Pineqaatissinneqarsimasunut inissiisarfimmi nakkutilliisunngorit

Pineqaatissinneqarsimasunut nakkutilliisunngorniarneq ukiuni marlunni sivisussuseqarpoq, ukulu piumasaqaataallutik:

• 21-inik ukioqalereersimanissaq
• Meeqqat atuarfianni soraarummeersimanissaq

Taakku saniatigut uku naatsorsuutigaavut:

• Marlunnik oqaaseqartuunissat, imaluunniit danskisut/ kalaallisut ilikkarusussuseqarnissaq
• Inuit ineriartornerannut soqutigisalik
• Eqqarsartaatsikkut nukittunissaq
• Eqqissisimasuunissaq aaqqiagiinngittoqartillugulu aalajangersimasuunissaq
• Suleqateqarluarsinnaanissaq

Pineqaatissinneqarsimasunut nakkutilliisunngorniarnissamut qinnuteqarnermi pinerluuteqarsimanermut nalunaarsuiffimmi misissorneqassaatit. Ilungersunartunik pinerluuteqarnikut Pinerluttunik Isumaginnittoqarfimmiit akuerisaaneq ajorput. Qinnuteqaatilli suliarineqarneranni pissutsit atuuttut sukumiisumik nalilersorneqartarput.

Atugassarititat

Illoqarfiginngisami atorfininnermi nuunnermut aningaasartuutit matussuserneqartarput. Atorfimmut atatillugu initaartoqarsinnaavoq.

Tjenestemanditut misiligummik atorfinitsinneqassaatit. Ilinniakkat naammassigukku tjenestemanditut soraarnerussutisiat ilanngullugit atorfinitsinneqassaatit.

Qinnuteqarniaruit

Qinnuteqarnissamut immersugassaq immikkut ittoq immersussavat. Immersugassaq aaiarlugu krfo@krfo.gl-imut nassiunneqassaaq. Qinnuteqaatit soqutigineqarpat misiliinermut oqaloqateqarnissamullu qaaqquneqassaatit. Misiliinermi qisuariarsinnaanerit aamma nukittuffiit nalilersussavagut aammalu pineqaatissinneqarsimasunut nakkutilliisunngorusunneranut suna pissutaanersoq oqaluuserissavarput. Misiliinissaq sioqqullugu ilitsersorneqassaatit.

Qinnuteqarnissamut immersugassaq aajuk: Qinnuteqarnissamut immersugassaq

Word-itut: Kriminalforsorgen qinnuteqaat word