Sanarfinermut Avatangiisinullu Ingerlatsivik aningaasaqarnermut siunnersortimik pissarsiorpoq

Kisitsisit pikkoriffigaagit, immikkuualuttunik suliaqarsinnaasoq aammalu naatsorsuutinik aqutsineq aningaasatigullu misissueqqissaarnerit suliarerusuppigit? Taava immaqa tassa illit aningaasaqarnermut siunnersortitaassarput.

Atorfik pillugu:

Sanarfinermut Avatangiisinullu Ingerlatsivimmut aningaasaqarnermut siunnersortimik pissarsiorpugut, tassani ulluinnarni aningaasaqarnermik suliaqarnermi pingaarnertut atuuffeqassaatit peqatigitillugulu aqutsisut aningaasatigut misissueqqissaarinikkut siunersioqatiginninnikkullu tapertaaffigissavatit.

Aningaasaqarnermut suleqatigiinni amerlanngitsuni ilanngutissaatit, taakkua ingerlatsinermi sanaartornermilu suliassanik ingerlatsisarput. Suliniutinut aqutsisut, fagchefit ingerlatsivinnilu assigiinngitsuni suleqatit allat qanimut suleqatigisarpagut.

Illit ilaatigut makku suliarisassavatit:

∙Naatsorsuutinik aqutsineq ingerlaavartumillu aningaasaqarnermik suliaqarneq

∙Kontunut inissitsiterineq, naligiisitsineq ilanngussanillu malinnaaviginninneq

∙Missingersuusianik malinnaaviginninneq naatsorsuutinillu naatsorsuusiornermut ikiuutaaneq

∙Aningaasatigut nalunaarusianik, kisitsisinik pingaarnernik aamma missingersuutinik suliaqarneq

∙Misissueqqissaarnikkut aningaasaqarnikkullu siunersioqatigiinnikkut aqutsisunut tapersersuineq

∙Aningaasaqarnermik aqutsinermut tunngasuni suleriutsinik ineriartortitseqataaneq pitsanngorsaaqataanerlu

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Suleqatissarsiorpugut:

∙Aningaasaqarnermut, naatsorsuinermut imaluunniit allaffissornermut tunngasunik ilinniagalik

∙Naatsorsuutinik aningaasaqarnikkullu aqutsinermik misilittagalik – ajornanngippat pisortat suliffiuteqarfiinik misilittagaqarsimasoq

∙Aaqqissuussaasumik sulisinnaasoq immikkuualuttunillu pingaartitsisoq kisianni aamma tamakkiisumik takunnissinnaassusilik

∙Nammineerluni aammattaaq suleqatit qanimut peqatigalugit suliniarsinnaassusilik

∙Aningaasaqarnikkut unamminarsinnaasunik ajornanngitsumik paasinartumillu ingerlatitseqqiisinnaasoq

Neqeroorutigaavut:

∙Suliffik tamatigoortoq, tassani naatsorsuutinik ataqatigiissaarinermi suliassaasartut misissueqqissaarnerit siunnersuinerillu ataatsimut suliarisassavatit

∙Suliffik sanaartornermut, avatangiisinut ingerlatsinermullu tunngasuni kommunip ineriartorneranut annertuumik sunniuteqartoq.

∙Aningaasaqarnermut suleqatigiit tunniusimasut suliatigullu pikkorissut

∙Piginnaasanik pisarialinnik ineriartortitsinissamik periarfissat

∙Najoqqutassat nikerarsinnaasut aamma pisortatigoorpalaanngitsumik oqaloqatiginnissinnaaneq

∙Suliffimmi kulturi ilorrisimaarnartoq pitsaasumik sulisunik isumaginniffiusoq

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 1022-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 21.-at, 2025

Atorfik una qinnuteqarfigiuk