuinikkut aalajangiisartut qanimut persuarsiornanngitsumillu attaveqarfigineqarnerannik imaqartut aammalu isumaqatigiissutit atuuttut naapertorlugit aningaasarsiaqarnermut tunngasut unammillersinnaassuseqartut kiisalu atorfininnermi soraarnermilu angalaneq, pequttat nuunneri inissiarlu (pequtsersugaanngitsoq).
Malugeqquneqarpoq taassuminnga atorfeqassagaanni naalakkersuinikkut soqutigisanik ingerlatsisoqarsinnaanngimmat qanittukkulluunniit ingerlatsisoqarsimassanani.
Suiaassuseq, suminngaanneerneq, upperisaq innarluuteqarnerluunniit apeqqutaatinnagit naligiissitaanerup siuarsarneqarnissaa Inatsisartut Allattoqarfiannit kissaatigineqarpoq.
Pisortani atorfimmit allamit allaffissornikkut misilittagaqarnissaq iluaqutaassaaq piumasaqaataananili.
Atorfininneq: 1. februar 2027 isumaqatigiissuteqarnikkulluunniit.
Qinnuteqarnissamut killiliussaq: 14. december 2026, oqaloqatigiinnerit ingerlaavartumik ingerlanneqassapput
CV-t soraarummeersimanermullu uppernarsaatit tamaasa, ilinniagaqarnermi angusat qaffasissusaannut nalunaarsuutit ilanngullugit qinnuteqaatinnut ilannguteqquneqarput.
Taakku uunga nassiunneqassapput: atorfik@ina.alla.gl
Danmarkimi sulinngiffeqarallarnissamut periarfissat
Naalagaaffimmi atorfillit aammalu AC-mik isumaqatigiissutit arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput. Kiisalu Kalaallit Nunaanni Namminersorlutik Oqartussani atorfininnermut atatillugu aningaasarsiaqarani sulinngiffeqarnissamik qinnuteqaatit akuersaartumik pissuseqarfigineqartarnissaannik Nunamut Namminermut Ministereqarfik kommuninut nunallu immikkoortuinut kaammattuuteqarpoq. Sulinngiffeqarsinnaatitaaneq pillugu aalajangersakkat katissimallugu aapparisamut/inooqatigisamut Namminersorlutik Oqartussani atorfinitsinneqartumut aamma atuupput.
Paasisaqarnerujumaguit: Paasissutissat annertunerusut nittartakkatsinni imaluunniit ataatsimiititalianut allatseqarfimmi immikkoortortami pisortamut
Mikaela Augustussenimut saaffiginninnikkut pissarsiarisinnaavatit, e-mail: mika@ina.alla.gl tlf.: +299 34 61 26
Inatsisartut
Postboks 1060
3900 Nuuk – Grønland
Tlf. +299 345000
www.inatsisartut.gl