Piviusut
Atorfiup suussusaa: Qaqortup Timersortarfianut pisortassarsiorneq
Suliffeqarfik: Qaqortup Timersortarfia
Qinnuteqarfissamut killigititaq: Sapinngisamik piaarnerpaamik
Attavissaq: Ejvind-David Jerimiassen oqarasuaatikkut +299 59 83 10 imaluunniit e-mailikkut ejvind_david@hotmail.com
Qaqortup Timersortarfiata siulersuisui timersortarfiup pisortassaanik tamatigoortumik tunniusimasumillu piaartumik atorfinissinnaasumik ujartuipput.
Qaqortup Timersortarfia suliffeqarfiuvoq nammineq pigisoq. Ulluinnarni sulisut aalajangersimasut marluupput: timersortarfiup pisortaa aamma timersortarfimmi ikiorti.
Naatsorsuutigaarput illit:
Naatsorsuutinut ilisimasaqartutit naatsorsuuserisinnaallutillu.
Tamakkiisumik isiginnissinnaassuseqartutit aamma suliassanik arlaqartunik ataatsikkut ingerlatsisinnaasutit.
Billersinnaanermut allagartamik atuuttuumik peqartutit (minnerpaamik kategori B)
Assigiinngissitaartunik ukiulinnik suleqateqarnissamut peqateqarnissamullu piumassuseqartutit.
Peqatigiiffilerinermik misilittagaqartutit.
Suliniuteqallaqqittutit, akisussaassuseqarlutillu namminersorsinnaassuseqartutit.
Aqutsisuunermik misilittagaqartutit.
Timersortarfiup eqqiluitsuunissaanik orniginartuunissaanillu suliaqassasutit.
Unammiuaarnissanut pilersaarnissamik aamma ingerlatsinissamik, kiisalu aaqqissuussanik suliniutinillu allanik ingerlatsinissamut misilittagaqartutit.
Timimik sungiusartarfimmik ingerlatsinermik misilittagaqartutit.
Kioskimik ingerlatsinermik, matumani pisiassanik inniminniinermik pisiortornermillu misilittagaqartutit.
Neqeroorutigaavut:
Suliffik pissanganartoq tamatigoortorlu, ulluinnarni inuppassuarnik attaveqarfiusoq, matumani meeqqat inuusuttullu.
Kommune, atuarfiit, timersoqatigiiffiit timersortarfiillu allat qanimut suleqatigineri.
Sapaatip akunnerani nalunaaquttap akunneri 40-t suliffiusut, sulinermi piffissamik nammineq pilersaarnissamut annertuumik kiffaanngissuseqarfiusoq.
Aaqqissuussanik ingerlatsinermi peqataaneq akisussaasuunerlu.
Sulisut inuusuttut 15-iniit 18-inut ukiullit qulit tungaannut amerlassusillit aqutsisutut akisussaaffigalugit.
Ulluinnarni timimik sungiusartarfiup ingerlanneranut akisussaaneq.
Akissarsianut atorfininnermullu pissutsit
Akissarsianut atorfininnermullu pissutsit Namminersorlutik Oqartussat aamma kattuffik isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Atorfinitsitsineq qaammatinik pingasunik misiliinertalimmik pissaaq.
Inissaqartitsineq
Ajoraluartumik atorfimmut atatillugu inissaqartitsisoqanngilaq.
Pinerlussimannginnermut aamma meeqqanik pinerliisimannginnermut allagartaq
Atorfik pineqartoq pinerlussimannginnermut uppernarsaatip meeqqanullu pinerliisiimannginnermut uppernarsaatip piniarneqarnissaat pillugit malittarisassanik ilaatinneqarpoq. Atorfinitsitsineq aatsaat pisinnaavoq siulersuisut Politiiniit pinerlussimannginnermut aamma meeqqanik pinerliisimannginnermut allagartamik naammaginartumik tigumasaqarsimatillugit.
Paasissutissat sukumiinerusut
Paasissutissanik sukumiinerusunik piumaguit siulersuisut siulittaasuat Ejvind-David Jerimiassen oqarasuaatikkut +299 59 83 10 imaluunniit e-mailikkut ejvind_david@hotmail.com attavigisinnaavat.
Qinnuteqarneq
Qinnuteqarnermi "Timersornarfimmi pisortaq" ilisarnaasigaassaaq, CV (suliffigisimasat allattorsimaffii), ilinniagarisimasanut naleqquttunut uppernarsaatit aamma siuliani suliffigisimasamit uppernarsaat ilanngunneqassapput, kingusinnerpaamik qinnuteqarnissamut piffissaliussap killigititaani qinnuteqaat tiguneqareersimassaaq.
Qinnutqaat e-mailikkut nassiunneqassaaq, qinnuteqaat CV-lu ilanngullugit.
