Nunatsinni Ilisimatusarnermik Siunnersuisoqatigiinnut AC-fuldmægtigi/ Allatsi (Allagarsiuteqqitaq)

Nunanut Allanut Ilisimatusarnermullu Naalakkersuisoqarfimmi Ilisimatusarnermik ingerlatsiviup ataani allatseqarfimmi oktobarip aallaqqaataani imaluunniit piaarnerpaamik atorfinittussamik, Nunatsinni Ilisimatusarnermik Siunnersuisoqatigiit AC-fuldmægtigissarsiorput/allatsissarsiorput.

Aaqqissuussisimanermi suliatigut itisiliineq, suleqatigiinneq, inuiaqatigiinnilu pingaaruteqartut ukkatarineqarlutik, AC-fuldmægtigitut/ allatsitut atorfimmi ulluinnaat pissanganarlutillu unammillernarput. Siunnersuisoqatigiit suliaasa tapersersornissaannut, suliaqarfiillu pingaarutillit siumut ingerlanissaasa qulakkeerneqarnissaanut qitiusumik inissisimassaatit.

Atorfik pillugu

Kalaallit ilisimatusarnerat inuiaqatigiinnut iluaqutissanngorlugu siuarsarnissaanik, nukittorsarnissaanillu siunertaqarluni Kalaallit Nunaanni ilisimatusarnermik Siunnersuisoqatigiit nunap iluani, aamma arlaannaannulluunniit attuumassuteqarani ingerlatsiviuvoq. Qitiusumik suliassat marluk aqqutigalugit tamanna siunnersuisoqatigiit ingerlappaat: ilisimatusarnermut aningaasaliissutit atugassiissutigisarnerisigut, ilisimatusarnermillu suliaqarnermut aamma Ilisimatusarnermi politikkikkut apeqqutinut tunngatillugu aalajangiisartunut, soqutigisaqaqatigiinnullu siunnersuinikkut. Taassumap saniatigut ilisimatusarnermi nunat assigiinngitsut suleqatigiinnerinut Kalaallit Nunaata peqataanerata siuarsarnissaanut, ilisimatusarnerlu pillugu ingerlatitseqqiisarnerup nukittorsarneqarnissaanut siunnersuisoqatigiit peqataassapput, ilisimatusarnerullu inuiaqatigiinnut iluaqutaanissaa tapersersorlugu.

Inatsit atuuttoq naapertorlugu siunnersuisoqatigiit suliaannut allatsi ikiuutissaaq, naalakkersuisoqarfillu susassaqartoq aqqutigalugu Naalakkersuisut ataqatigiissaareqatigalugit siunnersuisoqatigiit, taakkualu siulersuisuisa takorluugaasa, anguniagaasalu piviusunngortinneqarnissaat sulissutigalugu.

Aaqqissuussaanikkut allatsi Nunanut Allanut Ilisimatusarnermullu Naalakkersuisoqarfimmi Ilisimatusarnermik ingerlatsiviup ataani atorfinitsinneqassaaq. Allatsip siunnersuisoqatigiit siulittaasua qaninnertut attavissaraa.

Minnerpaatut bachelorgrad-itut ilinniarsimallutit naleqquttumik ilinniarsimanissat naatsorsuutigaarput. Naleqquttumik misilittagaqarlutik immikkut piukkunnaateqarlutik qinnuteqartunut, immikkut siunnersortitut atorfinitsitsissanerluta nalilersinnaassavarput.

Suliassat

Suliassat ilaatigut tassaassapput:

• Siunnersuisoqatigiit ataatsimiinnissaannut suliassanik piareersaasiorneq, Siunnersuisoqatigiillu aalajangigaannik malitseqartitsineq.

• Ilisimatusarnermi aningaasat pillugit saqqummiussassamik pilersaarusiorneq, saqqummiussinerlu, matumani siunnersuisoqatigiit aningaasaataannik qinnuteqaatinik suliaqarneq, qinnuteqartunullu siunnersuineq ilanngullugit

• Siunnersuisoqatigiit ataatsimiinnerini imaqarniliorneq.

• Siunnersuisoqatigiit Ilisimatusarnermi politikkikkut aamma ilisimatusarnermi suliaqarnermut siunnersuisarneranik ineriartortitseqataaneq, matumani assersuutigalugu tusarniutinut akissutit, ilisimatusarnermilu politikkikkut suliat ilanngullugit

• Nunap karsianut missingersuusiorneq kiisalu akuerineqartussanik naatsorsuusiorneq

• Attaveqarnermi suliassat

• Ukiumoortumik nalunaarusiorneq, tusagassiorfinnut nalunaarusiornerit, allatigullu avammut attaveqarnissamut suliassat

• Siunnersuisoqatigiit nittartagaannik kiisalu nittartakkatigut inuit attaveqarfiinik oqaatsit pingasut atorlugit malinnaatitsineq

• Tulliuttunik suleqateqarluarnissap aaqqiissuunnissaa

• Naalakkersuisoqarfik susassaqartoq

• Nunat assigiinngitsut akornanni suliffeqarfiit Issittumi, Nunanilu Avannarlerni ilisimatusarnernut, ilisimatusarnermilu attaveqaasersuutinut aningaasaliisartut

• Ilisimatusartut

• Suleqatit, soqutigisaqaqatigiillu allat

Siunnersuisoqatigiit suliassaqarfiisa iluini allanik aamma suliassaqarsinnaavoq.

Atorfinitsitsinissami pingaartipparput

• Ilisimatusarnerup iluani piginnaasaqarneq, ilisimatusarnermilu politikkimut tunngasunik ilisimasaqarneq

• Kalaallit Nunaanni ilisimatusarnerup iluani systemimut aamma ilisimatusarnermi politikkimut, ajornanngippallu issittumi aamma nunani avannarlerni ilisimatusarnermik siammaseqisumik ilisimasaqarneq

• Ilisimatusarnermut aningaasaliisarnerup iluani, nalinginnaasumillu allaffissornermik piginnaasaqarneq

• Nunat assigiinngitsut akornanni ilisimatusarnikkut suleqateqarnerup iluani piginnaasaqarneq

•  Oqaasiinnaakkut, allattariarsornikkullu oqaasertaliisinnaassuseqarluarneq, matumani ilanngullu kalaallisut, qallunaatut, tuluttullu

Tassunga atatillugu kissaatigineqarpoq piukkunnartoq

• Nunanik assigiinngitsunik, najukkamilu suleqateqarnermi ilaatigooriarluni ulapaarfiusinnaasumi namminersorluni, siunnerfilimmik, aaqqissuussamik, peqqissaartumillu sulisinnaassuseqassasoq

• Suleqateqarluarsinnaassuseqassasoq, suliassaminullu aamma suliat ingerlanneqartarnerinut paasisimasaqarluassasoq

Atorfeqartoq siammasissumik aamma akimortumik, suliaqarfimmilu avataani sulisinnaassasoq naatsorsuutigineqarpoq. Taassumap saniatigut Nunatsinni Ilisimatusarnermik Siunnersuisoqatigiit ingerlataat atorfinittup ilisimatusarnermi politikkimut ataqatigiississinnaassavai, siunnersuisoqatigiillu ineriartorteqqinnissaannut siunnersuisinnaassalluni.

Neqeroorutigaarput

• Suliatigut ineriartornissamut periarfissagissaarluni qaffasissumik suliaqarfimmi atorfik unammillernartoq

• Annertuumik akisussaaffeqarneq, pitsaasumillu allanngueqataanissamut assinganik periarfissaqarneq

• Suliaqarfiup ineriartupiloortup iluani nammineersinnaassuseqarneq

• Suliaqarfik nunami, nunarsuarmilu pisunik annertuumik ukkataqartoq

Atorfimmi atorfeqaraanni angalasoqartassaaq.

Paasissutissat annertunerusut

Atorfik pillugu annertunerusumik paasissutissat, allaffimmi pisortamut Kunuk Holm-imut, oqarasuaammut +299 345127-mut, e-mailimut: khol@nanoq.gl-imut attaveqarnikkut pissarsiarineqarsinnaapput

Qinnuteqaat kingusinnerpaamik 2025-mi sapaat septembarip 21-iani nassiunneqarsimassaaq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk